UJeremiya 10:22 - iBhayibhili Elingcwele 1978

²² Kulamahungahunga okuthi kukhona ukuzamazama okukhulu okusuka elizweni lasenyakatho, okuzakwenza yonke imizi yakoJuda ibe yinkangala lendawo yamakhanka.

IBhayibhili Elingcwele LesiNdebele

²² Lalelani! Umbiko uyeza, ukuxokozela okukhulu okuvela elizweni lenyakatho! Kuzakwenza amadolobho akoJuda achitheke, abe yizikhundla zamakhanka.

UJeremiya 10:22 ပူးပေါင်းရင်းမြစ်များ

U-Isaya 34:13

Ameva azakhula ezindlini zamakhosi alo akhona, imbabazane lokhula kukhule emizini ebiyelweyo, kube yindawo yamakhanka lezikhova.

UJeremiya 1:14

INkosi yasisithi kimi: Okubi kuzaqubuka enyakatho, kubehlele bonke abakhileyo elizweni.

UJeremiya 1:15

Ngoba ngiyabiza izizwe zonke zemibuso yasenyakatho, kutsho iNkosi; amakhosi azo azakufika, wonke azakumisa izihlalo zawo zobukhosi emasangweni aseJerusalema, azingelezele imiduli yalo lonke, lemizi yonke yakoJuda.

UJeremiya 2:15

Izilwane sezimbhongele, zakhonya kakhulu. Zenza ilizwe lakhe laba yinkangala, lemizi yakhe ingamanxiwa, kayiselamuntu.

UJeremiya 25:9

ngizabiza izizwe zasenyakatho, kutsho iNkosi, loNebukadineza inkosi yaseBabiloni inceku yami, ngizilethe kulelilizwe lakwabakhileyo kulo, lakuzo zonke izizwe eziseduze lalo, ngibabhubhise, ngibenze babe yinto eyesabekayo, into yokuncifelwa, lehlazo elingapheliyo.

UJeremiya 4:15

Ngoba ilizwi liyamemeza lisuka koDani, libika okubi kuvela ezintabeni zakoEfrayimi.

UJeremiya 4:6

Misani uphawu olukhomba iZiyone, libaleke lingemi, ngoba ngiletha okubi okuvela ngasenyakatho, lokuchitheka okukhulu.

UJeremiya 49:33

IHazori lizakuba yindawo yamakhanka, libe yinkangala kokuphela, kakuyikwakha muntu khona, ahlale khona.

UJeremiya 5:15

Ngizakukulethela isizwe esivela khatshana, wena ndlu kaIsrayeli, kutsho iNkosi. Yisizwe esilamandla, yisizwe esidala, yisizwe ongalwaziyo ulimi lwaso, longayikukuzwa lokho esikukhulumayo.

UJeremiya 6:1

Balekani ukuze liphephe, lina bantu bakoBenjamini, liphume phakathi kweJerusalema. Khalisani uphondo eTekowa, liphakamise uphawu eBeti‐Hakeremi, ngoba ububi bubonakala ngasenyakatho lokuchitheka okukhulu.

UJeremiya 6:22

INkosi ithi: Khangela, abantu bayeza bevela elizweni elisenyakatho, isizwe esikhulu siyavuka endaweni ezikhatshana zomhlaba.

UJeremiya 9:11

Ngizalenza iJerusalema libe lunxiwa oludilikileyo lendawo yamakhanka, ngenze imizi yakoJuda ibe yinkangala engelamuntu.

Izililo 1:4

Imigwaqo eya eZiyone iyalila, ngoba kakho ozayo kulo emikhosini emisiweyo. Emasangweni alo kakulabantu, labapristi balo bayabubula. Intombi zalo ziyahlupheka. Liyahlupheka kakhulu.

UHezekhiyeli 12:19

uthi ebantwini belizwe: INkosi uNkulunkulu ithi ngabakhileyo eJerusalema abasekhona elizweni lakoIsrayeli: Bazakudla ukudla kwabo besesaba, banathe amanzi beqhaqhazela, ngoba ilizwe labo lizaphundlwa konke elilakho ngenxa yesihluku salabo abahlala kilo.

UMalaki 1:3

uEsawu ngamzonda; ngalichitha ilizwe lakhe elilamaqaqa, lelifa lakhe ngalinika amakhanka asenkangala.