UJeremiya 14:3 - iBhayibhili Elingcwele 1978

³ Izikhulu zakhe zithuma inceku zazo ukuba ziyekukha amanzi, zifika emithonjeni, kodwa kazifumani manzi, zibuyele inkonxa zazo zingelalutho, zilenhloni, zidanile, zimbomboza amakhanda.

IBhayibhili Elingcwele LesiNdebele

³ Izikhulu zithuma izinceku zazo ukuyafuna amanzi; ziya emithonjeni kodwa zifice amanzi engekho. Ziyabuyela lemigqomo yazo ingelalutho; zithithibele njalo zidanile, zemboze amakhanda azo.

UJeremiya 14:3 ပူးပေါင်းရင်းမြစ်များ

2 USamuyeli 15:30

UDavida wasekhwela intaba ethiwa yiOliveti, ehamba ekhala, embomboze ikhanda lakhe, engafakanga amanyathelo; bonke abantu ababelaye bambomboza amakhanda abo, bahamba bekhala.

2 USamuyeli 19:4

Inkosi yagubuzela ubuso bayo, yakhala ngelizwi elikhulu yathi: Hawu, ndodana yami Abisalomu, hawu Abisalomu, ndodana yami, ndodana yami!

1 AmaKhosi 17:7

Kwathi ngemva kwesikhathi isifula satsha, ngoba kwakungelazulu elizweni.

2 AmaKhosi 18:31

Lingamlaleli uHezekiya, ngoba inkosi yaseAsiriya ithi: Yenzani isivumelwano sokuthula lami, liphume lize kimi; lonke lizazidlela izithelo zamavini enu lezithelo zemikhiwa yenu, lizinathele amanzi emithombo yenu,

U-Esta 6:12

Wasebuyela uMoridekayi esigodlweni, loHamani waya ekhaya masinyane elila embomboze ikhanda lakhe.

UJobe 6:20

zidane ngoba bezithembile, zifike kuzo zidideke.

AmaHubo 109:29

Kabathelwe lihlazo abangivukelayo, bembeswe zinhloni njengengubo.

AmaHubo 40:14

Kabayangeke babe lenhloni bonke abafuna ukungibulala; kabaxotshwe bayangiswe abafuna ukungilimaza.

UJeremiya 14:4

Ngenxa yokuba umhlaba womile, ngoba kungekho izulu elizweni, abalimi balenhloni, bambomboza amakhanda abo.

UJeremiya 15:18

Kungani ubuhlungu bami bungapheli, lamanxeba ami engapholi, elapheke na? Uzakuba njengesifula esikhohlisayo kimi, lanjengamanzi angathembekanga na?

UJeremiya 2:13

Ngoba abantu bami benzile izinto ezimbi ezimbili; bangihlamukele, mina mthombo wamanzi okuphila, bazigebhela imithombo etshayo, engabambi manzi.

UJeremiya 2:37

Uzaphuma lalapho uthwele imikhono yakho ekhanda, ngoba iNkosi ibalahlile labo obathembayo, kawuyikuphumelela ngabo.

UJeremiya 20:11

Kodwa iNkosi ilami njengeqhawe elesabekayo; ngakhoke abangizingelayo bazakhubeka, kabayikungahlula; bazayangeka kakhulu, ngoba kabayikuphumelela. Lehlazo labo elingelakuphela kaliyikukhohlakala.

UJeremiya 3:3

Ngenxa yalokho izihlambo zinqandiwe, lezulu lentwasa kalinanga. Kanti ulesibindi sesifebe, kawulanhloni.

Izililo 4:4

Ulimi lomunyayo lunamathela olwangeni lwakhe ngenxa yokoma, abantwana bacela isinkwa kodwa kakho obaphayo.

UHosiya 2:3

funa ngimhlubule abe nqunu, abe njengosukwini azalwa ngalo, ngimenze afanane lenkangala, ngimbeke abe njengelizwe elomileyo, ngimbulale ngokoma.

UJoweli 1:20

Lenyamazana zeganga ziyakhala kuwe, ngoba imifula yamanzi itshile, lomlilo utshisile amadlelo eganga.

uAmosi 4:7

Futhi ngalincitsha izulu kusasele inyanga ezintathu ukuba kuvunwe; ngalinisa komunye umuzi, kangaze ngalinisa komunye, esinye isiqinti sanethwa, kwathi leso esinganethwanga satsha.

uAmosi 4:8

Kwasekuhamba imizi emibili loba emithathu, yayanatha amanzi emzini owodwa, kodwa kayikholwanga; kanti kaliphendukelanga kimi, kutsho iNkosi.

UZakhariya 14:17

Ubaezinye zezizwe zomhlaba zingayi eJerusalema ukukhonza uNkulunkulu iNkosi yamabandla, kungani izulu kuzo.