UJeremiya 11:13 - iBhayibhili Elingcwele 1978

¹³ Ngoba onkulunkulu bakho banengi njengemizi yakho, wena Juda, lamaaltare owakhele into elehlazo manengi njengezindlela zeJerusalema amaaltare okutshisela uBali impepha.

IBhayibhili Elingcwele LesiNdebele

¹³ Wena Juda ubunengi babonkulunkulu bakho bunjengobamadolobho akho, njalo lama-alithare owakhele ukutshisela impepha kulowonkulunkulu olihlazo, uBhali, ubunengi bawo bunjengobemigwaqo yaseJerusalema.’

UJeremiya 11:13 ပူးပေါင်းရင်းမြစ်များ

2 AmaKhosi 23:13

Inkosi yangcolisa indawo eziphakemeyo zokukhonzela ezazingasempumalanga kweJerusalema, ngaseningizimu kwentaba ethiwa iOliveti, uSolomoni inkosi yakoIsrayeli eyayizakhele uAshitorethi unkulunkulukazi oyisinengiso samaSidoni, loKemoshi unkulunkulu oyisinengiso saseMowabi, loMilkomu unkulunkulu oyisinengiso samaAmoni.

2 ImiLando 28:25

Emizini yonke yakoJuda wamisa indawo eziphakemeyo zokukhonzela ukuba atshisele abanye onkulunkulu impepha, eyithukuthelisa iNkosi uNkulunkulu wabokhokho bakhe.

U-Isaya 2:8

Ilizwe labo ligcwele izithombe; bakhuleka emisebenzini yezandla zabo, lakukho okwenziwe yiminwe yabo.

UJeremiya 11:17

INkosi yamabandla eyakuhlanyelayo ikhulumile okubi ngawe, ngenxa yobubi obenziwe yindlu yakoIsrayeli leyakoJuda, bangicunula ngokutshisela uBali impepha.

UJeremiya 17:1

Isono sakoJuda silotshiwe ngepheni yensimbi; ngomcijo wendayimana sibhaliwe enhliziyweni yabo lasezimpondweni zama‐altare abo,

UJeremiya 18:15

Kodwa abantu bami bangikhohliwe, batshisela onkulunkulu bamanga impepha; bakhubeka endleleni zabo, emigwaqweni yasendulo, baphambukela ezindledlaneni, kabahambanga ngemigwaqo;

UJeremiya 19:4

Ngoba abantu bangitshiyile, bayingcolisa lindawo ngokutshisela kiyo impepha kwabanye onkulunkulu abangabaziyo bona labokhokho babo kanye lamakhosi akoJuda; futhi bayigcwalisa lindawo ngegazi labangelacala,

UJeremiya 19:5

bakha izindawo eziphakemeyo zikaBali ukutshisa amadodana abo ngomlilo abe ngumnikelo wokutshiswa kuBali, into engingabalayanga yona ngayimisa, lengafikanga engqondweni yami.

UJeremiya 2:28

Kanti bangaphi onkulunkulu bakho ozenzele bona na? Kabavuke bona uba bengakukhulula ngesikhathi sokuhlupheka kwakho; ngoba onkulunkulu bakho banengi njengemizi yakho, wena Juda.

UJeremiya 3:24

UBali, into elehlazo iqedile wonke umsebenzi wabokhokho kusukela ebutsheni bethu, izimvu zabo lenkomo zabo, amadodana abo lamadodakazi abo.

UJeremiya 3:25

Asilale phansi silenhloni, sibanjwe zinhloni zethu; ngoba sonile eNkosini uNkulunkulu wethu, thina labokhokho, kusukela ebutsheni bethu kuze kube lamuhla; kasilalelanga ilizwi leNkosi uNkulunkulu wethu.

UJeremiya 32:35

Bakha indawo eziphakemeyo zikaBali esihotsheni seBeni‐Hinomu, ukuba banikele amadodana lamadodakazi awo kuNkulunkulu uMoloki, into engingabalayanga yona lengafikanga engqondweni yami, ukuba benze uJuda one.

UJeremiya 44:21

Impepha elayitshisa emizini yakoJuda lasezindleleni zeJerusalema, lina laboyihlo, lamakhosi enu, lezikhulu zenu, labantu belizwe, iNkosi kayikukhumbulanga na? Kakungenanga engqondweni yayo na?

UJeremiya 44:5

Kodwa kabalalelanga kabezwanga, ukuba baphenduke ebubini babo, bangatshiseli abanye onkulunkulu impepha.

UJeremiya 48:35

Ngizaqeda eMowabi lowo onikela umhlatshelo endaweni ephakemeyo yokukhonzela, atshisele unkulunkulu wakhe impepha, kutsho iNkosi.

UJeremiya 7:9

Lizakweba, libulale, lifebe, lifunge amanga, litshisele uBali impepha, likhonze abanye onkulunkulu elingabaziyo,

UHezekhiyeli 16:24

wazakhela ithala, wazenzela indawo ephakemeyo emidangeni yonke;

UHosiya 10:1

UIsrayeli ulivini elihle kakhulu elithelayo izithelo. Ngokwanda kwezithelo zakhe wandisa ama‐altare akhe; langokwanda kobuhle belizwe lakhe wenza insika zakhe zokukhonzela zibe zinhle.

UHosiya 12:11

Kwakukhonzwa izithombe eGileyadi na? Yebo, babonakele, bahlabela onkulunkulu bezinkunzi eGiligali. Ama‐altare abo anda njengenqumbi zamatshe emasimini.

UHosiya 9:10

INkosi ithi: Ngamfumana uIsrayeli njengezithelo zevini egangeni, ngababona okhokho babo njengezithelo zokuqala zomkhiwa. Kodwa bafika eBali‐Peyori, bazinikela kuBali, baba yisinengiso njengento abayithandileyo.