UJeremiya 12:4 - iBhayibhili Elingcwele 1978

⁴ Koze kube nini ilizwe likhala, lotshani bonke beganga bubuna na? Ngenxa yobubi balabo abakhileyo khona inyamazana lenyoni ziyabhubha, ngoba abantu bathi: INkosi kayiyikubona esikwenzayo.

IBhayibhili Elingcwele LesiNdebele

⁴ Koze kube nini ilizwe lomile lotshani iganga lonke bubunile? Ngenxa yokuthi labo abahlala kulo babi, izinyamazana lezinyoni sezibhubhile. Kanti futhi abantu bathi, “Kasoze akubone okwenzakala kithi.”

UJeremiya 12:4 ပူးပေါင်းရင်းမြစ်များ

AmaHubo 107:34

umhlabathi ovundileyo ube lugwadule lwetshwayi, ngenxa yobubi babahlezi khona.

AmaHubo 50:21

Lokhu ukwenzile, ngathula; wacabanga ukuthi nginjengawe. Kodwa khathesi ngiyakukhuza, ngikutshengise amacala akho.

U-Isaya 24:4

Umhlaba uyoma, ubune, ilizwe lonke liphele amandla, libune; amazulu aphela amandla kanye lomhlaba.

U-Isaya 24:6

Ngakhoke isiqalekiso siwehlele umhlaba, labahlala kiwo bayahlupheka ngenxa yesono sabo; ngakhoke abahlala emhlabeni bayancipha, sebeyingcosana nje abaseleyo.

UJeremiya 12:11

Basenzile saba yinkangala, sichithekile, siyakhala kimi; ilizwe lonke lichithekile, kodwa kakulamuntu ozihlupha ngakho.

UJeremiya 14:2

UJuda uyalila, lemizi yakhe idangele, abantu bakhe bahlezi phansi bayakhala, lokukhala kweJerusalema kuyezwakala.

UJeremiya 23:10

Ngoba ilizwe ligcwele izifebe; ngenxa yesiqalekiso seNkosi ilizwe liyakhala, lamadlelo enkangala omile. Indlela yabo yimbi, lamandla abo kawalunganga.

UJeremiya 4:25

Ngakhangela, ngabona ukuthi kakulamuntu, lenyoni zonke zaphezulu zasezibalekile.

UJeremiya 4:28

Ngenxa yalokho umhlaba uzalila, lephezulu libe mnyama; ngoba sengikukhulumile engikuqondileyo; kangiyikuzisola, ngibuyele emuva.

UJeremiya 5:13

Abaprofethi bazakuba ngamaya nje, kabalalo ilizwi leNkosi. Kuzakwenziwa njalo kibo!

UJeremiya 5:31

abaprofethi batshumayela amanga, labapristi babusa ngokululeka kwabaprofethi; abantu bami bayakuthanda lokhu. Kodwa lizakwenza njani ekupheleni na?

UJeremiya 7:20

Ngakhoke iNkosi uNkulunkulu ithi: Ukuthukuthela kwami lolaka lwami kuzakwehlela kulindawo, phezu kwabantu lenyamazana, laphezu kwezihlahla zeganga lezithelo zomhlabathi. Kuzakutsha, kungacimeki.

UJeremiya 9:10

Ngizakhala ngililele izintaba, lamadlelo asenkangala, ngoba kuchithiwe, kakusekho ohamba khona, kakusezwakali ukukhala kwezinkomo, inyoni zaphezulu lenyamazana zibalekile zahamba.

UJeremiya 9:9

Kangiyikubatshaya ngenxa yalezizinto na? kutsho iNkosi. Kangiyikuphindisela esizweni esinje na?

UHosiya 4:3

Ngakhoke ilizwe liyalila, labo bonke abahlala kilo baphela amandla, kanye lenyamazana zeganga lenyoni zaphezulu, lenhlanzi zolwandle ziyaphela.

UJoweli 1:18

Yeka ukukhala kwezifuyo! Imihlambi yenkomo ididekile ngoba kayilalo idlelo; lemihlambi yezimvu ihluphekile.

uAmosi 1:2

Wathi: INkosi iyaduma iseZiyone, izwakalise ilizwi layo iseJerusalema; amadlelo abelusi atshe, lezingqonga zeKarmeli zibune.

UHabhakhukhi 3:17

Loba umkhiwa ungavezi impoko, loba kungekho izithelo evinini leoliva liphuthe ukuthela, amasimu angavezi ukudla, izimvu zichithwe esibayeni, kungabi khona inkomo esibayeni,

UZakhariya 1:12

Isithunywa seNkosi sasesisithi: Nkosi yamabandla, koze kube nini ungabanga lasihawu kilo iJerusalema lakuyo imizi yakoJuda, oyithukutheleleyo okweminyaka engamatshumi ayisikhombisa na?

AbaseRoma 8:22

Siyazi ukuthi konke okudaliweyo kuyabubula kanyekanye, kuyahelelwa kuze kube khathesi.