UJeremiya 10:10 - iBhayibhili Elingcwele 1978

¹⁰ Kanti iNkosi inguNkulunkulu weqiniso, inguNkulunkulu ophilayo leNkosi engelakuphela. Ekuthukutheleni kwayo umhlaba uyazamazama, lezizwe kazilakukumela ukufutheka kwayo.

IBhayibhili Elingcwele LesiNdebele

¹⁰ Kodwa uThixo unguNkulunkulu oqotho, unguNkulunkulu ophilayo, iNkosi yanininini. Lapho ethukuthele, umhlaba uyagedezela, izizwe azingeke zimelane lolaka lwakhe.

UJeremiya 10:10 ပူးပေါင်းရင်းမြစ်များ

UGenesisi 21:33

UAbrahama esehlanyele isihlahla esithiwa yitamarisiki eBerisheba wakhuleka khona ebizweni leNkosi, uNkulunkulu ongelakuphela.

1 AmaKhosi 18:39

Kwathi abantu bonke bekubona lokhu bathi mbo ngobuso phansi, bathi: INkosi yiyo enguNkulunkulu; iNkosi yiyo enguNkulunkulu.

1 AmaKhosi 8:60

ukuze izizwe zonke zomhlaba zazi ukuba iNkosi inguNkulunkulu, lokuba kakho omunye.

1 ImiLando 29:11

Bungobakho, wena Nkosi, ubukhulu lamandla lodumo lokunqoba lobukhosi; ngoba konke okusezulwini lokusemhlabeni kungokwakho; umbuso ungowakho, Nkosi; wena uphakeme, uyinhloko phezu kwakho konke.

2 ImiLando 15:3

Isikhathi eside abakoIsrayeli babengelaye uNkulunkulu weqiniso, bengelaye umpristi wokubafundisa, bengelawo umlayo.

UJobe 9:6

Unyikinya umhlaba, awususe endaweni yawo, kunyikinyeke lensika zawo,

AmaHubo 10:16

INkosi yinkosi kuze kube nininini; izizwe zizakubhubha emhlabeni wayo.

AmaHubo 100:3

Yazini ukuthi iNkosi inguNkulunkulu. Yiyo eyasenzayo, singabayo: singabantu bayo lezimvu zedlelo layo.

AmaHubo 100:5

Ngoba iNkosi ilungile; lothando lwayo olungapheliyo lumi kuze kube nininini, lobuqotho bayo ezizukulwaneni zonke.

AmaHubo 104:32

yona ekhangela umhlaba, uthuthumele, ethinta izintaba, zithunqe.

AmaHubo 114:7

Thuthumela, mhlaba, phambi kweNkosi, phambi kukaNkulunkulu kaJakobe,

AmaHubo 145:13

Umbuso wakho ungumbuso ongapheliyo, lobukhosi bakho bumi kuzo zonke izizukulwana. INkosi ithembekile emazwini ayo wonke, igcwele umusa ezenzweni zayo zonke.

AmaHubo 146:6

yena owenza izulu lomhlaba, lolwandle lakho konke okukukho, yena othembekileyo kuze kube nininini,

AmaHubo 18:7

Umhlaba wazamazama, wagedezela; lezisekelo zezintaba zaqhaqhazela, zazamazama, ngoba wayethukuthele.

AmaHubo 29:10

INkosi iyabusa phezu kwamanzi, iNkosi iyiNkosi kuze kube nininini.

AmaHubo 31:5

Ezandleni zakho ngiyabeka umoya wami; ungikhulule, Nkosi, Nkulunkulu othembekileyo.

AmaHubo 42:2

Umphefumulo wami womela uNkulunkulu, uNkulunkulu ophilayo. Ngizakufika nini ngibone ubuso bukaNkulunkulu na?

AmaHubo 68:11

INkosi iyakhupha ilizwi; ixuku elikhulu labesifazana liyabika izindaba,

AmaHubo 68:8

umhlaba wazamazama, amazulu avuza amanzi, phambi kukaNkulunkulu weSinayi, phambi kukaNkulunkulu, uNkulunkulu kaIsrayeli.

AmaHubo 74:12

Kanti uNkulunkulu uyiNkosi yami kusukela endulo, eyenza inkululeko emhlabeni.

AmaHubo 76:7

Wena, yebo wena, uyesabeka. Ngubani ongema phambi kwakho lapho usuthukuthela na?

AmaHubo 76:8

Wahlulela usezulwini; umhlaba wesaba wathula,

AmaHubo 77:18

Ilizwi lokuduma kwakho lalisesivunguvungwini; imibane yakho yakhanyisa umhlaba, lomhlaba wagedezela wazamazama.

AmaHubo 84:2

Umphefumulo wami uyalangatha, yebo, uyomela amaguma ethempeli leNkosi. Inhliziyo yami lomzimba wami kuyahlabelela ngokuthaba kuNkulunkulu ophilayo.

AmaHubo 9:8

umhlaba iyawahlulela ngokulunga, iyabahlulela abantu ngeqiniso.

AmaHubo 90:11

Ngubani owaziyo amandla okuthukuthela kwakho na? owaziyo ukwesabeka kolaka lwakho na?

AmaHubo 90:2

Zingakaveli intaba, ungakawenzi umhlaba lelizwe, kusukela endulo kuze kube nini lanini wena unguNkulunkulu.

AmaHubo 93:2

Isihlalo sakho sobukhosi samiswa endulo; wena wawukhona kusukela nininini.

AmaHubo 97:4

Imibane yayo iyakhanyisa umhlaba; umhlaba uyakubona, uthuthumele.

U-Isaya 37:17

Akubeke indlebe yakho, Nkosi, uzwe, ukhangele, ubone; akuzwe amazwi wonke kaSenakeribi awathumileyo ukuklolodela uNkulunkulu ophilayo.

U-Isaya 37:4

Mhlawumbe iNkosi, uNkulunkulu wakho, iwezwile amazwi enceku enkulu ethunywe yinkosi yayo yaseAsiriya ukuba iklolodele uNkulunkulu ophilayo, lokuthi izakukukhuza yona iNkosi uNkulunkulu wakho lokhu ekuzwileyo. Ngakhoke ake ukhulekele ingcosana eseleyo.

U-Isaya 40:15

Khangelani, kuyo izizwe zinjengethonsi elithonta enkonxweni, zibalwa njengothuli olusezikalini. Amazwe angasolwandle ayaziphakamisa njengothuli lucholekile.

U-Isaya 40:28

Kawazi yini, kawukezwa na? INkosi inguNkulunkulu ongelakuphela, inguMdali womhlaba wonke. Kayipheli amandla ikhathale, lemicabango yayo ingeqedisiswe muntu.

U-Isaya 57:15

Ngoba ophakemeyo lophezulu, ohlala kuze kube nininini, obizo lakhe lingoNgcwele, uthi: Ngihlala endaweni ephakemeyo lengcwele, lakuye olomoya odabukileyo lozithobayo, ukuba ngivuselele umoya wabazithobayo, lenhliziyo edabukileyo.

U-Isaya 65:16

kuze kuthi lowo ozibusisayo emhlabeni azibusise ngoNkulunkulu weqiniso, lalowo ofungayo emhlabeni afunge ngoNkulunkulu weqiniso; ngoba inhlupheko zakuqala sezikhohlakele, zisithekile emehlweni ami.

UJeremiya 23:36

Kodwa ukuthi: Indaba yeNkosi; kalisayikukutsho lokhu. Ngoba umuntu otsho njalo impela kuzakuba yindaba kuye, ngoba liwahlanekela amazwi kaNkulunkulu ophilayo, amazwi eNkosi yamabandla, uNkulunkulu wethu.

UJeremiya 4:2

futhi uba ufunga ngeqiniso langokulunga langokuqonda uthi: Ngifunga iNkosi; izizwe zizabusiswa kuyo, zizibonge ngayo.

UJeremiya 4:24

Ngakhangela izintaba, zazinyikinyeka, lamaqaqa wonke ayenyakazela.

UJeremiya 50:46

Ngomsindo wokuthunjwa kweBabiloni umhlaba uzathuthumela, lelizwi lokukhala kwalo lizakuzwakala phakathi kwezizwe.

UJeremiya 51:29

Ilizwe liyathuthumela, liqhaqhazele, ngoba icebo leNkosi limelana leBabiloni, ukuba yenze ilizwe leBabiloni libe yinkangala engelamuntu.

UDanyeli 4:3

Yeka ubukhulu bezibonakaliso zakhe, lamandla ezimangaliso zakhe! Umbuso wakhe ungumbuso ongelakuphela, lokubusa kwakhe kungokwezizukulwana zonke.

UDanyeli 4:34

Ekupheleni kweminyaka emisiweyo mina Nebukadineza ngaphakamisela amehlo ami phezulu, lengqondo yami yabuya kimi; ngambonga oPhezukonke, ngamdumisa, ngamphakamisa yena ohlala kuze kube nininini. Ngoba ukubusa kwakhe kakulakuphela, lombuso wakhe ungowezizukulwana zonke;

UDanyeli 6:26

Ngiyamisa umthetho ukuthi kuwo wonke amazwe asembusweni wami abantu kabathuthumele bamesabe uNkulunkulu kaDaniyeli. Ngoba unguNkulunkulu ophilayo, lohlala kuze kube nininini. Umbuso wakhe kawuyikuchithwa, lokubusa kwakhe kuzakuma kuze kube sekupheleni.

UDanyeli 6:27

Uyakhulula, ophule, enze izibonakaliso lezimangaliso ezulwini lasemhlabeni, yena umkhulule uDaniyeli emandleni ezilwane.

UDanyeli 7:14

Wanikwa amandla okubusa, lodumo, lombuso, ukuba bonke abantu bezizwe lezindimi bamkhonze. Ukubusa kwakhe kakulakuphela, kakuyikudlula, lombuso wakhe uyilowo ongayikuchithwa.

UJoweli 2:11

INkosi izwakalisa ilizwi layo phambi kwempi yayo, ngoba impi yayo yinkulu kakhulu; logcina ilizwi layo ulamandla. Ngoba usuku lweNkosi lukhulu, luyesabeka kakhulu; ngubani ongalumela na?

UMikha 1:4

Intaba zizancibilika ngaphansi kwayo lezihotsha ziqekezeke, zincibilike njengengcino phambi komlilo, zibe njengamanzi ageleza emaweni.

UNahume 1:5

Intaba ziyanyikinyeka phambi kwayo, lamaqaqa ayancibilika; ilizwe liyachitheka phambi kwayo, umhlaba labo bonke abakhileyo kuwo.

UNahume 1:6

Ngubani ongema phambi kwentukuthelo yayo na? Ngubani ongema ekuvutheni kolaka lwayo na? Ulaka lwayo luthululeka njengomlilo, lamadwala aqekezeke phambi kwayo.

UHabhakhukhi 3:10

Intaba zakubona wena, zathuthumela, lezikhukhula zamanzi zedlula; amanzi amanengi akhupha ilizwi lawo, aphakamisela izandla zawo phezulu.

UHabhakhukhi 3:6

Ekusukumeni kwakhe umhlaba wanyikinyeka, ekukhangeleni kwakhe kwathuthumela izizwe; intaba zasendulo zahlakazeka, amaqaqa angelakuphela atshona. Indlela zakhe zazinjengasendulo.

UMalaki 3:2

Kodwa ngubani ongalumela usuku lokufika kwaso, longema ekubonakaleni kwaso na? Ngoba sinjengomlilo wompheki wensimbi, lanjengesepa yomgezisi.

UMatewu 16:16

USimoni Petro waphendula wathi: UnguKristu, iNdodana kaNkulunkulu ophilayo.

UMatewu 26:63

Kodwa uJesu wathula. Umpristi omkhulu wathi kuye: Ngikufungisa uNkulunkulu ophilayo ukuba usitshele uba unguKristu, iNdodana kaNkulunkulu.

UJohane 17:3

Ukuphila okungapheliyo yilokhu ukuba bakwazi wena Nkulunkulu wedwa ongoweqiniso, loJesu Kristu omthumileyo.

Imisebenzi 14:15

Madoda, likwenzelani lokhu na? Lathi singabantu abanjengani ngokwemvelo, sililethele ivangeli ukuze liphenduke kulokho okuyize, liphendukele kuNkulunkulu ophilayo owenza izulu lomhlaba, lolwandle, lakho konke okukukho,

UDutheronomi 32:4

UliDwala, lomsebenzi wakhe uphelele, ngoba zonke indlela zakhe ziyikulunga. UnguNkulunkulu othembekileyo, ongelabubi, ulungile, uqotho.

UDutheronomi 5:26

Ngoba ngubani ebantwini bonke owezwa ilizwi likaNkulunkulu ophilayo likhuluma livela emlilweni, njengalokhu silizwile thina, waphila na?

1 AbaseThesalonika 1:9

Ngoba bona uqobo lwabo balandisa ngathi ukuthi kwaba njani ukufika kwethu kini, lokuthi laphendukela kuNkulunkulu litshiya izithombe, ukuba likhonze uNkulunkulu ophilayo weqiniso,

1 uTimothi 1:17

Kuyo iNkosi eyisimakade engabhubhiyo engelakubonwa, uNkulunkulu yedwa, kakube udumo lobukhosi kuze kube nininini. Ameni.

1 uTimothi 6:17

Laya abanothileyo lapha emhlabeni ukuba bangazikhukhumezi, bangathembeli enothweni engemiyo, kodwa bathembele kuNkulunkulu osinothisa ngakho konke, sithokoze ngakho.

AmaHebheru 10:31

Kuyesabeka ukuwela ezandleni zikaNkulunkulu ophilayo.

UJoshuwa 3:10

Wathi: Lizakwazi ngalokhu ukuthi uNkulunkulu ophilayo uphakathi kwenu, lokuthi uzawaxotsha ngempela amaKanani lamaHethi lamaPerizi lamaGirigashi lamaAmori lamaJebusi ngaphambi kwenu.

1 UJohane 5:20

Siyazi ukuthi iNdodana kaNkulunkulu isifikile, yasinika ukuqedisisa ukuze simazi oweqiniso; sikuye oweqiniso lokhu sikiyo iNdodana yakhe uJesu Kristu. Yena unguNkulunkulu weqiniso lokuphila okungapheliyo.

Isambulo 20:11

Ngasengibona isihlalo sobukhosi esikhulu lesimhlophe lohlezi kuso; kwanyamalala ebusweni bakhe izulu lomhlaba, kakwaze kusaba khona.

Abahluleli 5:4

Nkosi, ekusukeni kwakho eSeyiri, ekuhambeni kwakho usuka elizweni laseEdoma, umhlaba wazamazama, lephezulu lanyikinyeka, yebo, amayezi athontisa amanzi.

1 USamuyeli 17:26

UDavida wathi ebantwini ababemi laye: Uzakwenzelwani umuntu obulala lumFilistiya, asuse ihlazo koIsrayeli na? Ngoba ungubani lumFilistiya ongasokanga ukuba azeyise izimpi zikaNkulunkulu ophilayo na?

1 USamuyeli 17:36

Inceku yakho seyabulala izilwane lamabhere; lalumFilistiya ongasokanga ngizamenza njalo, lokhu weyisile izimpi zikaNkulunkulu ophilayo.