UJeremiya 13:14 - iBhayibhili Elingcwele 1978

¹⁴ Ngizakubatshayanisa, oyise lamadodana ndawonye, kutsho iNkosi. Kangiyikubahawukela, kangiyikubaxolela, ngibe lesihawu sokuba ngingababulali.

IBhayibhili Elingcwele LesiNdebele

¹⁴ Ngizabamahlaza omunye komunye, oyise lamadodana ngokufananayo, kutsho uThixo. Angiyikuvumela isihawu loba umusa kumbe uzwelo ukuba kungivimbele ukubabhubhisa.’ ”

UJeremiya 13:14 ပူးပေါင်းရင်းမြစ်များ

2 ImiLando 20:23

AbaseAmoni labaseMowabi basukela abasentabeni yaseSeyiri, bababulala babaqeda du; sebebabulele babaqeda abaseSeyiri, baphendukelana babulalana.

UJobe 27:22

Uyamtshaya ungamyekeli aze azame ngamandla wonke ukubaleka.

AmaHubo 2:9

Uzakuzaphula ngentonga yensimbi, uziphahlaze njengembiza yebumba.

U-Isaya 27:11

Lapho ingatsha zawo sezomile ziyephulwa; abesifazana beze bazibuse. Ngoba laba ngabantu abangelakuqonda; ngakhoke lowo owabenzayo kayikubahawukela, lowababumbayo kayikubenzela umusa.

UJeremiya 15:5

Ngubani ozakukuhawukela, wena Jerusalema, lozakukukhalela na? Ngubani ozaphambukela eceleni ukubuza ngempilo yakho na?

UJeremiya 15:6

Wena ungilahlile, kutsho iNkosi, wabuyela emuva; ngalokhoke ngikuphakamisele isandla sami, ngakuchitha; sengikhathele ukubekezela.

UJeremiya 16:5

INkosi ithi: Ungangeni endlini yesililo, ungayi esililweni ukubakhalela; ngoba ngikususile ukuthula kwami kulababantu, lothando lwami olungapheliyo kanye lesihawu, kutsho iNkosi.

UJeremiya 21:7

Kuthi emva kwalokho, kutsho iNkosi, nginikele uZedekiya inkosi yakoJuda, lenceku zakhe, labantu balumuzi abasilileyo emkhuhlaneni, lempini, lendlaleni, esandleni sikaNebukadineza inkosi yaseBabiloni, lasezandleni zezitha zabo, ezandleni zalabo ababazingelayo. Uzakubabulala; kayikuba lasihawu, kayikubahawukela, kayikuba lamusa kibo.

UJeremiya 25:16

Zizakunatha zidakwe, zihlanye ngenxa yempi engiyithumela phakathi kwazo.

UJeremiya 47:3

Ngomsindo wokugidiza kwamasondo amabhiza akhe, langomdumo wenqola zakhe zempi, langomdumo wamasondo azo, oyise kabanyemukuli abantwana babo ngenxa yobuthakathaka babo,

UJeremiya 48:12

Ngakhoke insuku ziyeza, kutsho iNkosi, lapho ngizathuma kulo abathambeki abazalithambeka, bathulule imbiza zalo, babulale inqayi zalo.

UJeremiya 6:21

Ngalokhoke, iNkosi ithi: Ngizabekela lababantu izikhubekiso ukuba bakhubeke; oyise labantwana bazabhubha omakhelwana kanye lomngane.

Izililo 2:21

Obhuqwini lwezindlela kulele abatsha labadala; intombi zami lensizwa zami zibulewe; osukwini lokuthukuthela kwakho uzibulele wena, wazibulala ungelasihawu.

UHezekhiyeli 24:14

Mina Nkosi ngikhulumile. Kuzakwenzeka, ngizakukwenza. Kangiyikukuyekela, kangiyikuba lesihawu, kangiyikuphenduka. Ngizakukuthonisisa ngokufanele indlela zakho lezenzo zakho, kutsho iNkosi uNkulunkulu.

UHezekhiyeli 7:3

Ukuphela sekufikile kini, ngizakwehlisela ukuthukuthela kwami phezu kwenu, ngilithonisise ngezenzo zenu, ngehlisele phezu kwenu amanyala enu.

UHezekhiyeli 7:4

Kangiyikuliyekela, kangiyikulihawukela, kodwa ngizalitshaya ngenxa yezindlela zenu lapho amanyala enu esephakathi kwenu. Ng’khona lizakwazi ukuba ngiyiNkosi.

UHezekhiyeli 7:9

Kangiyikuliyekela, kangiyikulihawukela, kodwa ngizalitshaya ngenxa yezenzo zenu langamanyala enu asesephakathi kwenu. Ng’khona lizakwazi ukuba ngiyiNkosi etshayayo.

UHezekhiyeli 8:18

Ngizabasukela ekuthukutheleni kwami. Kangiyikubayekela ngibahawukele; lanxa bekhala kakhulu, kangiyikubezwa.

UHezekhiyeli 9:10

Lamike kangiyikubayekela, kangiyikuba lesihawu, kodwa ngizakwehlisela izenzo zabo phezu kwabo.

UHezekhiyeli 9:5

Ngezwa isithi kwabanye: Dabulani phakathi komuzi limlandele, libulale, lingayekeli, lingabi lasihawu,

UHosiya 2:4

Kangiyikubahawukela labantwana bakhe, ngoba bangabantwana bokufetshwa.

UZakhariya 11:6

Ngoba kangisayikubahawukela abakhileyo kulelilizwe, kutsho iNkosi. Ngizabanikela abantu ezandleni zabomakhelwane babo, lezamakhosi abo; bazachitha ilizwe, kangiyikophula loyedwa ezandleni zabo.

UMatewu 10:21

Umuntu uzakunikela umfowabo ekufeni, loyise umntanakhe; abantwana bazakuvukela abazali bababulale.

UMakho 13:12

Umuntu uzakunikela umfowabo ekufeni loyise umntanakhe, labantwana bazakuvukela abazali, bababulale.

UDutheronomi 29:20

INkosi kayiyikumthethelela, kodwa intukuthelo yayo lomhawu wayo kuzavutha kuye, zize zimehlele zonke iziqalekiso ezilotshiweyo ogwalweni lolu, iNkosi icitshe ibizo lakhe emhlabeni.

1 USamuyeli 14:16

Abalindi bakaSawuli eGibeya elakoBenjamini babona ixuku lamaFilistiya liphithizela.