UJeremiya 15:2 - iBhayibhili Elingcwele 1978

² Lapho bekubuza besithi: Sizakuya ngaphi? uzakuthi kibo: INkosi ithi: Abokufa baya ekufeni, abomkhonto baya emkhontweni, abendlala baya endlaleni, labokuthunjwa baya ekuthunjweni.

IBhayibhili Elingcwele LesiNdebele

² Bangakubuza bathi, ‘Sizakuya ngaphi na?’ uthi kubo, uThixo uthi: ‘Abamiselwe ukufa, baya ekufeni; abenkemba, enkembeni; abendlala, endlaleni; abokuthunjwa, ekuthunjweni.’

UJeremiya 15:2 ပူးပေါင်းရင်းမြစ်များ

U-Isaya 10:4

Okwenu yikuba liguqe phakathi kwabathunjiweyo, lilale phakathi kwababuleweyo. Kukho konke lokhu ukuthukuthela kwayo kakupheli, isiphakamisile isandla sayo sokutshaya futhi.

U-Isaya 24:18

Kuzakuthi obalekela umsindo wokwesaba awele emgodini; ophuma emgodini abanjwe ngumjibila. Ngoba iminyango yasezulwini ivulekile, lezisekelo zomhlaba ziyaqhaqhazela.

UJeremiya 14:12

Loba bezila ukudla, kangiyikuzwa ukukhala kwabo; loba benikela umnikelo wokutshiswa lomnikelo wempuphu, kangiyikuthokoza ngabo; kodwa ngizabaqeda ngempi langendlala langomkhuhlane.

UJeremiya 14:16

kuthi abantu abatshumayela kibo baphoselwe endleleni zeJerusalema, bebulewe yindlala lempi, kungasekho muntu wokubangcwaba, bona labomkabo, lamadodana abo lamadodakazi abo. Ngoba ngizakwehlisela ububi babo phezu kwabo.

UJeremiya 16:4

Bazabulawa yikufa okwesabekayo; kabayikulilelwa, futhi kabayikungcwatshwa; bazakuba njengamalongwe emhlabathini. Bazabhujiswa yimpi layindlala, lezidumbu zabo zibe yikudla kwenyoni zaphezulu lenyamazana zeganga.

UJeremiya 19:7

Ngizakuchitha kulindawo amacebo akoJuda laweJerusalema, ngenze ukuba abantu babo babulawe empini phambi kwezitha zabo, langesandla salabo ababazingelayo; nginike izidumbu zabo zibe yikudla kwenyoni zaphezulu lenyamazana zeganga.

UJeremiya 43:11

Uzafika, ahlasele ilizwe laseGibithe, labo abamiselwe umkhuhlane abanikele emkhuhlaneni, abamiselwe ukuthunjwa abanikele ekuthunjweni, labamiselwe umkhonto abanikele emkhontweni;

UHezekhiyeli 12:11

Ubatshele ukuba uyisixwayiso kibo; lokho okwenzileyo kuzakwenziwa kibo, bazakuthunjwa.

UHezekhiyeli 14:21

INkosi uNkulunkulu ithi: Phoke, kuzakuba njani eJerusalema nxa ngilehlisela lezizehlulelo zami ezine ezibuhlungu, impi, lendlala, lezilo ezimbi, lesifo, ukuba ngiqede kilo abantu lezinyamazana.

UHezekhiyeli 33:27

Tshono lokhu kibo uthi: INkosi uNkulunkulu ithi: Ngiyazifunga mina, impela labo abasendaweni ezichithekileyo bazakubulawa; labo abasegangeni ngizabanikela ezilweni zibabulale, lalabo abasezinqabeni labasembalwini bazabulawa yisifo.

UHezekhiyeli 5:12

Ingxenye yesithathu yenu izabulawa yisifo, iqedwe yindlala phakathi kwenu; ingxenye yesithathu izabulawa yimikhonto endaweni zonke zenu; lengxenye yesithathu ngiyichithachithele emimoyeni yonke, ngiyilandele ngiphethe umkhonto.

UHezekhiyeli 5:2

Ingxenye yesithathu uzayitshisa ngomlilo phakathi komuzi lapho insuku zokuvimbezela seziphelile. Enye ingxenye yesithathu uyithathe, uyiqumaqumele endaweni zonke zomuzi ngomhedla; lenye ingxenye yesithathu uyichithachithe emoyeni, ngizayilandela ngiphethe umhedla.

UDanyeli 9:12

Ugcwalisile amazwi akho owawakhuluma ngathi langababusi bethu abasibusayo ngokusehlisela umonakalo omkhulu; ngoba emhlabeni wonke kakuzanga kwenziwe okunjengalokho okwenziwe eJerusalema.

uAmosi 5:19

Kunjengomuntu obalekele isilwane, ehlangane lebhere, loba angene endlini abambelele ngesandla emdulini, alunywe yinyoka.

UZakhariya 11:9

Ngakhoke ngasengisithi ezimvini: Kangisayikulalusa; efayo kayife, lelahlekayo kayilahleke; lalezo eziseleyo zidlane.

Isambulo 13:10

Uba ekhona okumele athunjwe, uzakuthunjwa; lobulalayo ngomkhonto uzakubulawa ngomkhonto. Nanti ithuba lokubekezela lokusebenzisa ukukholwa kwabangcwele.