UJeremiya 17:4 - iBhayibhili Elingcwele 1978

⁴ Uzaliyekela ngokwakho ilizwe lakho engakunika lona, ngikwenze ukuba usebenzele izitha zakho elizweni ongalaziyo, ngoba ekuthukutheleni kwami kuphembeke umlilo ozavutha kuze kube nininini.

IBhayibhili Elingcwele LesiNdebele

⁴ Ngenxa yezici zenu lizalahlekelwa yilifa engalinika lona. Ngizalenza libe yizigqili zezitha zenu elizweni elingalaziyo, ngoba livuse ulaka lwami, njalo luzavutha kuze kube nininini.”

UJeremiya 17:4 ပူးပေါင်းရင်းမြစ်များ

1 AmaKhosi 9:7

ngizakumqeda uIsrayeli elizweni engimnike lona, lendlu engiyahlukanisele ibizo lami ngizayichitha phambi kwami, uIsrayeli abe yisiga lento yokuhaywa phakathi kwezizwe zonke.

2 AmaKhosi 25:21

Inkosi yaseBabiloni yabatshaya yababulalela eRibila elizweni laseHamathi. Bathunjwa ngokunjalo abakoJuda elizweni labo.

UNehemiya 9:28

Lapho sebelokuthula benza okubi futhi phambi kwakho, wabanikela ezitheni zabo ezabanqobayo; kanti nxa sebebuyile bakhala kuwe, wena wabezwa usezulwini; izikhathi ezinengi wabakhulula ngomusa wakho.

U-Isaya 14:3

Lapho iNkosi isiliphumuzile ebuhlungwini benu lasekuhluphekeni kwenu lasemsebenzeni onzima ebelisetshenziswa kiwo,

U-Isaya 30:33

Ngoba indawo yokutshisela kade yalungiswa, yalungiselwa inkosi yaseAsiriya; isilungile, legodi layo lenziwa latshona, laba banzi, lilomlilo lenkuni ezinengi; umphefumulo weNkosi unjengomlilo olesolufa, uyawuthungela.

U-Isaya 5:25

Ngakhoke iNkosi ibathukuthelele abantu bayo, yelula isandla sayo yabatshaya; izintaba zizakuzamazama, lezidumbu zabo zibe yingcekeza ezindleleni. Kukho konke lokhu ukuthukuthela kwayo kakukapheli, isiphakamisile isandla sayo ukutshaya futhi.

U-Isaya 50:11

Khangelani, lina lonke eliphemba umlilo, libase izikhuni, ngenani phakathi komlilo wenu, laphakathi kwenkuni elizibasileyo. Lizakwamukela lokhu esandleni sami, lizalala phansi ngobuhlungu.

U-Isaya 66:24

Bazakuphuma, babone izidumbu zabantu abangivukelayo; impethu edla izidumbu kayiyikufa, lomlilo ozitshisayo kawuyikucima; bazakuba yisinengiso kubo bonke abantu.

UJeremiya 12:7

INkosi ithi: Ngiyitshiyile indlu yami, ngibalahlile abantu bami; nginikele othandekayo wami ezandleni zezitha zakhe.

UJeremiya 15:14

Ngizakukwenza ukuba usebenzele zonke izitha zakho elizweni ongalaziyo, ngoba ekuthukutheleni kwami kuphembeke umlilo ozavutha kuze kube nininini.

UJeremiya 16:13

Ngalokhoke ngizaliphosela ngaphandle kwalelilizwe, liye elizweni elingalazanga lina lokhokho benu; kulapho lizasebenzela abanye onkulunkulu emini lebusuku, ngoba mina kangiyikulihawukela.

UJeremiya 18:23

Kanti, wena Nkosi, uyawazi amacebo abo okungibulala. Ungathetheleli ububi babo, lezono zabo ungazicimi phambi kwakho. Kodwa kabawe phambi kwakho, ubavukele wena ngesikhathi sokuthukuthela kwakho.

UJeremiya 2:14

UIsrayeli uyisigqili yini, wazalwa eyisigqili na? Pho, waba yimpango kanjani na?

UJeremiya 21:12

lina ndlu kaDavida. INkosi ithi: Yenzani okulungileyo ekuseni, likhulule esandleni socindezelayo lowo ophangiweyo, funa ulaka lwami luvuthe njengomlilo, lutshise, kungabi khona olucimayo, ngenxa yezenzo zenu ezimbi.

UJeremiya 22:28

Lumuntu uKoniya uyimbiza efileyo lesitsha esingananzwa muntu na? Uphoselelwani yena labantwana bakhe kwelinye ilizwe abangalaziyo na?

UJeremiya 5:19

Kuzakuthi lapho abakini besithi: INkosi, uNkulunkulu wethu, yenzeleni zonke lezizinto kithi na? uzakuthi kibo: Njengoba lingihlamukele, lakhonza abanye onkulunkulu elizweni lakini, lizakusebenzela abantu bezizwe elizweni elingesilo elenu.

UJeremiya 5:29

Kangiyikubatshaya ngalezizinto na? kutsho iNkosi. Kangiyikuphindisela esizweni esinje na?

UJeremiya 7:20

Ngakhoke iNkosi uNkulunkulu ithi: Ukuthukuthela kwami lolaka lwami kuzakwehlela kulindawo, phezu kwabantu lenyamazana, laphezu kwezihlahla zeganga lezithelo zomhlabathi. Kuzakutsha, kungacimeki.

Izililo 1:12

Kakusilutho kini yini lonke elidlulayo na? Khangelani libone ukuba kukhona yini usizi olunjengolwami, olwehliselwe phezu kwami, iNkosi engehlisele lona osukwini lokuthukuthela kwayo.

Izililo 5:2

Ilizwe lethu selinikwe abezizwe, lemizi yethu yanikwa abemzini.

UHezekhiyeli 21:31

ngehlisele ukuthukuthela kwami phezu kwakho, ngikuthungele ngomlilo wolaka lwami, ngikunikele ezandleni zabantu abalolunya, abakwaziyo ukubulala.

UHezekhiyeli 7:24

ngizaletha izizwe ezimbi kakhulu ukuthumba izindlu zabo, ngiqede ukuziqhenya kwabo lamandla abo, kungcoliswe indawo zabo ezingcwele.

UDutheronomi 28:25

INkosi izakukwenza unqotshwe yizitha zakho; uzakuphuma ngandlelanye ukuzihlasela, uzibalekele ngezindlela eziyisikhombisa; uzakuba yinto eyesabekayo kuyo yonke imibuso yomhlaba.