UJeremiya 18:12 - iBhayibhili Elingcwele 1978

¹² Kodwa bona bathi: Lokho kakusizi lutho. Sizalandela awethu amacebo, sonke senze ngenkani yenhliziyo zethu ezimbi.

IBhayibhili Elingcwele LesiNdebele

¹² Kodwa bazaphendula bathi, ‘Akusizi lutho. Sizaqhubeka ngamacebo ethu; lowo lalowo wethu uzalandela ubulukhuni benhliziyo yakhe embi.’ ”

UJeremiya 18:12 ပူးပေါင်းရင်းမြစ်များ

UGenesisi 6:5

INkosi yasibona ukuthi ububi bomuntu bukhulu emhlabeni, lokuthi yonke imicabango yenhliziyo yakhe mibi.

UGenesisi 8:21

INkosi yezwa iphunga elimnandi, yathi enhliziyweni yayo: Kangisayikuphinda ngiqalekise umhlaba ngenxa yabantu, ngoba imicabango yomuntu mibi kusukela ebutsheni bakhe; futhi kangisayikuphinda ngibhubhise okuphilayo njengalokhu ngenzile.

2 AmaKhosi 6:33

Kwathi esakhuluma labo, inkosi yafika kuye yathi: Inkathazo yonke le ivela eNkosini uNkulunkulu. Pho, ngingabe ngisathembelani ukuthi izasisiza na?

U-Isaya 57:10

Wadiniswa yibude bendlela yakho, kodwa kawutshongo ukuthi: Lokhu kakusizi lutho; wazuza amandla amatsha, ngakhoke kawuphelanga amandla.

U-Isaya 65:2

Ngelula izandla zami usuku lonke kubo abantu abahlamukayo, abahamba ngendlela engalunganga, belandela imicabango yabo;

UJeremiya 11:8

Kodwa kabezwanga, kabalalelanga; kodwa benza kwaba yilowo lalowo ngokwenkani yenhliziyo yakhe. Ngasengisehlisela phezu kwabo wonke lamazwi alesisivumelwano engabalaya ukuwagcina, kodwa kabawagcinanga.

UJeremiya 16:12

langoba lina lenze okubi ukwedlula okhokho benu; ngoba lonke lilandela inkani yenhliziyo zenu ezimbi, liyala ukungilalela.

UJeremiya 2:25

Ungazidinisi ngokuhambahamba ulandela abanye onkulunkulu, loba uzibulale ngomhawu. Kodwa wena wathi: Atshi, kangiyekeli, ngoba ngithandile abezizweni, ngizakubalandela.

UJeremiya 23:17

Bahlala besithi kulabo abadelela ilizwi leNkosi: Kuzalilungela lonke; lakubo bonke abalandela inhliziyo zabo ezilenkani bathi: Kaliyikwehlelwa ngokubi.

UJeremiya 3:17

Ngalesosikhathi iJerusalema lizakuthiwa yisihlalo sobukhosi seNkosi; zonke izizwe zizabuthana khona, phambi kweNkosi eJerusalema; kazisayikulandela inhliziyo zazo ezilenkani.

UJeremiya 44:17

Kodwa sizakwenza konke esizimisele ukukwenza; sizatshisela iNkosikazi yaphezulu impepha, siyithululele iminikelo yokuthululwa, njengokuba besisenza thina, labobaba, lamakhosi ethu, lezikhulu zethu, emizini yakoJuda lasezindleleni zeJerusalema; ngoba sasilokudla okunengi, sihlezi kuhle singaboni okubi.

UJeremiya 6:17

Ngilibekele abalindi, ngathi: Lalelani ilizwi eliyisixwayiso lokukhala kophondo. Kodwa bathi: Kasiyikulalela.

UJeremiya 7:24

Kodwa kabezwanga, kabalalelanga: bahamba ngamacebo abo langenkani yenhliziyo zabo ezimbi, bahlehlela emuva, kabayanga phambili.

UHezekhiyeli 37:11

Yasisithi kimi: Ndoda, amathambo la anguIsrayeli wonke. Khangela, bathi: Amathambo ethu omile, lethemba lethu lilahlekile, sesiphelile.

UMalaki 3:14

Lithe lina: Kakusizi lutho ukukhonza uNkulunkulu. Kusizani ukugcina imilayo yakhe lokuba sihambe phambi kweNkosi yamabandla njengabakhalayo na?

ULukha 1:51

Wenzile amandla ngengalo yakhe; uhlakazile abazigqajayo ekunakaneni kwenhliziyo zabo.

UDutheronomi 29:19

ngitsho umuntu othi esizwa amazwi alesisifungo, azithokozise enhliziyweni yakhe athi: Kungaba kuhle kimi lanxa ngilandela inhliziyo yami elenkani; ngalokhu bonke abantu bangachitheka.