UJeremiya 15:8 - iBhayibhili Elingcwele 1978

⁸ Ngandisile abafelwakazi baba banengi ukwedlula itshebetshebe lolwandle, ngehlisela phezu kwabonina bamajaha umbulali emini; ngenza usizi lokwesaba kwehlela phezu kwabo bengananzeleli.

IBhayibhili Elingcwele LesiNdebele

⁸ Ngizakwenza abafelokazi babo bande kakhulu kuletshebetshebe lasolwandle. Emini ngizakwehlisela umbulali phezu kwabonina bamajaha akibo; khonokho ngizabehlisela usizi lokwesaba.

UJeremiya 15:8 ပူးပေါင်းရင်းမြစ်များ

U-Isaya 3:25

Amadoda akini azaqedwa ngomkhonto, lamaqhawe akini aphelele empini.

U-Isaya 3:26

Emasangweni eZiyone kuzakuba khona ukukhala lokulila, lona lizakuba njengowesifazana ohlezi phansi eze.

U-Isaya 4:1

Abesifazana abayisikhombisa bazabamba indoda ibenye ngalolosuku, bathi: Sizakudla okwethu ukudla, sigqoke ezethu izigqoko. Asibizwe kuphela ngebizo lakho ukuze kuphele ihlazo lethu.

UJeremiya 16:3

Ngoba iNkosi ithi mayelana lamadodana lamadodakazi azalelwe kulindawo, langabonina laboyise ababazalele kulelilizwe:

UJeremiya 18:21

Ngalokhoke nikela abantwana babo endlaleni, ubanikele ekubulaweni empini; abafazi babo balahlekelwe ngabantwana, babe ngabafelwakazi, lamadoda abo abulawe ngumkhuhlane, lamajaha abo abulawe empini.

UJeremiya 22:7

Ngizakukulethela abachithi, bonke bephethe amahloka; bazagamula izihlahla zenu zomkusu ezinhle, baziphosele emlilweni.

UJeremiya 4:16

Xwayisani izizwe ukuthi uyeza, bikani kulo iJerusalema lithi: Kufika abavimbezeli bevela elizweni elikhatshana; bayamemeza kuyo imizi yakoJuda.

UJeremiya 5:6

Ngakhoke isilwane sasehlathini sizababulala, babhujiswe yimpisi yasenkangala, lengwe iyicathamele imizi yabo, bonke abaphuma kiyo bazakubanjwa; ngoba iziphambeko zabo zinengi, lokuhlehlela kwabo emuva kwandile.

UJeremiya 6:26

Bantu bami, gqokani izambatho zokulila, libhuquze emlotheni, lenze isililo sibe njengesokulilela indodana eyodwa, lokukhala okubuhlungu. Ngoba umchithi uzakufika kithi masinyane.

Izililo 5:3

Sesiyizintandane, kasilabo obaba, labomama sebenjengabafel wakazi.

UHezekhiyeli 22:25

Izikhulu eziphakathi kwalo zifana lezilwane ezibhongayo leziphangayo; zibadlile abantu; zathatha inotho lezinto eziligugu; zenza abanengi baba ngabafelwakazi phakathi kwalo.

UHosiya 4:5

Uzakhubeka emini lebusuku, umprofethi uzakhubeka kanye lawe; uyasibulala isizwe sakini.

ULukha 21:35

ngoba luzakwehla ngokunjalo phezu kwabo bonke abakhileyo emhlabeni wonke.