UJeremiya 11:23 - iBhayibhili Elingcwele 1978

²³ kakuyikusala muntu; ngoba ngizabehlisela okubi abantu baseAnathothi ngomnyaka wokutshaywa kwabo.

IBhayibhili Elingcwele LesiNdebele

²³ Akuyikuba khona osalayo kubo, ngoba ngizaletha incithakalo ebantwini base-Anathothi ngomnyaka wokujeziswa kwabo.”

UJeremiya 11:23 ပူးပေါင်းရင်းမြစ်များ

UJeremiya 11:19

Kodwa mina nganginjengewundlu elasiwa ekuhlatshweni. Ngangingazi ukuba benza amacebo amabi ngami besithi: Asisiqume isihlahla sisemanzi; asimsuse elizweni labaphilayo, lebizo lakhe lingabe lisaziwa.

UJeremiya 23:12

Ngalokhoke indlela yabo izakuba njengezindlela ezitshelelayo emnyameni, abazakusunduzelwa kizo, bawe; ngoba ngizabalethela okubi ngomnyaka wokutshaywa kwabo, kutsho iNkosi.

UJeremiya 44:27

Ngilindele ukubenza okubi, kungesikho okuhle; bonke abakoJuda abaseGibithe bazaqedwa yimpi layindlala, baze baphele bonke.

UJeremiya 46:21

Lamabutho alo aqatshiweyo akhona phakathi kwalo anjengamathole anonileyo; abuyela emuva, abaleka kanyekanye, kawemanga, ngoba usuku lokuhlupheka kwawo luwehlele, isikhathi sokutshwaywa kwawo.

UJeremiya 48:44

Obalekela ukwesaba uzawela emgodini, lophuma emgodini uzabanjwa ngumjibila. Ngoba lezizinto ngizazehlisela eMowabi ngomnyaka wokutshaywa kwabo, kutsho iNkosi.

UJeremiya 5:29

Kangiyikubatshaya ngalezizinto na? kutsho iNkosi. Kangiyikuphindisela esizweni esinje na?

UJeremiya 5:9

Kangiyikubatshaya ngenxa yezinto lezi na? kutsho iNkosi; kangiyikuphindisela esizweni esinje na?

UJeremiya 50:27

Bulalani inkunzi zalo zonke, kazisiwe ekuhlatshweni. Maye kuzo! ngoba usuku lwazo lufikile, isikhathi sokutshaywa kwazo.

UJeremiya 6:9

INkosi yamabandla ithi: Khanini njengevini okuseleyo koIsrayeli; njengomvuni wevini ngenisa futhi isandla sakho phakathi kwengatsha zalo.

UJeremiya 8:12

Babelenhloni yini lapho besenza amanyala? Atshi, kababanga lanhloni lakanye, kabayangekanga. Ngalokhoke bazakuwa phakathi kwabawayo; ngesikhathi sokubatshaya kwami bazachitheka, kutsho iNkosi.

UHosiya 9:7

Insuku zokutshaywa sezifikile, lensuku zokuphindisela sezifikile. UIsrayeli uzakukwazi lokhu. Umprofethi uzakuba njengesithutha, lomuntu olomoya abe njengohlanyayo ngenxa yobubi benu obukhulu lenzondo yenu enkulu.

uObadiya 1:18

Indlu kaJakobe izakuba ngumlilo, lendlu kaJosefa ibe lilangabi, indlu kaEsawu ibe ngamabibi; bazakuwatshisa bawaqede; kakuyikuba khona oseleyo endlini kaEsawu; ngoba iNkosi isikhulumile.

UMikha 7:4

Omuhle wabo unjengameva, lolungileyo wabo unjengothango lwameva. Usuku lokutshaywa kwabo, abatshumayela ngalo abalindi babo, selufikile, lokudideka kwabo sekusondele.

ULukha 19:44

zikusakaze phansi, wena labantwana abaphakathi kwakho, zingatshiyi ilitshe lelilodwa phezu kwelinye phakathi kwakho, ngoba ungasazanga isikhathi sokuhanjelwa kwakho.