UJeremiya 19:4 - iBhayibhili Elingcwele 1978

⁴ Ngoba abantu bangitshiyile, bayingcolisa lindawo ngokutshisela kiyo impepha kwabanye onkulunkulu abangabaziyo bona labokhokho babo kanye lamakhosi akoJuda; futhi bayigcwalisa lindawo ngegazi labangelacala,

IBhayibhili Elingcwele LesiNdebele

⁴ Ngoba bangidelile kwathi indawo le bayenza eyabonkulunkulu bezizweni; kuyo batshisele imihlatshelo onkulunkulu abangabaziyo, bona labokhokho babo kanye lamakhosi akoJuda, njalo indawo le sebayigcwalisa igazi labantu abangelacala.

UJeremiya 19:4 ပူးပေါင်းရင်းမြစ်များ

2 AmaKhosi 21:16

Futhi uManase uchithile igazi elinengi elingelacala waze waligcwalisa iJerusalema kusukela ekuqaleni kwalo kuze kube sekucineni, ngaphandle kwezono enza ngazo uJuda ukuba one, baze benza okubi phambi kwami.

2 AmaKhosi 23:10

Wangcolisa iTofethi elisesihotsheni saseBeni‐Hinomu ukuze kungabi khona umuntu otshisa indodana yakhe kumbe indodakazi yakhe ibe ngumnikelo kunkulunkulu uMoloki.

2 AmaKhosi 24:4

langenxa yegazi elingelacala alichithayo: wagcwalisa iJerusalema ngegazi elingelacala, iNkosi yayingamthetheleli.

AmaHubo 106:38

bachitha igazi elingelacala, igazi lamadodana lamadodakazi abo, abanikela ngawo ezithombeni zaseKanani; ilizwe lagcwala igazi.

U-Isaya 59:7

Balamawala okwenza okubi, baphangisa ukuchitha igazi elingelacala; amacebo abo ngamacebo obubi, lezindlela zabo zigcwele ukuchitheka lokubhubhisa.

U-Isaya 65:11

Kodwa lina elitshiya iNkosi, likhohlwe intaba yami engcwele, liphakulele unkulunkulu uNhlanhla ukudla, limgcwalisele inkezo ngewayini elixutshiweyo unkulunkulu uSimiselo,

UJeremiya 1:16

Ngizabagweba ngenxa yabo bonke ububi babo ngokungihlamuka kwabo. Batshisela abanye onkulunkulu impepha, bakhonza imisebenzi yezandla zabo.

UJeremiya 11:13

Ngoba onkulunkulu bakho banengi njengemizi yakho, wena Juda, lamaaltare owakhele into elehlazo manengi njengezindlela zeJerusalema amaaltare okutshisela uBali impepha.

UJeremiya 15:6

Wena ungilahlile, kutsho iNkosi, wabuyela emuva; ngalokhoke ngikuphakamisele isandla sami, ngakuchitha; sengikhathele ukubekezela.

UJeremiya 16:11

Wena uthi kibo: Kungoba okhokho benu bangitshiyile, kutsho iNkosi; baye kwabanye onkulunkulu, babasebenzela, babakhonza, bangitshiya mina, kabawugcinanga umlayo wami;

UJeremiya 17:13

Wena Nkosi, olithemba likaIsrayeli, bonke abakudelayo bazakuyangeka, labakutshiyayo bazaqedwa emhlabeni, ngoba bayidelile iNkosi engumthombo wamanzi okuphila.

UJeremiya 17:20

uthi: Zwanini ilizwi leNkosi, lina makhosi akoJuda, lani lonke bakoJuda, labo bonke abakhileyo eJerusalema abangena ngawo lamasango.

UJeremiya 18:15

Kodwa abantu bami bangikhohliwe, batshisela onkulunkulu bamanga impepha; bakhubeka endleleni zabo, emigwaqweni yasendulo, baphambukela ezindledlaneni, kabahambanga ngemigwaqo;

UJeremiya 2:13

Ngoba abantu bami benzile izinto ezimbi ezimbili; bangihlamukele, mina mthombo wamanzi okuphila, bazigebhela imithombo etshayo, engabambi manzi.

UJeremiya 2:17

Wena Israyeli, kawuzehliseli lokhu ngokuhlamuka iNkosi uNkulunkulu wakho lapho ikukhokhela endleleni na?

UJeremiya 2:19

Ububi bakho buzakukutshaya, lokuhlehlela kwakho emuva kuzakukukhuza. Yazi, ubone ukuthi kuyinto embi ukuyihlamukela iNkosi uNkulunkulu wakho, lokuthi ukungesaba kakukho kuwe, kutsho iNkosi uNkulunkulu wamabandla.

UJeremiya 2:30

Kwaba yize ukubatshaya kwami abantwana benu, kabakwamukelanga ukulaywa. Umkhonto wenu ubadlile abaprofethi bakho njengesilwane esichithayo.

UJeremiya 2:34

Lasezigqokweni zakho kufunyanwa igazi labayanga abangelacala; kawubafumananga befohlela. Kanti kukho konke lokho uthi:

UJeremiya 22:17

Kodwa wena, amehlo akho lenhliziyo yakho kusekuphangeni kuphela, lasekuchitheni igazi elingelacala, lasekucindezeleni lekwenzeni okubi.

UJeremiya 22:3

INkosi ithi: Yenzani okuqotho lokulungileyo, likhulule esandleni somcindezeli lowo ophangiweyo, lingenzi okubi kowezizwe, lakuzo izintandane, lakumfelwakazi, lingachithi igazi elingelacala kulindawo.

UJeremiya 26:15

Kodwa lazi isibili ukuthi uba lingibulala, lizakwehlisela igazi elingelacala phezu kwenu laphezu kwalumuzi labakhileyo kiwo, ngoba impela iNkosi yangithuma ukukhuluma lamazwi kini.

UJeremiya 26:23

bamthatha uUriya eGibithe, bamletha enkosini uJehoyakimi, owambulalayo, lesidumbu sakhe wasiphosela endaweni yokungcwabela abantukazana.

UJeremiya 44:3

ngenxa yobubi babo ababenzayo, bangivusa ulaka ngoba batshisa impepha, bakhonza abanye onkulunkulu abangabaziyo bona kanye lani labokhokho benu.

UJeremiya 5:6

Ngakhoke isilwane sasehlathini sizababulala, babhujiswe yimpisi yasenkangala, lengwe iyicathamele imizi yabo, bonke abaphuma kiyo bazakubanjwa; ngoba iziphambeko zabo zinengi, lokuhlehlela kwabo emuva kwandile.

UJeremiya 7:6

uba lingacindezeli owezizweni, lentandane, lomfelwakazi, lingachithi igazi elingelacala, lingakhonzi abanye onkulunkulu ukuba lizilimaze ngalokho,

UJeremiya 7:9

Lizakweba, libulale, lifebe, lifunge amanga, litshisele uBali impepha, likhonze abanye onkulunkulu elingabaziyo,

Izililo 4:13

Kwakungenxa yezono zabaprofethi balo lobubi babapristi balo, ababechitha igazi labalungileyo phakathi kwalo.

UHezekhiyeli 20:26

ngabayekela ukuba bazingcolise ngeminikelo yabo uqobo, lokuba banikele ngamazibulo abo wonke ngokuwatshisa ngomlilo ukuze ngibesabise. Ngakwenza lokho ukuba bazi ukuba ngiyiNkosi.

UHezekhiyeli 7:22

Ngizafihla ubuso bami kibo ukuze bangcolise indawo yami eligugu. Abaphangi bazangena bayingcolise.

UHezekhiyeli 8:11

Kwakumi phambi kwazo abadala bakoIsrayeli abangamatshumi ayisikhombisa bekanye loJazaniya indodana kaShafani. Bonke babephethe indengezi zempepha, zithunqa intuthu yempepha.

UDanyeli 11:31

Izimpi zakhe zizafika zingcolise ithempeli lenqaba, zisuse umnikelo otshiswa insuku zonke, zimise amanyala aletha ukuchitheka.

ULukha 11:50

ukuze kubizwe kulesisizukulwana igazi labaprofethi bonke elachithwa kusukela ekudatshulweni komhlaba,

UDutheronomi 13:13

ukuthi abantu abathile ababi bavelile phakathi kwenu, bayenga abalowomuzi besithi: Asihambe siyekhonza abanye onkulunkulu elingabaziyo;

UDutheronomi 13:6

Uba umfowenu, indodana kanyoko, loba indodana yakho, loba indodakazi yakho, loba umkakho omthandayo, ingabe umngane wakho othandeka kakhulu kuwe, ekuyenga ensitha esithi: Asihambe, siyekhonza abanye onkulunkulu; ongabaziyo wena labokhokho bakho,

UDutheronomi 28:20

INkosi izakuthuma phezu kwenu iziqalekiso lenhlupheko lenkathazo kukho konke elizakukwenza, lize libhubhe liphele masinyane, ngenxa yezenzo zenu ezimbi ngoba lingidelile.

UDutheronomi 28:36

INkosi izalinikela lina lenkosi yenu elayibeka ukulibusa esizweni elingasaziyo lina labokhokho benu, likhonze lapho abanye onkulunkulu abenziwe ngesigodo langelitshe.

UDutheronomi 28:64

INkosi izakulihlakazela phakathi kwabantu bonke, kusukela komunye umkhawulo womhlaba kuze kube komunye, likhonze lapho abanye onkulunkulu abenziwe ngesigodo langelitshe, elingabaziyo lina labokhokho benu.

Isambulo 16:6

ngoba abantu bachitha igazi labangcwele lelabaprofethi, wabanika ukuba balinathe igazi; lokhu kubafanele.

Abahluleli 5:8

Ekukhetheni kwabo onkulunkulu abatsha kwaba khona ukulwa elizweni. Kwakungasabonwa isihlangu lomkhonto ebantwini abazinkulungwane ezingamatshumi amane koIsrayeli.