UJeremiya 17:16 - iBhayibhili Elingcwele 1978

¹⁶ Kodwa mina kangikukhuthazanga ukuba wenze okubi, futhi kangilufisanga usuku lokuhlupheka, lokhu uyakwazi; okwaphuma emlonyeni wami kwakuphambi kwakho.

IBhayibhili Elingcwele LesiNdebele

¹⁶ Angibalekanga ekubeni ngumelusi wenu; liyakwazi ukuthi angilufisanga usuku lokuphela ithemba. Okudlula endebeni zami kusobala kini.

UJeremiya 17:16 ပူးပေါင်းရင်းမြစ်များ

UJeremiya 12:3

Kodwa, wena Nkosi, uyangazi, uyangibona, uyahlola inhliziyo yami ukuba injani kuwe. Bakhuphe njengezimvu zokuhlatshwa, ubalungisele usuku lokuhlatshwa.

UJeremiya 13:17

Kodwa lapho lingalaleli, ngizakhala ensitha ngenxa yokuziqhenya kwenu, ngizakhala kakhulu, lamehlo ami ehlise inyembezi, ngoba umhlambi weNkosi uthunjiwe.

UJeremiya 15:15

Uyazi, wena Nkosi; ngikhumbula, ungihambele, ungiphindiselele kwabangihluphayo. Ngoba ulokubekezela, ungangisusi; yazi ukuthi ngenxa yakho ngithwele ukuthukwa.

UJeremiya 18:20

Okuhle kuyaphindiselwa ngokubi na? Ngoba bangimbele umgodi. Khumbula ukuthi ngema phambi kwakho ukubakhulumela okuhle ukuthinta ulaka lwakho kibo.

UJeremiya 20:7

Nkosi, wangiyenga, ngayengeka. Ulamandla kulami, ungahlulile, sengiyinhlekisa insuku zonke, bonke bayangihleka.

UJeremiya 20:9

Uba ngisithi: Kangisayikuyiphatha, kangisayikukhuluma ngebizo layo; kuba khona enhliziyweni yami lokho okungathi ngumlilo ovuthayo, ovalelwe emathanjeni ami; sengikhathele ukubekezela, sengehlulekile.

UJeremiya 9:1

Kungathi ngabe ikhanda lami lingamanzi, lamehlo ami angumthombo wenyembezi, ukuba ngikhalele ababuleweyo ebantwini bami emini lebusuku.

uAmosi 5:10

Liyamzonda obakhuzayo enkundleni abonayo, linengwe ngokhuluma iqiniso.

Imisebenzi 20:20

lokuthi kangigodlanga lutho olusizayo kini, ngalifundisa phambi kwabantu lakuzo izindlu ngezindlu,

Imisebenzi 20:27

Ngoba kangiyekelanga ukulitshela lonke icebo likaNkulunkulu.

2 AbaseKhorinte 1:12

Ukuzincoma kwethu yilokhu, okuyibufakazi besazela sethu, ukuthi sahamba emhlabeni ikakhulu maqondana lani ngobungcwele langobuqotho, kungesikho ngokuhlakanipha komhlaba kodwa ngomusa kaNkulunkulu.

2 AbaseKhorinte 2:17

Thina kasinjengabanengi abathengisa ilizwi likaNkulunkulu; kodwa njengabaqotho, njengabamiswe nguNkulunkulu sikhuluma phambi kukaNkulunkulu sikuKristu.

UJakhobe 1:19

Yazini lokhu, bazalwane bami abathandekayo. Kakube yilowo lalowo aphangise ukuzwa, aphuze ukukhuluma, aphuze ukuthukuthela,

UJakhobe 3:1

Bazalwane bami, lingabi ngabafundisi abanengi, lazi ukuthi thina esifundisayo sizakwahlulelwa ngokukhulu.