UJeremiya 19:7 - iBhayibhili Elingcwele 1978

⁷ Ngizakuchitha kulindawo amacebo akoJuda laweJerusalema, ngenze ukuba abantu babo babulawe empini phambi kwezitha zabo, langesandla salabo ababazingelayo; nginike izidumbu zabo zibe yikudla kwenyoni zaphezulu lenyamazana zeganga.

IBhayibhili Elingcwele LesiNdebele

⁷ Kuyonale indawo ngizawachitha amacebo kaJuda laweJerusalema. Ngizabenza bafe ngenkemba phambi kwezitha zabo, lasezandleni zalabo abafuna ukubabulala, njalo ngizanikela izidumbu zabo ukuba zibe yikudla kwezinyoni zasemoyeni lezinyamazana zeganga.

UJeremiya 19:7 ပူးပေါင်းရင်းမြစ်များ

2 AmaKhosi 21:14

Ngizabalahla abaseleyo ebantwini bami, ngibanikele esandleni sezitha zabo, bathunjwe babe yimpango yezitha zabo zonke,

Izaga 21:30

Ukuhlakanipha lokuqedisisa lokweluleka kakusilutho phambi kweNkosi.

U-Isaya 29:14

ngakhoke ngizakubuya ngethuse lababantu ngezinto ezimangalisayo; lokuhlakanipha kwabahlakaniphileyo babo kuzakuphela, lokuqedisisa kwabaqedisisayo babo kuphele.

U-Isaya 8:10

Yenzani icebo, kodwa lizakwahluleka; khulumani ilizwi, kodwa kaliyikuma, ngoba uNkulunkulu ulathi.

UJeremiya 15:2

Lapho bekubuza besithi: Sizakuya ngaphi? uzakuthi kibo: INkosi ithi: Abokufa baya ekufeni, abomkhonto baya emkhontweni, abendlala baya endlaleni, labokuthunjwa baya ekuthunjweni.

UJeremiya 15:9

Owazala abayisikhombisa usekhathele, waqaleka; watshonelwa lilanga kusesemini; waba lenhloni, wayangeka. Abaseleyo ngizabanikela ezitheni zabo ukuze babulawe, kutsho iNkosi.

UJeremiya 16:4

Bazabulawa yikufa okwesabekayo; kabayikulilelwa, futhi kabayikungcwatshwa; bazakuba njengamalongwe emhlabathini. Bazabhujiswa yimpi layindlala, lezidumbu zabo zibe yikudla kwenyoni zaphezulu lenyamazana zeganga.

UJeremiya 18:21

Ngalokhoke nikela abantwana babo endlaleni, ubanikele ekubulaweni empini; abafazi babo balahlekelwe ngabantwana, babe ngabafelwakazi, lamadoda abo abulawe ngumkhuhlane, lamajaha abo abulawe empini.

UJeremiya 21:7

Kuthi emva kwalokho, kutsho iNkosi, nginikele uZedekiya inkosi yakoJuda, lenceku zakhe, labantu balumuzi abasilileyo emkhuhlaneni, lempini, lendlaleni, esandleni sikaNebukadineza inkosi yaseBabiloni, lasezandleni zezitha zabo, ezandleni zalabo ababazingelayo. Uzakubabulala; kayikuba lasihawu, kayikubahawukela, kayikuba lamusa kibo.

UJeremiya 22:19

Uzangcwatshwa njengobabhemi; uzahudulwa, alahlwe ngaphandle kwamasango eJerusalema.

UJeremiya 22:25

ngikunikele ezandleni zalabo abakuzingelayo, labo obesabayo, ngitsho esandleni sikaNebukadineza inkosi yaseBabiloni lakumaKaladiya,

UJeremiya 32:28

Ngakho ngiyawunikela lumuzi ezandleni zamaKaladiya lezandleni zikaNebukadineza inkosi yaseBabiloni ozakuwunqoba.

UJeremiya 34:20

Ngizabanikela ezendleni zezitha zabo lezandleni zalabo abafuna ukubabulala. Izidumbu zabo zizakuba yikudla kwenyoni zaphezulu lenyamazana zeganga.

UJeremiya 46:26

Ngizabanikela ezandleni zalabo ababazingelayo, esandleni sikaNebukadineza inkosi yaseBabiloni lezinduna zakhe, andubana iGibithe lakhiwe futhi njengasensukwini zasendulo, kutsho iNkosi.

UJeremiya 7:33

Kuthi izidumbu zalababantu zibe yikudla kwenyoni zaphezulu, lenyamazana zeganga, kungekho ozazethusa.

UJeremiya 8:2

azachaywa elangeni lasenyangeni, lakuzo zonke inkanyezi, abakuthandileyo bakukhonza, abakulandeleyo bakudinga, bakudumisa; kawayikubuthwa angcwatshwe futhi, azakuba njengomquba emhlabathini.

UJeremiya 8:8

Lingatsho kanjani ukuthi: Sihlakaniphile, lomlayo weNkosi ulathi? Kodwa, khangelani, ukuloba okukhohlisayo kwababhali kuwuphendule umlayo waba ngamanga.

UJeremiya 8:9

Abahlakaniphileyo bazayangeka, besabe babanjwe; balilahlile ilizwi leNkosi; pho, balokuhlakanipha bani na?

Izililo 3:37

Ngubani ongalawula, kwenzeke, nxa iNkosi ikwalile na?

ULevi 26:17

Ngizakumelana lani, lichithwe yizitha zenu. Abalizondayo bazakulibusa, libaleke lingaxotshwa muntu.

ULevi 26:25

Ngizakwehlisela impi phezu kwenu ezakuphindisela isivumelwano. Uba libuthana emizini yenu, ngizakuthuma umkhuhlane phakathi kwenu, linikelwe ezandleni zezitha.

AbaseRoma 3:31

Ngakhoke siyawenza umlayo ube yize ngokukholwa na? Phinde! Kodwa siyawuqinisa umlayo.

AbaseRoma 4:14

Ngoba uba izindlalifa ziyizo ngawo umlayo, ukukholwa kwenziwe ize lesithembiso senziwa ize.

1 USamuyeli 17:46

Lamuhla iNkosi izakukunikela esandleni sami, ngizakukubulala, ngikuqume ikhanda; nginike lamuhla inyoni zaphezulu lenyamazana zomhlaba izidumbu zempi yamaFilistiya, ukuze wonke umhlaba wazi ukuba kukhona uNkulunkulu koIsrayeli.