UJeremiya 11:10 - iBhayibhili Elingcwele 1978

¹⁰ Sebebuyele ebubini babokhokho babo abala ukuzwa ilizwi lami; balandela abanye onkulunkulu ukuba babakhonze; indlu yakoIsrayeli leyakoJuda zisaphulile isivumelwano sami engasenza lokhokho babo.

IBhayibhili Elingcwele LesiNdebele

¹⁰ Sebebuyele ezonweni zabokhokho babo, abalayo ukulalela amazwi ami. Balandele abanye onkulunkulu ukuba babakhonze. Indlu ka-Israyeli lendlu kaJuda, zombili zisephule isivumelwano engasenza labokhokho bazo.

UJeremiya 11:10 ပူးပေါင်းရင်းမြစ်များ

AmaHubo 78:57

babuyela emuva, bakhohlisa njengabokhoko babo, baba njengedandili elitshilekileyo elikhohlisayo.

U-Isaya 24:5

Umhlaba wonakalisiwe ngabahlala kiwo; ngoba abantu beqile imilayo, bephula izimiso, bephula isivumelwano esingapheliyo.

UJeremiya 13:10

Lababantu ababi, abala ukuzwa amazwi ami, belandela inhliziyo zabo ezilenkani, belandela onkulunkulu abanye ukuba babasebenzele babakhonze, bazakuba njengalelibhanti elingasizi lutho.

UJeremiya 17:23

Kanti kabezwanga, kabalalelanga; baba lenkani kabaze bezwa, belaywa.

UJeremiya 22:9

Impendulo izakuthi: Kungoba basidela isivumelwano seNkosi, uNkulunkulu wabo, bakhonza abanye onkulunkulu, babasebenzela.

UJeremiya 31:32

esingenjengesivumelwano engasenza lokhokho babo mhla ngibabamba ngesandla sami ukubakhupha elizweni laseGibithe, ngitsho isivumelwano sami abasaphulayo, lanxa ngangiyiNkosi yabo, kutsho iNkosi.

UJeremiya 44:16

Ilizwi olikhulume kithi ebizweni leNkosi kasiyikulilalela.

UJeremiya 44:5

Kodwa kabalalelanga kabezwanga, ukuba baphenduke ebubini babo, bangatshiseli abanye onkulunkulu impepha.

UJeremiya 7:28

Uzakuthi kibo: Yiso lesisizwe esingalalelanga ilizwi leNkosi, uNkulunkulu waso, esingavumanga ukulaywa; leqiniso liphelile, lasuswa emlonyeni waso.

UJeremiya 9:6

Bandisa ububi phezu kokubi, lenkohliso phezu kwenkohliso, bayala ukungazi mina, kutsho iNkosi.

UHezekhiyeli 16:59

Yebo, iNkosi uNkulunkulu ithi: Ngizakukuphatha njengokwenza kwakho, wena odelele isifungo, wephula isivumelwano;

UHezekhiyeli 44:7

okungenisa abezizwe labangasokanga enhliziyweni lasenyameni endlini yami engcwele liyingcolisa, lapho linikela kimi ukudla kwami, amahwahwa legazi. Futhi lisaphulile isivumelwano sami ngamanyala enu wonke.

UHezekhiyeli 5:6

Uhlamukile imithetho yami lezimiso zami ngokwenza okubi ukwedlula ezinye izizwe lamazwe awuphahlileyo; bayilahlile imithetho yami, kabahambanga ngezimiso zami.

UHosiya 6:4

INkosi ithi: Ngizakwenza njani ngawe, wena Efrayimi? Ngizakwenza njani ngawe, wena Juda? Uthando lwenu lunjengeyezi lasekuseni, njengamazolo athintitheka masinyane.

UHosiya 6:7

Kodwa eAdima basaphula isivumelwano, bangikhohlisa khona.

UHosiya 7:16

Baphendukela kuBali, banjengedandili elixegayo, ababusi babo bazabulawa ngomkhonto ngenxa yokuziphakamisa kwabo. Lokhu kuzakuba yinhlekisa ngabo elizweni laseGibithe.

ULevi 26:15

uba lilahla izimiso zami, lidelele izahlulelo zami, ukuze lingenzi imilayo yami yonke, leqe isivumelwano sami,

UZefaniya 1:6

labangidelileyo abangangidingiyo, bangabuzi kimi.

UZakhariya 1:4

Lingabi njengokhokho benu abaprofethi bakuqala abamemeza kibo besithi: INkosi yamabandla ithi: Phendukani ezindleleni zenu ezimbi lasezenzweni zenu ezimbi. Kodwa kabezwanga, kabanginanzanga, kutsho iNkosi.

UZakhariya 7:11

Kodwa bona bala ukulalela, baqinisa amakhanda abo, bavimba indlebe zabo ukuze bangezwa.

UZakhariya 7:13

INkosi yamabandla yathi: Njengoba ngababiza, kabaze bezwa, labo babiza, lami kangaze ngezwa.

UDutheronomi 31:16

INkosi yathi kuMose: Usuzakubhubha njengokhokho bakho; lababantu lapho sebefikile elizweni abaya kulo, bahlala labezizwe, bazakhonza onkulunkulu bazo, bangitshiye, basaphule isivumelwano sami engisenze labo.

UDutheronomi 9:7

Khumbulani, lingakhohlwa, ukuthi lathukuthelisa iNkosi uNkulunkulu wenu enkangala; layivukela kusukela osukwini elaphuma ngalo eGibithe laze lafika kulindawo.

AmaHebheru 8:9

esingenjengesivumelwano engasenza labokhokho babo mhla ngibabamba ngesandla ukubakhupha elizweni laseGibithe, ngoba kabahlalanga esivumelwaneni sami, lami kangibananzanga, itsho iNkosi.

Abahluleli 2:11

AbakoIsrayeli benza okubi phambi kweNkosi, bakhonza oBali,

Abahluleli 2:17

Kanti kababalalelanga abahluleli babo, baphinga ngokukhonza abanye onkulunkulu, bakhothama kibo, baphambuka masinyane endleleni okhokho babo ababehamba kuyo, ababelalele imilayo yeNkosi. Bona kabayilalelanga iNkosi.

Abahluleli 2:19

Kodwa kuthi lapho umahluleli esefile, babuyele emuva benze okubi ukwedlula okhokho babo, balandele abanye onkulunkulu, babakhonze bakhothame kibo; kabayekelanga lokukodwa kwezenzo zabo lokwendlela zabo zenkani.

1 USamuyeli 15:11

lathi: Sengizisola ngokuthi ngambeka uSawuli waba yinkosi; ngoba udelile ukungilandela, kayenzanga imilayo yami. USamuweli wathukuthela, ubusuku bonke wakhala eNkosini.