UJeremiya 16:5 - iBhayibhili Elingcwele 1978

⁵ INkosi ithi: Ungangeni endlini yesililo, ungayi esililweni ukubakhalela; ngoba ngikususile ukuthula kwami kulababantu, lothando lwami olungapheliyo kanye lesihawu, kutsho iNkosi.

IBhayibhili Elingcwele LesiNdebele

⁵ Ngoba nanku akutshoyo uThixo: “Ungangeni endlini elokudla kwesililo; ungayilila kumbe utshengisele uzwelo, ngoba isibusiso sami, lothando lwami kanye lesihawu sami, sengikususile kulababantu,” kutsho uThixo.

UJeremiya 16:5 ပူးပေါင်းရင်းမြစ်များ

AmaHubo 25:6

Khumbula isihawu sakho, Nkosi, ukhumbule uthando lwakho olungapheliyo, ngoba kwakukhona kusukela endulo.

U-Isaya 27:11

Lapho ingatsha zawo sezomile ziyephulwa; abesifazana beze bazibuse. Ngoba laba ngabantu abangelakuqonda; ngakhoke lowo owabenzayo kayikubahawukela, lowababumbayo kayikubenzela umusa.

UJeremiya 12:12

Abaphangi bafikile phezu kwawo wonke amadundulu angelalutho asenkangala, ngoba umkhonto weNkosi uyadla kusukela komunye umkhawulo welizwe kusiya komunye, kakho olokuthula.

UJeremiya 13:14

Ngizakubatshayanisa, oyise lamadodana ndawonye, kutsho iNkosi. Kangiyikubahawukela, kangiyikubaxolela, ngibe lesihawu sokuba ngingababulali.

UJeremiya 16:13

Ngalokhoke ngizaliphosela ngaphandle kwalelilizwe, liye elizweni elingalazanga lina lokhokho benu; kulapho lizasebenzela abanye onkulunkulu emini lebusuku, ngoba mina kangiyikulihawukela.

Izililo 3:17

Umphefumulo wami uphelelwe yikuthula, sengikhohliwe ukuthi ukuthokoza kuyini.

UZakhariya 8:10

Ngoba ngaphambi kwalezonsuku kwakungelakuqatshwa umuntu lokwenyamazana, kungekho lokuvikelwa ezitheni kwabasebenzayo. Ngoba wonke umuntu ngamxega lomfowabo.

UDutheronomi 31:17

Intukuthelo yami izakubavuthela ngalolosuku, ngibatshiye, ngibafihlele ubuso bami, bazachitheka behlelwe ngokubi okunengi lezinhlupheko ezinengi, baze bathi ngalolosuku: Angithi okubi lokhu kusehlele ngoba uNkulunkulu wethu kakho phakathi kwethu na?

Isambulo 6:4

Kwasekuphuma elinye ibhiza elibomvu, oligadileyo wavunyelwa ukuqeda ukuthula emhlabeni, ukuze abantu babulalane, wanikwa umhedla omkhulu.