UJeremiya 10:6 - iBhayibhili Elingcwele 1978

⁶ Kakho onjengawe, Nkosi, ngoba umkhulu, lebizo lakho likhulu kakhulu.

IBhayibhili Elingcwele LesiNdebele

⁶ Kakho ofana lawe, wena Thixo, wena umkhulu, lebizo lakho lilamandla amakhulu.

UJeremiya 10:6 ပူးပေါင်းရင်းမြစ်များ

2 USamuyeli 7:22

Wena umkhulu impela, Nkosi Nkulunkulu; ngoba kakho onjengawe, kakho uNkulunkulu ngaphandle kwakho, ngakho konke esikuzwileyo ngendlebe zethu.

1 ImiLando 16:25

Ngoba yinkulu iNkosi, ifanele ukudunyiswa kakhulu, iyesabeka ukwedlula onkulunkulu bonke.

UNehemiya 4:14

Sengibonile ukuthi bayesaba, ngathi kuzo izikhulu lezinduneni lakwabanye abantu: Lingabesabi. Khumbulani iNkosi enkulu leyesabekayo, lilwele abafowenu lamadodana enu lamadodakazi enu labomkenu lemizi yenu.

UNehemiya 9:32

Ngakhoke, Nkulunkulu wethu omkhulu, wena olamandla lowesabekayo, ogcina isivumelwano lolothando olungapheliyo, ungadeleli ubunzima bonke obusehleleyo thina sonke, lamakhosi ethu lezikhulu zethu labapristi bethu labaprofethi bethu labokhokho bethu labo bonke abantu bakho, kusukela esikhathini samakhosi aseAsiriya kuze kube lamhla.

AmaHubo 145:3

INkosi yinkulu, ifanele ukudunyiswa kakhulu, lobukhulu bayo bungehlolisiswe.

AmaHubo 147:5

INkosi yethu yinkulu, makhulu amandla ayo; ukwazi kwayo kakulakulinganiswa.

AmaHubo 35:10

Wonke amathambo ami azakuthi: Nkosi, ngubani onjengawe, okhulula ababuthakathaka kubo abalamandla, ababuthakathaka labaswelayo kubo ababaphangayo na?

AmaHubo 48:1

Yinkulu iNkosi, ifanele ukudunyiswa kakhulu emzini kaNkulunkulu wethu osentabeni yayo engcwele.

AmaHubo 96:4

Ngoba yinkulu iNkosi, ifanele ukudunyiswa kakhulu, iyesabeka ukwedlula onkulunkulu bonke.

U-Eksodasi 15:11

Ngubani onjengawe, Nkosi, phakathi kwabonkulunkulu na? Ngubani onjengawe olobukhosi ngobungcwele, owesabekayo ngezenzo ezinkulu, owenza izimangaliso na?

U-Eksodasi 8:10

Wathi: Kusasa. UMose wathi: Kakube njengelizwi lakho ukuze wazi ukuthi kakho onjengeNkosi uNkulunkulu wethu.

U-Eksodasi 9:14

Ngoba khathesi ngizakuthuma zonke inhlupheko zami kuwe lasencekwini zakho lasebantwini bakho, ukuba wazi ukuthi kakho onjengami kuwo wonke umhlaba.

U-Isaya 12:6

Memezani, lihlabele ngokuthokoza, lina baseZiyone, ngoba mkhulu phakathi kwenu oNgcwele kaIsrayeli.

U-Isaya 40:18

Lizamfanisa lobanike uNkulunkulu, loba limlinganise lomfanekiso kabani na?

U-Isaya 40:25

Pho, lizangilinganisa lobani, lizangifanisa lobani na? kutsho oNgcwele.

U-Isaya 46:5

Lizakungifanisa, lingilinganise lobani; lizakungilinganisa lobani ukuze sifanane na?

U-Isaya 46:9

khumbulani izinto zakuqala zasendulo; ngoba nginguNkulunkulu, kakho omunye; yebo, nginguNkulunkulu, kakho ofana lami,

UJeremiya 10:16

UNkulunkulu kaJakobe kanjengazo, ngoba nguye owadala zonke izinto, isizwe sakoIsrayeli yiso asikhethayo; ubizwa ngokuthi yiNkosi yamabandla.

UJeremiya 32:18

otshengisa uthando olungapheliyo kwabayizinkulungwane, kodwa uphindisela ububi baboyise kubantwana babo ngemva kwabo. Wena Nkulunkulu omkhulu lolamandla, oyiNkosi yamabandla,

UDanyeli 4:3

Yeka ubukhulu bezibonakaliso zakhe, lamandla ezimangaliso zakhe! Umbuso wakhe ungumbuso ongelakuphela, lokubusa kwakhe kungokwezizukulwana zonke.

UDanyeli 4:34

Ekupheleni kweminyaka emisiweyo mina Nebukadineza ngaphakamisela amehlo ami phezulu, lengqondo yami yabuya kimi; ngambonga oPhezukonke, ngamdumisa, ngamphakamisa yena ohlala kuze kube nininini. Ngoba ukubusa kwakhe kakulakuphela, lombuso wakhe ungowezizukulwana zonke;

UMalaki 1:11

Ngoba kusukela ekuphumeni kwelanga kuze kube sekutshoneni kwalo, ibizo lami likhulu phakathi kwezizwe; endaweni zonke ibizo lami litshiselwa impepha, kunikelwe kilo iminikelo ehlambulukileyo; ngoba ibizo lami likhulu phakathi kwezizwe, kutsho iNkosi yamabandla.

1 AbaseKhorinte 8:6

kanti kithi kukhona uNkulunkulu munye, uYise, okuvela kuye izinto zonke, lathi siphilela yena; leNkosi yinye, uJesu Kristu, okwavela ngaye konke, lathi sikhona ngaye.

UDutheronomi 32:31

Ngoba idwala labo kalinjengeDwala lethu; lezitha zethu ziyazibonela lokho.

UDutheronomi 33:26

Kakho onjengoNkulunkulu, wena Jeshuruni, ogade amazulu ukuyakusiza, lomkhathi ngobukhosi bakhe.