UJeremiya 10:9 - iBhayibhili Elingcwele 1978

⁹ Isiliva esikhandiweyo sivela eTarshishi, legolide livela eOfiri. Ukwenza izithombe kungumsebenzi wesisebenzi lowezandla zomkhandi, zigqokiswe okuluhlaza lokuyibubende; konke kungumsebenzi wezingcitshi.

IBhayibhili Elingcwele LesiNdebele

⁹ Isiliva esikhandiweyo siyalethwa sivela eThashishi legolide livela e-Ufazi. Okwenziwe yingcwethi lomkhandi wegolide kugqokiswa okuluhlaza lokuyibubende, njalo konke kwenziwe zingcitshi.

UJeremiya 10:9 ပူးပေါင်းရင်းမြစ်များ

1 AmaKhosi 10:22

Inkosi yayilemikolo emikhulu yokuthwala impahla olwandle kanye lemikolo kaHiramu; limikolo yokuthwala impahla yayibuya kanye ngeminyaka emithathu ithwele igolide lesiliva lempondo zendlovu lezindwangu lezinkawu.

2 ImiLando 9:21

Inkosi yayilemikolo emikhulu yokuthwala impahla olwandle eyayisiya eTarshishi lezinceku zikaHuramu; limikolo yokuthwala impahla yayibuya kanye ngeminyaka emithathu ithwele igolide lesiliva lempondo zendlovu lezindwangu lezinkawu.

AmaHubo 115:4

Izithombe zabo ngezesiliva legolide, umsebenzi wezandla zabantu.

AmaHubo 72:10

Amakhosi aseTarshishi lawasezihlengeni azaletha izipho, amakhosi aseSheba laseSeba alethe izipho.

U-Isaya 23:6

Balekelani eTarshishi, likhale, lina abahlala ngasolwandle.

U-Isaya 40:19

Uyisithombe esibunjwe yisisebenzi, sananyekwa ngegolide ngumkhandi, samiswa phezu kwesisekelo sesiliva na?

UHezekhiyeli 27:12

ITarshishi lathengiselana lawe ngenxa yobunengi benotho yakho yenhlobo zonke, benana impahla yakho ngesiliva langensimbi langomnuso.

UHezekhiyeli 27:7

Isayili lakho lenziwa ngelembu elihle lelicecisiweyo elivela eGibithe, elaba luphawu lwakho, lethente lakho lenziwa ngelembu eliluhlaza leliyibubende elivela ezihlengeni zaseElisha.

UDanyeli 10:5

ngaphakamisa amehlo ami, ngabona umuntu egqoke ilembu elihle, ebophe ngebhanti legolide laseOfiri okhalweni lwakhe.

UHosiya 8:6

Umbazi walenza, kalisuye Nkulunkulu. Ithole laseSamariya lizaphahlazwa libe yizihlephu.

UJona 1:3

Kodwa uJona wasuka waya eTarshishi ukuba abalekele iNkosi. Wehlela eJopha, wafumana khona umkolo oya eTarshishi; wakhupha imali yokukhwela, wakhwela kuwo ukuba ahambe labaya eTarshishi, abaleke eNkosini.

UHabhakhukhi 2:19

Maye kulowo otshoyo esigodweni esibaziweyo ukuthi: Vuka! lelitsheni eliyisimungulu ukuthi: Phaphama! Lokhu kungamfundisa ulutho na? Kunanyekwe ngegolide langesiliva, kakulamoya wokuphefumula.