UJeremiya 19:2 - iBhayibhili Elingcwele 1978

² uye esihotsheni seBeni‐Hinomu eSangweni leziNdengezi, utshumayele khona amazwi engikutshela wona.

IBhayibhili Elingcwele LesiNdebele

² uhambe labo esigodini seBheni-Hinomu, eduze lentuba yeSango loDengezi. Umemezele amazwi engikutshela wona,

UJeremiya 19:2 ပူးပေါင်းရင်းမြစ်များ

2 AmaKhosi 23:10

Wangcolisa iTofethi elisesihotsheni saseBeni‐Hinomu ukuze kungabi khona umuntu otshisa indodana yakhe kumbe indodakazi yakhe ibe ngumnikelo kunkulunkulu uMoloki.

2 ImiLando 28:3

watshisa impepha esihotsheni saseBeni‐Hinomu, watshisa lamadodana akhe aba ngumnikelo, elingisa amanyala enziwa yizizwe iNkosi eyazixotsha phambi kwabakoIsrayeli.

2 ImiLando 33:6

Watshisa abantwana bakhe baba ngumnikelo esihotsheni saseBeni‐Hinomu, wavumisa, wenza imilingo lamalumbo, wasebenza labalamadlozi labathakathi. Wenza okubi kakhulu phambi kweNkosi, wayithukuthelisa.

UNehemiya 3:29

Ngemva kwabo kwakha uZadoki indodana kaImeri maqondana lendlu yakhe. Ngemva kwakhe kwakha uShemaya indodana kaShekaniya, umgcini weSango lasempumalanga.

UJeremiya 1:7

Kodwa iNkosi yathi kimi: Ungatsho ukuthi: Ngingumntwana nje; ngoba kubo bonke engikuthuma kubo uzakuya, lakho konke engikulaya khona uzakukukhuluma.

UJeremiya 11:6

INkosi yathi kimi: Tshumayela wonke lamazwi emizini yakoJuda lasezindleleni zaseJerusalema, uthi: Zwanini amazwi alesisivumelwano, liwagcine.

UJeremiya 18:2

Suka, wehlele endlini yombumbi wembiza, ngizakukutshela amazwi ami khona.

UJeremiya 26:2

INkosi ithi: Mana egumeni lethempeli, ukhulume kuyo yonke imizi yakoJuda efikayo ukuzakhonza ethempelini, utsho wonke amazwi engakulaya wona, ungatshiyi lelilodwa.

UJeremiya 3:12

Hamba uyememezela lamazwi ngasenyakatho uthi: Buya wena Israyeli ongathembekanga, kutsho iNkosi. Kangiyikukuthukuthelela, ngoba ngilesihawu, itsho iNkosi. Kangiyikuthukuthela kokuphela.

UJeremiya 32:35

Bakha indawo eziphakemeyo zikaBali esihotsheni seBeni‐Hinomu, ukuba banikele amadodana lamadodakazi awo kuNkulunkulu uMoloki, into engingabalayanga yona lengafikanga engqondweni yami, ukuba benze uJuda one.

UJeremiya 7:2

Mana emnyango wethempeli, utshumayele lapho lelilizwi uthi: Zwanini ilizwi leNkosi, lina lonke bantu bakoJuda, abangena kuliminyango ukukhonza iNkosi.

UJona 3:2

Suka uye eNineve kulowana umuzi omkhulu, umemezele kulo ilizwi engikutshela lona.

UMatewu 10:27

Lokho engikutsho kini emnyameni, kukhulumeni ekukhanyeni; lalokho elikuzwa kunyenyezwa, kutshumayeleni phezu kwezindlu.

Imisebenzi 20:27

Ngoba kangiyekelanga ukulitshela lonke icebo likaNkulunkulu.

Imisebenzi 5:20

Hambani, lime ethempelini likhulume ebantwini wonke amazwi alokhukuPhila.

UJoshuwa 15:8

wasukhwela ngesihotsha saseBeni‐Hinomu usiya eningizimu kwewatha lamaJebusi, okutsho iJerusalema. Wasukhwela usiya engqongeni yentaba ekhangelene lesihotsha saseBeni‐Hinomu ngasentshonalanga, ngasenyakatho ekupheleni kwesihotsha saseRefayimi,