UJeremiya 16:6 - iBhayibhili Elingcwele 1978

⁶ Bazakufa bonke abakhulu labancinyane kulindawo; kabayikungcwatshwa, futhi kakulamuntu ozakubalilela kumbe azisike, loba agele ikhanda lakhe ngenxa yabo.

IBhayibhili Elingcwele LesiNdebele

⁶ “Bonke abaphakemeyo labantukazana bazakufa kulelilizwe. Kabayikungcwatshwa kumbe bakhalelwe, njalo kakho ozazisika kumbe aphuce ikhanda lakhe ngenxa yabo.

UJeremiya 16:6 ပူးပေါင်းရင်းမြစ်များ

2 ImiLando 36:17

Ngalokhoke yabathumela inkosi yamaKaladiya eyabulala amajaha abo lasendlini yabo engcwele, ingahawukeli amajaha lezintombi, abadala lamaxhegu; iNkosi uNkulunkulu yabanikela bonke esandleni sayo.

U-Isaya 22:12

Ngalolosuku iNkosi uNkulunkulu wamabandla yalibizela ukuba likhale lilile, liphuce amakhanda, ligqoke izambatho zokulila;

U-Isaya 24:2

Okuzakwenziwa ebantwini kuzakwenziwa lakumpristi; okuzakwenziwa esigqilini kwenziwe lasenkosini yaso; okuzakwenziwa encekukazini kwenziwe enkosikazini yayo; okuzakwenziwa kumthengi kwenziwe kumthengisi; okuzakwenziwa kumbolekisi kwenziwe kobolekayo; okuzakwenziwa kumniki wesikwelede kwenziwe kokweledayo.

UJeremiya 13:13

Ubususithi kibo: INkosi ithi: Ngizabadakisa bonke abakhileyo kulelilizwe, ngitsho amakhosi ahlala esihlalweni sobukhosi sikaDavida, labapristi, labaprofethi, kanye labo bonke abakhileyo eJerusalema.

UJeremiya 16:4

Bazabulawa yikufa okwesabekayo; kabayikulilelwa, futhi kabayikungcwatshwa; bazakuba njengamalongwe emhlabathini. Bazabhujiswa yimpi layindlala, lezidumbu zabo zibe yikudla kwenyoni zaphezulu lenyamazana zeganga.

UJeremiya 41:5

kwafika amadoda angamatshumi aficaminwembili evela eShekema leShilo leSamariya, ephucile indevu zawo, lezigqoko zawo zidatshuliwe, lemizimba yawo isikiwe, eletha iminikelo yempuphu kanye lempepha ukuyinikela ethempelini.

UJeremiya 47:5

IGaza ligelile ikhanda lalo, leAshikeloni liphelile. Lina baseleyo bamaAnaki lizazisika kuze kube nininini na?

UJeremiya 48:37

Ngoba wonke amakhanda aphuciwe, lazo zonke indevu zigeliwe; izandla zonke zilamanxeba, bonke bavunule izambatho zokulila.

UJeremiya 7:29

Gelani inwele zenu, lizilahle, lina bantu baseJerusalema; lilile emadundulwini angelalutho; ngoba iNkosi isalile yasilahla isizukulwana esivuse ulaka lwayo.

UJeremiya 8:2

azachaywa elangeni lasenyangeni, lakuzo zonke inkanyezi, abakuthandileyo bakukhonza, abakulandeleyo bakudinga, bakudumisa; kawayikubuthwa angcwatshwe futhi, azakuba njengomquba emhlabathini.

ULevi 19:27

Lingageli inwele zenu ezisemaceleni, lingageli izindevu zenu.

ULevi 19:28

Lingazisiki emizimbeni yenu ngenxa yabafileyo, lingazicabi. NgiyiNkosi.

uAmosi 6:11

Ngoba ngokulaya kweNkosi, indlu enkulu izakuba yizihlephu, lencinyane ibe yizicucu.

UMatewu 9:23

UJesu wafika endlini yomphathi, wabona abakhalisa imihlanga lexuku liphithizela,

UDutheronomi 14:1

Lina lingabantwana beNkosi uNkulunkulu wenu. Kaliyikuzisika, lingaziphuculi emabunzini enu ngenxa yabafileyo.

Isambulo 20:12

Ngabona abafileyo, abakhulu labancinyane, bemi phambi kwesihlalo sobukhosi; lezincwadi zavulwa. Kwavulwa lenye incwadi eyincwadi yokuphila. Abafileyo bahlulelwa ngalokhu okwakulotshiwe ezincwadini langalokho ababekwenzile.

Isambulo 6:15

Amakhosi omhlaba lezikhulu, lezinduna, labanothileyo, labalamandla, labo bonke abayizigqili, labakhululekileyo bacatsha ezimbalwini laphakathi kwamawa ezintaba,