UJeremiya 10:5 - iBhayibhili Elingcwele 1978

⁵ Izithombe zabo zinjengezinto zokwethusa emasimini, kazikhulumi, futhi ziyathwalwa, ngoba kazihambi; lingazesabi, ngoba kazilamandla okwenza okubi, lokuhle kazilakukwenza.

IBhayibhili Elingcwele LesiNdebele

⁵ Njengezinto zokwethusa endimeni yamajodo, izithombe zabo azikhulumi, kumele zithwalwe ngoba azingeke zihambe. Lingazesabi, azingeke zenze okubi, lokuhle azingeke zikwenze.”

UJeremiya 10:5 ပူးပေါင်းရင်းမြစ်များ

1 AmaKhosi 18:26

Bayithathake inkunzi abasebeyinikiwe, bayilungisa, bakhuleka ebizweni likaBali kusukela ekuseni kwaze kwaba semini, besithi: Bali, akusiphendule! Kodwa kakubanga lalizwi, kakubanga lampendulo. Bagidagida bebhoda ialtare abalakhileyo.

2 ImiLando 25:15

Ngalokhu iNkosi uNkulunkulu yamthukuthelela, yathumela kuye umprofethi owathi kuye: Ubafuneleni onkulunkulu abangakhululanga abantu babo esandleni sakho na?

U-Isaya 16:12

Kuzakuthi lapho uMowabi esesondela, lapho esezidinisa endaweni ephakemeyo yokukhonzela, lalapho esiza endlini yakhe engcwele ukukhuleka, kayikuphumelela.

U-Isaya 45:20

Buthanani, lisondele lonke, lina abaseleyo bezizwe, elingelakho ukwazi, elithwele izithombe zezigodo, likhuleka kunkulunkulu ongelakusiza.

U-Isaya 46:1

UBeli uyaguqa, uNebo uyakhothama; izithombe zabo sezingumthwalo wezifuyo; ziyaphakanyiswa, zithwaliswe izifuyo ezidiniweyo.

U-Isaya 46:7

Bakuthwala ngamahlombe abo, bakubeke endaweni yakho, kuhlale khona lapho, kungasuki kiyo. Uba umuntu ekhuleka kukho, kakuphenduli, kungamsizi enkathazweni yakhe.

UJeremiya 10:14

Bonke abantu bayizithutha, kabalakwazi; wonke umkhandi uyangiswa yizithombe zakhe, ngoba izithombe zakhe ziyinkohliso, kazilamphefumulo.

UHabhakhukhi 2:19

Maye kulowo otshoyo esigodweni esibaziweyo ukuthi: Vuka! lelitsheni eliyisimungulu ukuthi: Phaphama! Lokhu kungamfundisa ulutho na? Kunanyekwe ngegolide langesiliva, kakulamoya wokuphefumula.

1 AbaseKhorinte 12:2

Liyazi ukuthi lapho lalisengabezizwe, laholelwa ezithombeni eziyizimungulu, langaziphi indlela elaholelwa ngazo.

1 AbaseKhorinte 8:4

Ngakhoke mayelana lokudla okuhlatshelwe izithombe, siyazi ukuthi kasikho isithombe emhlabeni lokuthi kakho omunye unkulunkulu, munye kuphela.

UDutheronomi 4:28

Lapho lizakukhonza onkulunkulu abenziwe ngezandla zabantu ngezihlahla langamatshe, abangaboniyo, abangezwayo, abangadliyo labanganukiyo.