UJeremiya 11:7 - iBhayibhili Elingcwele 1978

⁷ Ngoba ngabalayisisa okhokho benu ekubakhupheni kwami eGibithe, ngisalilaya lalamhla ngisithi: Lalelani ilizwi lami.

IBhayibhili Elingcwele LesiNdebele

⁷ Kusukela ekukhupheni kwami okhokho benu eGibhithe kuze kube lamhla, ngabalaya njalonjalo ngisithi, “Lalelani ilizwi lami.”

UJeremiya 11:7 ပူးပေါင်းရင်းမြစ်များ

2 AmaKhosi 17:13

Kanti iNkosi yamxwayisa uIsrayeli loJuda ngabo bonke abaprofethi lababoni yathi: Tshiyani indlela zenu ezimbi, ligcine imithetho yami lezimiso zami ezisemlayweni engalaya okhokho benu ngawo lengawuthumela kini ngenceku zami abaprofethi.

2 ImiLando 36:15

INkosi, uNkulunkulu wabokhokho babo, yabathumela futhifuthi izithunywa zayo, ngoba yayilesihawu ngabantu bayo langendawo yayo yokuhlala.

U-Eksodasi 15:26

yathi: Uba lilalela ilizwi leNkosi uNkulunkulu wenu ngenhliziyo yenu yonke, lenze okulungileyo emehlweni ayo, lilalele imilayo yayo, ligcine zonke izimiso zayo, kangiyikwehlisela phezu kwenu lasinye sezifo engazehlisela phezu kwamaGibithe; ngoba ngiyiNkosi eliphilisayo.

UJeremiya 11:4

engalaya ngawo okhokho benu lapho ngibakhupha elizweni laseGibithe, esithandweni sokuncibilikisa insimbi, ngathi: Lalelani ilizwi lami, lenze konke engilitshela khona, libe ngabantu bami, lami ngibe nguNkulunkulu wenu,

UJeremiya 25:3

Sekuyiminyaka engamatshumi amabili lantathu, kusukela emnyakeni wetshumi lantathu wokubusa kukaJosiya indodana kaAmoni, inkosi yakoJuda, kuze kube lamuhla, ilizwi leNkosi lifikile kimi, ngalikhuluma kini njalonjalo, kodwa kalilalelanga.

UJeremiya 25:4

Kalilalelanga, kalizwanga lanxa iNkosi iphikelela ukuthumela kini zonke inceku zayo abaprofethi,

UJeremiya 31:32

esingenjengesivumelwano engasenza lokhokho babo mhla ngibabamba ngesandla sami ukubakhupha elizweni laseGibithe, ngitsho isivumelwano sami abasaphulayo, lanxa ngangiyiNkosi yabo, kutsho iNkosi.

UJeremiya 32:23

bangena bahlala kilo, kodwa kabalilalelanga ilizwi lakho, kabahambanga ngomlayo wakho, kabakwenzanga lokho owabatshela khona. Ngakhoke ubehlisele bonke lobububi.

UJeremiya 34:14

Ekupheleni kweminyaka eyisikhombisa lonke lizakhulula izihlobo zenu amaHeberu ezithengiswe kini, zalisebenzela iminyaka eyisithupha, lizikhulule ekulisebenzeleni kwazo. Kodwa okhokho benu kabangilalelanga, kabangizwanga.

UJeremiya 35:14

Ugciniwe umlayo uJonadabi indodana kaRekabi awunika amadodana akhe wokuba anganathi iwayini; kuze kube lamuhla kawalinathi, ngoba awulalele umlayo kakhokho wawo. Lami ngikhulumile kini njalonjalo, kodwa kalingilalelanga.

UJeremiya 35:15

Ngithumele kini zonke inceku zami abaprofethi, ngibathuma njalonjalo, ngisithi: Phendukani lonke endleleni yenu embi, lenze izenzo zenu zibe zinhle, lingalandeli abanye onkulunkulu ukuba libakhonze, ukuze lihlale elizweni engalinika lina lokhokho benu. Kodwa kalingilalelanga, kalingizwanga.

UJeremiya 7:13

Ngakhoke, kutsho iNkosi, ngoba lenzile zonke lezizinto, lingalalelanga lapho ngikhuluma lani njalonjalo, lapho ngilibiza kalingiphendulanga,

UHosiya 4:1

Zwanini ilizwi leNkosi, lina bakoIsrayeli, ngoba iNkosi imangalela abakhileyo elizweni. Kakukho ukuthembeka lomusa lokumazi uNkulunkulu elizweni.

UHosiya 5:1

Zwanini lokhu, lina bapristi, lilalele, lina Israyeli, libeke indlebe, lani ndlu yenkosi. Ngoba isigwebo simayelana lani, ngoba belingumjibila eMizipa, lembule elendlalwe eTabori.

UZakhariya 1:4

Lingabi njengokhokho benu abaprofethi bakuqala abamemeza kibo besithi: INkosi yamabandla ithi: Phendukani ezindleleni zenu ezimbi lasezenzweni zenu ezimbi. Kodwa kabezwanga, kabanginanzanga, kutsho iNkosi.

Abase-Efesu 4:17

Ngakhoke ngiyaqinisa, ngifakaza lokhu eNkosini, ngithi lingabe lisahamba ngokuhamba kwabezizwe ebuzeni bengqondo yabo.

UDutheronomi 12:32

Gcinani kuhle konke engililaya khona, lingengezeleli lutho kukho, futhi lingaphunguli lutho kukho.

UDutheronomi 30:20

liyithande iNkosi uNkulunkulu wenu, lilalele ilizwi layo, libambelele kuyo; ngoba lokho kuzakulilethela ukuphila lokwanda kwensuku zenu ukuze lihlale elizweni iNkosi eyafunga kubokhokho benu oAbrahama loIsaka loJakobe ukubanika lona.

UDutheronomi 4:6

Zigcineni, lizenze; ngoba ngokwenza njalo lizatshengisa ukuhlakanipha lolwazi ebantwini abazakuthi besizwa lezizimiso zonke bathi: Impela isizwe lesi esikhulu ngesabantu abahlakaniphileyo labaziyo.

UDutheronomi 5:29

Kungathi bangaba lenhliziyo enjalo insuku zonke, ukuba bangesabe, bagcine yonke imilayo yami, ukuze kubalungele bona labantwana babo kuze kube nininini!

UDutheronomi 6:2

ukuze uyesabe iNkosi uNkulunkulu wakho wena lendodana yakho lendodana yendodana yakho, ugcine zonke izimiso zayo lemithetho yayo engikulaya yona, zonke insuku zokuhamba kwakho, ukuze insuku zakho zande.

UDutheronomi 8:6

Ngakhoke lizagcina imithetho yeNkosi uNkulunkulu wenu, lihambe ngendlela zayo, liyesabe.

2 AbaseThesalonika 3:12

abanjaloke siyabalaya sibeluleka eNkosini uJesu Kristu ukuba basebenze ngokuthula, badle okwabo ukudla.

1 USamuyeli 8:9

Lalela ilizwi labo; kodwa ubaxwayise kakhulu, ubatshengise indlela inkosi ezakubabusa ngayo.