UJeremiya 17:23 - iBhayibhili Elingcwele 1978

²³ Kanti kabezwanga, kabalalelanga; baba lenkani kabaze bezwa, belaywa.

IBhayibhili Elingcwele LesiNdebele

²³ Kodwa kabalalelanga loba banake; izintamo zabo zazilukhuni njalo kabalalelanga kumbe bamukele ukulaywa.

UJeremiya 17:23 ပူးပေါင်းရင်းမြစ်များ

AmaHubo 50:17

Ngoba uyakuzonda ukuqondiswa, lamazwi ami uyawadelela.

Izaga 1:3

bafundiswe ukuhlakanipha lokulunga lokufaneleyo leqiniso;

Izaga 1:5

Uba ohlakaniphileyo elalela, uzaqhubeka ekufundeni, loqedisisayo uzakuba lokwazi

Izaga 29:1

Umuntu okhuzwa kanengi kodwa abe lenkani, uzakufohlozwa ngomzuzu nje, angabi lakusiliswa.

Izaga 5:12

uthi: Ngazondelani ukulaywa? Ngadelelelani ukukhuzwa na?

Izaga 8:10

Yamukelani ukufundisa kwami endaweni yesiliva, lokwazi endaweni yegolide elihle;

U-Isaya 48:4

Ngoba ngiyazi ukuthi ulenkani, lentamo yakho injengensimbi, lebunzi lakho linjengethusi,

UJeremiya 11:10

Sebebuyele ebubini babokhokho babo abala ukuzwa ilizwi lami; balandela abanye onkulunkulu ukuba babakhonze; indlu yakoIsrayeli leyakoJuda zisaphulile isivumelwano sami engasenza lokhokho babo.

UJeremiya 19:15

INkosi yamabandla, uNkulunkulu kaIsrayeli, ithi: Khangelani, ngizakwehlisela kulumuzi lakuyo yonke imizana yawo konke okubi engikutshiloyo, ngoba balenkani, bala ukuzwa amazwi ami.

UJeremiya 32:33

Bangifulathela, kabakhangelanga kimi; lanxa ngibafundise njalonjalo, kabalalelanga ukufundisa kwami.

UJeremiya 35:15

Ngithumele kini zonke inceku zami abaprofethi, ngibathuma njalonjalo, ngisithi: Phendukani lonke endleleni yenu embi, lenze izenzo zenu zibe zinhle, lingalandeli abanye onkulunkulu ukuba libakhonze, ukuze lihlale elizweni engalinika lina lokhokho benu. Kodwa kalingilalelanga, kalingizwanga.

UJeremiya 5:3

Nkosi, amehlo akho kawathandi ukubona iqiniso na? Wena ubatshayile, kodwa kabezwanga ubuhlungu; ubaqothule, kodwa bala ukulaywa. Benza inhliziyo zabo zaba lukhuni kulelitshe, bala ukuphenduka.

UJeremiya 6:8

Xwayiseka, wena Jerusalema, funa ngikutshiye, ngikuchithe ube yindawo elunxiwa.

UJeremiya 7:28

Uzakuthi kibo: Yiso lesisizwe esingalalelanga ilizwi leNkosi, uNkulunkulu waso, esingavumanga ukulaywa; leqiniso liphelile, lasuswa emlonyeni waso.

UHezekhiyeli 20:13

Kodwa abakoIsrayeli bangihlamuka enkangala, kabahambanga ngezimiso zami, bala imithetho yami, umuntu azaphila ngayo uba eyenza, lamaSabatha ami bawangcolisa kakhulu. Ngasengisithi ngizakwehlisela ukuthukuthela kwami phezu kwabo enkangala, ngibaqede nya.

UHezekhiyeli 20:16

ngoba bala imithetho yami, kabahambanga ngezimiso zami, bangcolisa amaSabatha ami, ngoba inhliziyo zabo zathanda izithombe zabo.

UHezekhiyeli 20:21

Kodwa labantwana bangihlamuka, kabaze bahamba ngezimiso zami, kabaqaphelisanga ukugcina imithetho yami, umuntu azaphila ngayo uba eyenza; bawangcolisa amaSabatha ami. Ngasengisithi ngizakwehlisela ukuthukuthela kwami phezu kwabo, ngibaqede ngolaka lwami enkangala.

UZefaniya 3:7

Ngathi: Impela umuzi uzakungesaba, wamukele ukulaywa; kawuyikukhohlwa ukulaya kwami konke. Kodwa kwang’khona bekhuthalela ngamandla ukwenza okungalunganga.

Imisebenzi 7:51

Lina abanhliziyo ezilukhuni, abangasokanga enhliziyweni lasendlebeni, limelana njalo loMoya oNgcwele; njengabokhokho benu linjalo lani.

Abahluleli 6:10

ngathi kini: NgiyiNkosi uNkulunkulu wenu, kaliyikukhonza onkulunkulu bamaAmori elihlala elizweni lawo. Kodwa kalililalelanga ilizwi lami.