UJeremiya 17:12 - iBhayibhili Elingcwele 1978

¹² Indlu yethu engcwele injengesihlalo sobukhosi esilenkazimulo, esabekwa phezulu kusukela ekuqaleni.

IBhayibhili Elingcwele LesiNdebele

¹² Isihlalo sobukhosi, esikhazimulayo esaphakanyiswayo kusukela ekuqaleni, siyindawo yethu yokuphephela.

UJeremiya 17:12 ပူးပေါင်းရင်းမြစ်များ

AmaHubo 103:19

INkosi imisile isihlalo sayo sobukhosi emazulwini, lombuso wayo uphezu kwakho konke.

AmaHubo 96:6

Inkazimulo lobukhosi kuphambi kwayo, amandla lobuhle kusendlini yayo engcwele.

U-Isaya 6:1

Ngomnyaka wokufa kwenkosi uUziya ngayibona iNkosi uNkulunkulu ihlezi esihlalweni sobukhosi esiphezulu lesiphakemeyo; umsila wengubo yayo wagcwalisa ithempeli.

U-Isaya 66:1

INkosi ithi: Izulu liyisihlalo sami sobukhosi, lomhlaba uyisigcabha senyawo zami; ngenjani leyondlu ebelizakungakhela yona, ngenjani lendawo yami yokuphumula na?

UJeremiya 14:21

Ungasixotshi, ngenxa yebizo lakho, ungaseyisi isihlalo sobukhosi bakho; sikhumbule, ungasephuli isivumelwano osenze lathi.

UJeremiya 3:17

Ngalesosikhathi iJerusalema lizakuthiwa yisihlalo sobukhosi seNkosi; zonke izizwe zizabuthana khona, phambi kweNkosi eJerusalema; kazisayikulandela inhliziyo zazo ezilenkani.

UHezekhiyeli 1:26

Ngaphezu komkhathi owawuphezu kwamakhanda azo kwakukhona okunjengelitshe elithiwa yisafire, kunjengesihlalo sobukhosi; ngaphezu kwakho konke kukhona okuhlezi esihlalweni sobukhosi okufanana lomuntu.

UHezekhiyeli 43:7

wathi kimi: Ndoda, le yindawo yesihlalo sami sobukhosi lendawo yenyawo zami, lapho ngizahlala khona phakathi kwabantu bakoIsrayeli kokuphela. AbakoIsrayeli kabasayikungcolisa ibizo lami elingcwele, bona lamakhosi abo, ngokuwula kwabo langezidumbu zamakhosi abo,

UMatewu 25:31

Nxa isifikile iNdodana yomuntu ngobukhosi bayo kanye lezithunywa zonke, kung’khona izakuhlala esihlalweni sayo sobukhosi;

AmaHebheru 12:2

sikhangele kuJesu, umqalisi lomphelelisi wokukholwa kwethu, owathi endaweni yentokozo ayimiselweyo wathwala isiphambano engalinanzi ihlazo, wahlala ngakwesokunene sesihlalo sobukhosi sikaNkulunkulu.

AmaHebheru 4:16

Ngakhoke asisondele ngesibindi esihlalweni somusa ukuba samukeliswe isihawu, sizuze umusa wokusisiza ngesikhathi esifaneleyo.

Isambulo 3:21

Onqobayo ngizakumnika ukuba ahlale lami esihlalweni sami sobukhosi, njengalokhu lami nganqoba, ngahlala loBaba esihlalweni sakhe sobukhosi.