UJeremiya 10:12 - iBhayibhili Elingcwele 1978

¹² UNkulunkulu wawenza umhlaba ngamandla akhe, walimisa ilizwe ngokuhlakanipha kwakhe, langokuqedisisa kwakhe walendlala iphezulu.

IBhayibhili Elingcwele LesiNdebele

¹² Kodwa uNkulunkulu wenza umhlaba ngamandla akhe, wamisa umhlaba ngokuhlakanipha kwakhe, njalo wendlala lamazulu ngokuqedisisa kwakhe.

UJeremiya 10:12 ပူးပေါင်းရင်းမြစ်များ

UGenesisi 1:1

Ekuqaleni uNkulunkulu wadala izulu lomhlaba.

UGenesisi 2:5

kwakungakabikho isihlahla emhlabeni, lemibhida yeganga yayingakamili; ngoba iNkosi uNkulunkulu yayingakanisi izulu emhlabeni, kungakabikho muntu wokulima umhlabathi.

1 ImiLando 16:26

Ngoba bonke onkulunkulu bezizwe bayizithombe; kodwa iNkosi yenza amazulu.

UJobe 26:7

Welulela inyakatho phezu kwendawo engelalutho, aphanyeke umhlaba phezu kweze.

UJobe 37:18

Ungatshombulula isibhakabhaka njengaye, siqine njengesibuko esibunjiweyo na?

UJobe 9:8

Nguye yedwa owendlala izulu, ohamba phezu kwamavinqo olwandle.

AmaHubo 104:2

wambethe ukukhanya njengengubo, wena owandlala izulu njengeveli,

AmaHubo 104:24

Nkosi, minengi kangaka imisebenzi yakho! Ngokuhlakanipha uyenzile yonke; umhlaba ugcwele izidalwa zakho.

AmaHubo 119:90

Ukuthembeka kwakho kusezizukulwaneni zonke; wamisa umhlaba, usemi.

AmaHubo 24:2

Ngoba yona yawusekela phezu kwezinlwandle, yawumisa phezu kwamanzi.

AmaHubo 33:6

Ngelizwi leNkosi enziwa amazulu, lakho konke okukuwo ngomoya womlomo wayo.

AmaHubo 65:7

uthulisa ukuduma kwezinlwandle, lenhlokomo yamavinqo azo; lokuxokozela kwabantu,

AmaHubo 78:69

Yayakha indlu yayo engcwele njengamazulu aphakemeyo, yayiqinisa njengomhlaba ewusekeleyo kuze kube nininini.

AmaHubo 93:1

INkosi iyabusa; yambethe ubukhosi; iNkosi izambese ngamandla. Yebo, umhlaba umi uqinile, kawuyikunyikinywa.

Izaga 3:19

INkosi yasekela umhlaba ngokuhlakanipha, yamisa iphezulu ngokuqedisisa,

Izaga 30:4

Ngubani owake wenyukela ezulwini, wabuye wehla na? Ngubani oqoqe umoya ngezandla zakhe na? Ngubani ogoqele amanzi engutsheni na? Ngubani omise yonke imikhawulo yomhlaba na? Ngubani ibizo lakhe, ngubani ibizo lendodana yakhe, uba ulazi na?

U-Isaya 37:16

esithi: Nkosi yamabandla, Nkulunkulu kaIsrayeli ohlala ngaphezu kwamakherubi, nguwe wedwa onguNkulunkulu wayo yonke imibuso yomhlaba, wenzile izulu lomhlaba.

U-Isaya 40:22

UNkulunkulu uhlala phezulu, phezulu khatshana labakhileyo emhlabeni, baze bakhangeleke njengentethe; uyendlala isibhakabhaka njengelembu, aselule njengethente lokuba kuhlalwe kulo;

U-Isaya 42:5

Utsho kanje uNkulunkulu, iNkosi, owadala iphezulu, walendlala, lowenza umhlaba lalokho okukuwo, lonika abantu abakuwo umphefumulo, lomoya kwabahamba kuwo,

U-Isaya 44:24

INkosi, uMhlengi wakho, eyakubumba esiswini, ithi: NgiyiNkosi eyenza zonke izinto, ngendlala iphezulu ngedwa ngenza lomhlaba ngedwa.

U-Isaya 45:12

Yimi owenza umhlaba, ngabumba umuntu ukuhlala kuwo; yizandla zami ezendlala iphezulu, ngakulawula konke okukulo ukuba kukhanye.

U-Isaya 45:18

Ngoba iNkosi eyadala iphezulu, yona enguNkulunkulu, eyabumba umhlaba, yawenza, yawumisa, ingawudaleli ize, yawubumba ukuba kuhlalwe kuwo, ithi: NgiyiNkosi, kakho omunye.

U-Isaya 48:13

Isandla sami sabeka isisekelo somhlaba, lesandla sami sokunene sendlala iphezulu; lapho ngikubiza, kuyasukuma konke.

U-Isaya 49:8

INkosi ithi: Lapho sekuyisikhathi esihle, ngizakukuphendula, ngosuku lokukhululwa ngizakukusiza; ngizakukulondoloza ngikuvikele, ngawe ngenze isivumelwano labantu bonke; ngikubuyisele futhi elizweni lakho eseliyinkangala.

UJeremiya 10:13

Lapho ekhupha ilizwi lakhe, amanzi ayahlokoma phezulu; uyakhupha inkungu emikhawulweni yomhlaba, enze imibane iphazime lapho lisina, akhuphe umoya eziphaleni zakhe.

UJeremiya 10:16

UNkulunkulu kaJakobe kanjengazo, ngoba nguye owadala zonke izinto, isizwe sakoIsrayeli yiso asikhethayo; ubizwa ngokuthi yiNkosi yamabandla.

UJeremiya 14:22

Kambe bakhona yini phakathi konkulunkulu bamanga bezizwe abanganisa izulu? Kumbe iphezulu lona lingehlisa izihlambo na? Atshi! angithi nguwe kuphela, Nkosi, Nkulunkulu wethu? Thina sithembela kuwe, ngoba nguwe ozenzayo zonke lezizinto.

UJeremiya 27:5

lithi: Kuyimi ngamandla ami amakhulu langengalo yami elamandla engenze umhlaba, labantu, lenyamazana ezikhona emhlabeni, ngiwunika lowo engimbona ukuthi ufanele.

UJeremiya 32:17

E Nkosi Nkulunkulu! Kunguwe owenze izulu lomhlaba ngamandla akho amakhulu langengalo yakho elamandla. Kakukho okungakwahlula wena

UZakhariya 12:1

Nanti ilizwi. Yilizwi leNkosi ngoIsrayeli. INkosi eyendlala iphezulu, yamisa umhlaba, yenza umoya womuntu phakathi kwakhe,

UJohane 1:3

Zonke izinto zenziwa ngaye; langaphandle kwakhe kakwenziwanga lutho kukho konke okwenziweyo.

AbaseKholose 1:16

Ngoba konke kwadalelwa kiyo okusezulwini lokusemhlabeni, okubonwayo lokungabonwayo, loba kuyizihlalo zobukhosi loba kuyiziphathamandla loba kuyimibuso loba kungamandla; konke kwadalwa ngayo, kwadalelwa yona.