UJeremiya 15:9 - iBhayibhili Elingcwele 1978

⁹ Owazala abayisikhombisa usekhathele, waqaleka; watshonelwa lilanga kusesemini; waba lenhloni, wayangeka. Abaseleyo ngizabanikela ezitheni zabo ukuze babulawe, kutsho iNkosi.

IBhayibhili Elingcwele LesiNdebele

⁹ Unina wabayisikhombisa uzaqaleka aphefumule okokucina. Ilanga lakhe lizatshona kusesemini; uzayangiswa njalo eyiswe. Izinsalela ngizaziqeda ngenkemba phambi kwezitha zazo,” kutsho uThixo.

UJeremiya 15:9 ပူးပေါင်းရင်းမြစ်များ

U-Isaya 47:9

Kodwa lokho kokubili kuzakukwehlela masinyane ngasuku lunye; ukufelwa ngabantwana lobufelwakazi kwehlele phezu kwakho ngokugcweleyo, phakathi kwabo ubuthakathi bakho, laphakathi kwamandla amakhulu amalumbo akho.

UJeremiya 19:7

Ngizakuchitha kulindawo amacebo akoJuda laweJerusalema, ngenze ukuba abantu babo babulawe empini phambi kwezitha zabo, langesandla salabo ababazingelayo; nginike izidumbu zabo zibe yikudla kwenyoni zaphezulu lenyamazana zeganga.

UJeremiya 21:7

Kuthi emva kwalokho, kutsho iNkosi, nginikele uZedekiya inkosi yakoJuda, lenceku zakhe, labantu balumuzi abasilileyo emkhuhlaneni, lempini, lendlaleni, esandleni sikaNebukadineza inkosi yaseBabiloni, lasezandleni zezitha zabo, ezandleni zalabo ababazingelayo. Uzakubabulala; kayikuba lasihawu, kayikubahawukela, kayikuba lamusa kibo.

UJeremiya 44:27

Ngilindele ukubenza okubi, kungesikho okuhle; bonke abakoJuda abaseGibithe bazaqedwa yimpi layindlala, baze baphele bonke.

UJeremiya 50:12

unyoko uzakuba lenhloni, lowalizalayo ayangeke. IBabiloni lizakuba ngelokucina phakathi kwezizwe, libe yinkangala eyomileyo logwadule.

UJeremiya 6:4

Hlomelani ukulwa lalo; sukani silihlasele emini. Maye babo! ngoba ilanga selithambeme, lamathunzi okuhlwa aselulekile.

UJeremiya 7:19

Kodwa yimi abangicunulayo na? kutsho iNkosi. Kayisibo yini ukuba baziyangise?

Izililo 1:1

Yeka ukuhlala kwawo wodwa umuzi owawugcwele abantu! Usunjengomfelwakazi wona owawumkhulu phakathi kwezizwe. Wona owawuyinkosikazi phakathi komuzi usungobuswayo.

Izililo 4:10

Izandla zabesifazana abalesihawu zapheka abantwana babo, baba yikudla kwabo ekubhujisweni kwabantu bami.

UHezekhiyeli 5:12

Ingxenye yesithathu yenu izabulawa yisifo, iqedwe yindlala phakathi kwenu; ingxenye yesithathu izabulawa yimikhonto endaweni zonke zenu; lengxenye yesithathu ngiyichithachithele emimoyeni yonke, ngiyilandele ngiphethe umkhonto.

UHezekhiyeli 5:13

Kuzaphelake ukuthukuthela kwami, nganelise ukufutheka kwami ngabo, bazakwazi ukuba mina, Nkosi, ngikhulumile ngomona wami lapho sengiphelelise ukufutheka kwami kibo.

1 USamuyeli 2:5

Ababesutha baqatshwa ngesinkwa, lababelambile kabasalambi. Yebo, loyinyumba uzele abayisikhombisa, kodwa olabantwana abanengi utshiyiwe.