UJeremiya 17:2 - iBhayibhili Elingcwele 1978

² abantwana babo besakhumbula ama‐altare abo, lensika zabo ezimiselwe unkulunkulukazi uAshera eziphansi kwazo zonke izihlahla eziluhlaza, lasemaqaqeni aphakemeyo,

IBhayibhili Elingcwele LesiNdebele

² Labantwababo bayawakhumbula ama-alithare abo lezinsika zika-Ashera phansi kwezihlahla eziluhlaza laphezu kwamaqaqa aphakemeyo.

UJeremiya 17:2 ပူးပေါင်းရင်းမြစ်များ

2 ImiLando 24:18

Bayidela indlu yeNkosi, uNkulunkulu wabokhokho babo, bakhonza insika zikankulunkulukazi uAshera lezithombe. Ulaka lukaNkulunkulu lwehlela phezu kwabakoJuda labaseJerusalema ngenxa yalesisono sabo.

2 ImiLando 33:19

Umkhuleko wakhe, lokuthi uNkulunkulu wakwamukela kanjani ukuncenga kwakhe, lesono sakhe sonke, lokungathembeki kwakhe, lezindawo amisa kuzo indawo eziphakemeyo zokukhonzela, lensika zikankulunkulukazi uAshera, lezithombe, engakazithobi, konke kulotshiwe ogwalweni lwezindaba zababoni.

2 ImiLando 33:3

Wabuya wakha indawo eziphakemeyo zokukhonzela uyise uHezekiya ayezivalile, wakhela oBali ama‐altare, wamisa insika zikankulunkulukazi uAshera, wadumisa zonke inkanyezi zaphezulu, wazikhonza.

AmaHubo 78:58

Bamthukuthelisa ngezindawo zabo eziphakemeyo zokukhonzela, bavusa umona wakhe ngezithombe zabo.

U-Eksodasi 34:13

Lizadiliza ama‐altare abo, libulale insika zabo zokukhonzela, ligamule insika zabo ezimiselwe unkulunkulukazi uAshera;

U-Isaya 1:29

Lizakuba lenhloni ngezihlahla ezinkulu elalithokoza ngazo, linyukumale ngamasimu eliwakhethileyo.

U-Isaya 17:8

kabayikukhathalela ama‐altare, umsebenzi wezandla zabo; kabayikuthemba kokwenziweyo ngezandla zabo, insika ezimiselwe unkulunkulukazi uAshera loba ama‐altare empepha.

UJeremiya 2:20

Wephula ijogwe lakho endulo, waziqamula izibopho zakho, wathi wena: Kangizukukukhonza. Kodwa phezu kwazo zonke intaba, langaphansi kwezihlahla zonke eziluhlaza, walala njengesifebe.

UJeremiya 3:23

Impela ukukhonza phezu kwezintaba kakusizi lutho kanye lomsindo wakhona. Impela ukukhululwa kukaIsrayeli kuseNkosini uNkulunkulu wethu.

UJeremiya 3:6

INkosi yathi kimi ensukwini zenkosi uJosiya: Ubonile okwenziwe nguIsrayeli ongathembekanga na? Ukhwelile kuzo zonke intaba, langaphansi kwezihlahla zonke eziluhlaza uphingile khona.

UJeremiya 7:18

Abantwana batheza inkuni, oyise baphembe umlilo, abesifazana baxove inhlama, ukuba benzele iNkosikazi yaphezulu amaqebelengwana, bathululele abanye onkulunkulu iminikelo yokuthululwa, ukuba bangicunule.

UHezekhiyeli 20:28

Ngoba ngathi sengibalethile elizweni engangifunge ukubanika lona, kwathi lapho bebona intaba eziphakemeyo lezihlahla ezilamahlamvu amanengi, banikela imihlatshelo yabo lapho, kanye leminikelo eyangithukuthelisayo: banikela lapho iminikelo elephunga elihle, leminikelo yokuthululwa.

UDutheronomi 12:2

Impela lizakudiliza zonke indawo lapho izizwe elizakuzinqoba zazikhonzela khona onkulunkulu bazo, ezintabeni eziphakemeyo lasemaqaqeni langaphansi kwezihlahla zonke eziluhlaza;

Abahluleli 3:7

AbakoIsrayeli benza okubi phambi kweNkosi, bayikhohlwa iNkosi uNkulunkulu wabo, bakhonza oBali laboAshera.