UJeremiya 11:5 - iBhayibhili Elingcwele 1978

⁵ ukuba ngigcwalise isifungo engasifunga kubokhokho benu ukubanika ilizwe eligcwele uchago lenyosi, njengoba kunjalo lalamhla. Ngasengiphendula ngisithi: Yebo, Nkosi.

IBhayibhili Elingcwele LesiNdebele

⁵ Lapho-ke ngizagcwalisa isifungo sami engasifunga kubokhokho benu, ukubanika ilizwe eligeleza uchago loluju,’ ilizwe elihlezi kulo khathesi.” Ngaphendula ngathi, “Akube njalo Thixo.”

UJeremiya 11:5 ပူးပေါင်းရင်းမြစ်များ

2 ImiLando 6:17

Ngakhoke, Nkosi, Nkulunkulu kaIsrayeli, kaligcwaliseke ilizwi lakho owalikhuluma kuDavida, inceku yakho.

AmaHubo 105:8

Iyakhumbula isivumelwano sayo kuze kube nininini, ikhumbula ilizwi eyalitsho yaliqinisa kuzo izizukulwana eziyinkulungwane,

U-Eksodasi 13:5

Kuzakuthi lapho iNkosi isilingenisile elizweni lamaKanani lamaHethi lamaAmori lamaHivi lamaJebusi, eyafunga kubokhokho benu ukulinika lona, ilizwe eligcwele uchago lenyosi, ligcine linkonzo ngalinyanga.

UJeremiya 19:12

Ngizakwenza njalo kulindawo lakubo abakhileyo kiyo, ngenze lumuzi ufanane leTofethi, kutsho iNkosi.

UJeremiya 28:6

esithi: Kungathi kungaba njalo! Kungathi iNkosi ingenza njalo, yenze ukuba amazwi owatshumayelayo agcwaliseke, ibuyise kulindawo izitsha zethempeli, labo bonke abathunjelwa eBabiloni.

UJeremiya 32:22

wabanika lelilizwe, owafunga kubokhokho babo ukubanika lona, ilizwe eligcwele uchago lenyosi;

ULevi 20:24

Kodwa ngathi kini: Lizakuthumba ilizwe labo, ngilinike lona libe yilifa lenu, ilizwe eligcwele uchago lenyosi. NgiyiNkosi uNkulunkulu wenu, olahlukanise labezizwe.

UMatewu 6:13

Ungasingenisi ekulingweni, kodwa usikhulule ebubini. [Ngoba umbuso ungowakho, lamandla, lobukhosi, kuze kube nini lanini. Ameni.]

1 AbaseKhorinte 14:16

Uba kungenjalo, nxa ubonga ngomoya, lowo ongafundanga angatsho kanjani ukuthi Ameni ekubongeni kwakho, lokhu engakwazi okutshoyo na?

UDutheronomi 6:3

Ngakhoke zwana, Israyeli, unanzelele ukuzenza, ukuba kukulungele, wande kakhulu elizweni eligcwele uchago lenyosi njengokukuthembisa kwayo iNkosi uNkulunkulu wabokhokho benu.