UJeremiya 17:3 - iBhayibhili Elingcwele 1978

³ laphezu kwezintaba eziselizweni. Imfuyo yenu layo yonke inotho yenu ngizayinikela ibe yimpango yokuhlawulela izono zenu kulo lonke ilizwe lakini.

IBhayibhili Elingcwele LesiNdebele

³ Intaba yami eselizweni lenotho yenu kanye lemfuyo yenu yonke ngizakunikela kube yimpango, ndawonye lezindawo zenu eziphakemeyo, ngenxa yokona kulolonke ilizwe lenu.

UJeremiya 17:3 ပူးပေါင်းရင်းမြစ်များ

2 AmaKhosi 24:13

yathumba layo yonke inotho yethempeli lenotho yesigodlo senkosi, yabulala zonke izitsha zegolide ezisethempelini leNkosi, uSolomoni inkosi yakoIsrayeli owayezenzile, njengokutsho kweNkosi uNkulunkulu.

AmaHubo 78:58

Bamthukuthelisa ngezindawo zabo eziphakemeyo zokukhonzela, bavusa umona wakhe ngezithombe zabo.

U-Isaya 27:9

Ngalokhu uJakobe uzathethelelwa okubi kwakhe; lokhu kuzakuba yisibonakaliso sokususwa kwesono sakhe, lapho esenza ukuba wonke amatshe ealtare avuthuzeke njengekalaga, kungabe kusamiswa insika ezimiselwe unkulunkulukazi uAshera lama‐altare empepha.

UJeremiya 12:12

Abaphangi bafikile phezu kwawo wonke amadundulu angelalutho asenkangala, ngoba umkhonto weNkosi uyadla kusukela komunye umkhawulo welizwe kusiya komunye, kakho olokuthula.

UJeremiya 15:13

Ngizanikela imfuyo yakho lenotho yakho ibe yimpango engabizi mali, ngenxa yezono zakho zonke ezigcwele kulo lonke ilizwe lakini.

UJeremiya 20:5

Futhi ngizanikela yonke imfuyo yalumuzi, layo yonke inzuzo yawo, lakho konke okwawo okuligugu, kanye lenotho yonke yamakhosi akoJuda, ezandleni zezitha zabo ezizakubaphanga, zibathumbe zibase eBabiloni.

UJeremiya 21:13

Ngilwa lani, lina abakhileyo esigodini abanjengedwala emagcekeni, kutsho iNkosi, lina elithi: Ngubani ozasehlela, angene emizini yethu na?

UJeremiya 26:18

UMika waseMoreshethi watshumayela ensukwini zikaHezekiya, inkosi yakoJuda, wathi kibo bonke abantu bakoJuda: INkosi yamabandla ithi: IZiyone lizalinywa njengensimu; iJerusalema libe lunxiwa oludilikileyo, lentaba okwakhiwe kuyo ithempeli ibe lisandle.

Izililo 1:10

Isitha selula izandla zaso ukuthatha konke okuhle kwalo. Libonile izizwe zihlasela indlu yalo engcwele, zona owazalela ukungena phakathi kwebandla lakho.

UHezekhiyeli 16:39

Ngizakukunikela ezandleni zezithandwa zakho, zizadiliza ithala lakho, zibhidlize indawo zakho eziphakemeyo, zikuhlubule izambatho zakho, zikuthathele iziceco zakho ezinhle, zikutshiye unqunu.

UHezekhiyeli 23:46

INkosi uNkulunkulu ithi: Baletheleni ixuku, libenze into eyesabekayo lempango.

UHezekhiyeli 6:3

uthi: Lina zintaba zakoIsrayeli, zwanini ilizwi leNkosi uNkulunkulu. INkosi uNkulunkulu ithi ezintabeni lasemaqaqeni lasezifuleni lasezihotsheni: Mina uqobo ngizakwehlisela phezu kwenu umkhonto, ngivale indawo zenu eziphakemeyo zokukhonzela.

ULevi 26:30

Ngizakuvala indawo zenu eziphakemeyo zokukhonzela, ngidilize ama‐altare enu empepha, ngiphosele izidumbu zenu phezu kwezidumbu zezithombe zenu, nginengwe yini.

UMikha 3:12

Ngakhoke ngenxa yenu iZiyone lizalinywa njengensimu, leJerusalema libe lunxiwa oludilikileyo, lentaba yethempeli iphenduke ibe lihlathi.

UZefaniya 1:13

Impahla yabo izakuphangwa, lezindlu zabo zidilizwe. Loba besakha izindlu, kabayikuhlala kuzo, loba belima izivini, kabayikunatha iwayini lazo.