UJeremiya 16:4 - iBhayibhili Elingcwele 1978

⁴ Bazabulawa yikufa okwesabekayo; kabayikulilelwa, futhi kabayikungcwatshwa; bazakuba njengamalongwe emhlabathini. Bazabhujiswa yimpi layindlala, lezidumbu zabo zibe yikudla kwenyoni zaphezulu lenyamazana zeganga.

IBhayibhili Elingcwele LesiNdebele

⁴ “Bazakufa bebulawa yimikhuhlane eyesabekayo. Kabayikukhalelwa loba bangcwatshwe, kodwa bazakuba njengezibi emhlabathini. Bazabhubha ngenkemba langendlala, njalo izidumbu zabo zizakuba yikudla kwezinyoni zasemoyeni lezinyamazana zeganga.”

UJeremiya 16:4 ပူးပေါင်းရင်းမြစ်များ

2 AmaKhosi 9:10

UJezebeli uzadliwa yizinja elizweni laseJezereli, kayikungcwatshwa muntu. Ijaha laselivula umnyango, labaleka.

AmaHubo 78:64

Abapristi babo babulawa ngomkhonto, labafelwakazi babo kabaze babalilela.

AmaHubo 83:10

ababhubhela eEndori, baphenduka baba ngumquba womhlabathi.

U-Isaya 18:6

Zonke zizatshiywa, zibe ngezamanqe asezintabeni lezenyamazana zeganga. Amanqe azahlala phezu kwazo ehlobo, lenyamazana zonke zomhlaba zihlale phezu kwazo ebusika.

U-Isaya 5:25

Ngakhoke iNkosi ibathukuthelele abantu bayo, yelula isandla sayo yabatshaya; izintaba zizakuzamazama, lezidumbu zabo zibe yingcekeza ezindleleni. Kukho konke lokhu ukuthukuthela kwayo kakukapheli, isiphakamisile isandla sayo ukutshaya futhi.

UJeremiya 19:7

Ngizakuchitha kulindawo amacebo akoJuda laweJerusalema, ngenze ukuba abantu babo babulawe empini phambi kwezitha zabo, langesandla salabo ababazingelayo; nginike izidumbu zabo zibe yikudla kwenyoni zaphezulu lenyamazana zeganga.

UJeremiya 21:6

Ngizatshaya abakhileyo balumuzi, abantu lezifuyo; bazabulawa ngumkhuhlane onzima.

UJeremiya 25:33

Ngalolosuku ababulewe yiNkosi bazasukela komunye umkhawulo womhlaba baze bafike komunye; kabayikukhalelwa, kabayikubuthwa bangcwatshwe, bazakuba ngamalongwe emhlabathini.

UJeremiya 34:17

Ngakhoke kutsho iNkosi: Kalingilalelanga, kalimemezelanga inkululeko, kube yilowo lalowo kumhlobo wakhe lakumakhelwana wakhe; khangelani, sengizavumela impi lomkhuhlane lendlala ukuba kulehlele. Ngizalenza libe yinto eyesabekayo kuyo yonke imibuso yomhlaba.

UJeremiya 34:20

Ngizabanikela ezendleni zezitha zabo lezandleni zalabo abafuna ukubabulala. Izidumbu zabo zizakuba yikudla kwenyoni zaphezulu lenyamazana zeganga.

UJeremiya 36:30

Ngakhoke iNkosi ithi mayelana loJehoyakimi inkosi yakoJuda: Kayikuba lamuntu wokuhlala esihlalweni sobukhosi sikaDavida; lesidumbu sakhe sizaphoselwa ekutshiseni kwelanga lasekuqandeni kobusuku.

UJeremiya 44:12

Ngizathatha abaseleyo koJuda abafise ukuzahlala eGibithe, bazabhubha bonke, babulawe yimpi layindlala elizweni laseGibithe, baphele bonke abancinyane labakhulu, babe yinto eyenyanyekayo, into eyesabekayo, leyokuthukwa, leyokuhlekwa.

UJeremiya 44:27

Ngilindele ukubenza okubi, kungesikho okuhle; bonke abakoJuda abaseGibithe bazaqedwa yimpi layindlala, baze baphele bonke.

UJeremiya 7:33

Kuthi izidumbu zalababantu zibe yikudla kwenyoni zaphezulu, lenyamazana zeganga, kungekho ozazethusa.

UJeremiya 9:22

Khuluma uthi: INkosi ithi: Izidumbu zabantu zizagcwala njengamalongwe egangeni, lanjengezithungo ezitshiywe emuva ngumvuni, kungekho ozibuthayo.

Izililo 4:9

Babengcono abafela empini kulabo ababulawa yindlala, abafa bebulawa yikuswela izithelo zasemasimini.

UHezekhiyeli 24:21

lathi: Tshono kuIsrayeli ukuthi iNkosi uNkulunkulu ithi: Ngizangcolisa indlu yami engcwele, eligugu lamandla enu, ethandekayo emehlweni enu, efiswa ngumoya wenu. Amadodana enu lamadodakazi enu eliwatshiyileyo azakubulawa yimpi.

UHezekhiyeli 5:12

Ingxenye yesithathu yenu izabulawa yisifo, iqedwe yindlala phakathi kwenu; ingxenye yesithathu izabulawa yimikhonto endaweni zonke zenu; lengxenye yesithathu ngiyichithachithele emimoyeni yonke, ngiyilandele ngiphethe umkhonto.

UZefaniya 1:17

Ngizakwehlisela abantu usizi ukuze bahambe njengeziphofu, ngoba bonile eNkosini; igazi labo lizakuchithwa njengothuli; lenyama yabo njengobulongwe.

UDutheronomi 28:22

INkosi izakulitshaya ngofuba, langomkhuhlane, langokuvuvuka komzimba, langokutshisa okukhulu, langendlala, langokuhanguka, langengumane; konke lokhu kuzakulixotsha lize libhubhe.

UDutheronomi 28:26

Isidumbu sakho sizakuba yikudla kwezinyoni zonke zaphezulu lokwezinyamazana zasemhlabeni, kungabi khona muntu ozixotshayo.