UJeremiya 18:8 - iBhayibhili Elingcwele 1978

⁸ uba lesosizwe engakhulume ngaso sitshiya ububi baso, ngizazisola ngokubi ebengisithi ngizakubenza kiso.

IBhayibhili Elingcwele LesiNdebele

⁸ kuthi isizwe leso engisixwayisileyo siphenduke ebubini baso, ngizaxola ngingabe ngisasehlisela ebesengimise ukusehlisela khona.

UJeremiya 18:8 ပူးပေါင်းရင်းမြစ်များ

2 ImiLando 12:6

Izikhulu zakoIsrayeli kanye lenkosi bazithoba bathi: INkosi ilungile.

AmaHubo 106:45

Yakhumbula isivumelwano sayo ngenxa yabo, yaphenduka ngenxa yobukhulu bothando lwayo olungapheliyo.

AmaHubo 135:14

Ngoba iNkosi izakwahlulela abantu bayo, ibe lesihawu ezincekwini zayo.

AmaHubo 90:13

Buya, Nkosi! Koze kube nini uthukuthela na? Hawukela inceku zakho.

U-Eksodasi 32:12

AmaGibithe uzawavumelelani ukuba athi: Yayiqonde ukubenza okubi ngokubakhupha kwayo ukuba ibabulale ezintabeni, ibaqede emhlabeni na? Phenduka olakeni lwakho oluvuthayo, ungenzi okubi lokhu ebantwini bakho.

U-Eksodasi 32:14

Ngakho iNkosi yasiphenduka ebubini eyayisithi izakubenza ebantwini bayo.

UJeremiya 12:16

Kuzakuthi uba bezazifunda kuhle indlela zabantu bami, bafunge ibizo lami bathi: Ngifunga iNkosi; njengalokho bafundisa abantu bami ukufunga uBali, bazakwakha phakathi kwabantu bami.

UJeremiya 15:6

Wena ungilahlile, kutsho iNkosi, wabuyela emuva; ngalokhoke ngikuphakamisele isandla sami, ngakuchitha; sengikhathele ukubekezela.

UJeremiya 26:13

Ngakho lungisani indlela zenu lezenzo zenu, lilalele ilizwi leNkosi uNkulunkulu wenu, izayekela ukwenza okubi konke ekukhulume ngani.

UJeremiya 26:19

Kambe inkosi yakoJuda uHezekiya labo bonke abakoJuda bambulala yena yini? Angithi bayesaba iNkosi, bayincenga, kayiyekelanga yini iNkosi ukukwenza okubi eyayikukhulume ngabo na? Sizakwehlisela phezu kwethu ububi obukhulu na?

UJeremiya 26:3

Mhlawumbe bazakulalela, bonke batshiye indlela zabo ezimbi, ukuba ngiyekele okubi ebengisithi ngizakukwenza kubo ngenxa yezenzo zabo ezimbi.

UJeremiya 36:3

Mhlawumbe indlu yakoJuda izakuzwa konke okubi engicabanga ukukwenza kiyo, ukuba baphenduke bonke endleleni yabo embi, ukuze ngithethelele ububi babo lesono sabo.

UJeremiya 42:10

Uba lihlala kulelilizwe, ngizakulakha ngingalidilizi, ngiligxumeke, ngingalisiphuni; ngoba ngiyazisola ngokubi engikwenzileyo kini.

UHezekhiyeli 18:21

Uba omubi ephenduka ebubini bakhe bonke abenzileyo, agcine izimiso zami, enze okufaneleyo lokulungileyo, uzakuphila impela, kayikufa.

UHezekhiyeli 33:11

Tshono kibo uthi: INkosi ithi: Ngiyazifunga mina, kangithokozi ngokufa komubi, kodwa ngokuba omubi atshiye indlela yakhe aphile; tshiyanike, tshiyani indlela zenu ezimbi, ngoba lizafelani, lina bakoIsrayeli na?

UHezekhiyeli 33:12

Wenake, ndoda, tshono ebantwini bakini uthi: Ukulunga kolungileyo kakuyikumkhulula uba esona; lobubi bomubi kabuyikumbulala uba etshiya ububi bakhe; lolungileyo kayikuphila ngokulunga kwakhe uba esona.

UHezekhiyeli 33:13

Lapho ngisitsho kolungileyo ukuthi uzaphila impela, kanti uba ethemba ukulunga kwakhe, enze isono, kakuyikukhunjulwa lesisodwa isenzo sakhe esilungileyo, kodwa uzafela esonweni asenzileyo.

UHezekhiyeli 33:14

Futhi uba ngisitsho komubi ukuthi uzakufa impela, kanti uba ephenduka ezonweni zakhe, enze okufaneleyo lokulungileyo,

UHosiya 11:8

Ngizakukulahla kanjani, Efrayimi? Ngizakukunikela kanjani, Israyeli? Ngizakukwenza kanjani ube njengeAdima? Ngizakukuphatha kanjani njengeZeboyimi na? Inhliziyo iyala phakathi kwami, lesihawu sami siyaqubuka.

uAmosi 5:15

Zondani okubi lithande okuhle, lenze okufaneleyo enkundleni; mhlawumbe iNkosi uNkulunkulu wamabandla ingaba lomusa kwabaseleyo koJosefa.

UJona 4:2

Wakhuleka eNkosini wathi: Ngiyakuncenga, Nkosi, kayisikho lokhu engakutshoyo ngiseselizweni lakithi na? Yikho lokhu ngaphangisa ukubalekela eTarshishi; ngoba ngangisazi ukuthi wena unguNkulunkulu olomusa lolesihawu, ophuza ukuthukuthela, ogcwele uthando olungapheliyo, ozisola ngokubi.

UDutheronomi 32:36

Ngoba iNkosi izakubahlulela abantu bayo, izihawukele inceku zayo, lapho ibona ukuthi amandla abo aphelile, lokuthi kakulamuntu oseleyo ovalelweyo lokhululekileyo.

Abahluleli 2:18

Lapho iNkosi ibamisela umahluleli yayisiba laye, ibophule ezandleni zezitha zabo zonke insuku zomahluleli; ngoba iNkosi yayisiba lesihawu ngokububula kwabo ngenxa yalabo ababahluphayo lababacindezelayo.