UJeremiya 10:18 - iBhayibhili Elingcwele 1978

¹⁸ Ngoba iNkosi ithi: Khangela, ngiyabaphosela ngaphandle abakhileyo elizweni ngalesisikhathi; ngizabacindezela baphele nya.

IBhayibhili Elingcwele LesiNdebele

¹⁸ Ngoba uThixo uthi, “Ngalesisikhathi ngizabaphosela phandle labo abahlala kulelilizwe, ngizabehlisela usizi ukuze bathunjwe.”

UJeremiya 10:18 ပူးပေါင်းရင်းမြစ်များ

U-Isaya 22:17

Ngoba iNkosi izakukujikijela khatshana, wena muntu olamandla; izakukubamba ikuqinise,

UJeremiya 16:13

Ngalokhoke ngizaliphosela ngaphandle kwalelilizwe, liye elizweni elingalazanga lina lokhokho benu; kulapho lizasebenzela abanye onkulunkulu emini lebusuku, ngoba mina kangiyikulihawukela.

UJeremiya 22:26

ngikuphosele kanye lonyoko kwelinye ilizwe ongazalelwanga kilo, ufele khona.

UJeremiya 23:20

Ulaka lweNkosi kaluyikudeda, ize iphelelise izifiso zenhliziyo yayo. Ensukwini zokucina lizakukuqedisisa lokhu.

UHezekhiyeli 6:10

Bazakwazi ukuba mina ngiyiNkosi. Kangikhulumanga ize nxa ngisithi ngizakwenza lokho okubi kibo.

UZefaniya 1:17

Ngizakwehlisela abantu usizi ukuze bahambe njengeziphofu, ngoba bonile eNkosini; igazi labo lizakuchithwa njengothuli; lenyama yabo njengobulongwe.

UZakhariya 1:6

Kodwa amazwi ami lezimiso zami, engalaya ngakho inceku zami abaprofethi, kakubaficanga okhokho benu na? Ngakho baphenduka bathi: Njengalokhu iNkosi yamabandla yazimisela ukusiphatha ngokufanele indlela zethu lezenzo zethu, yenze njalo.

UDutheronomi 28:52

Sizakulivimbezela kuyo yonke imizi yenu, ize idilike kulo lonke ilizwe imiduli yenu ephakemeyo leqinileyo elithembela kuyo; sizakulivimbezela emizini yenu yonke kulo lonke ilizwe lakini iNkosi uNkulunkulu wenu elinike lona.

1 USamuyeli 25:29

Loba kusuka umuntu exotshana lawe efuna ukuphila kwakho, iNkosi uNkulunkulu wakho izagoqela ukuphila kwakho, ikugcine; kodwa ukuphila kwezitha zakho izakukujikijela kungathi kuphoswa amatshe ngesavutha.