UJeremiya 1:17 - iBhayibhili Elingcwele 1978

¹⁷ Kodwa wena, mana isibindi, usuke, ukhulume kibo konke engikulaya khona. Ungabesabi, funa ngehlisele phezu kwakho ukwesaba phambi kwabo.

IBhayibhili Elingcwele LesiNdebele

¹⁷ Wena zilungiselele! Sukuma ubatshele lokho engizakulaya khona. Ungathuthumeliswa yibo hlezi ngikwenze uthuthumele phambi kwabo.

UJeremiya 1:17 ပူးပေါင်းရင်းမြစ်များ

1 AmaKhosi 18:46

Amandla eNkosi uNkulunkulu ehlela kuElija; wakhwica ingubo yakhe, wagijima phambi kukaAhabi, waze wafika esangweni laseJezereli.

2 AmaKhosi 1:15

Isithunywa seNkosi uNkulunkulu sasesisithi kuElija: Hamba laye, ungamesabi. Wasesuka, bahamba bonke enkosini;

2 AmaKhosi 4:29

UElisha wasesithi kuGehazi: Khwica izigqoko zakho, uthathe lodondolo lwami, uhambe. Uba uhlangana lomuntu ungambingeleli, uba umuntu ekubingelela ungamphenduli; ubeke loludondolo lwami ebusweni bomntwana.

2 AmaKhosi 9:1

UElisha umprofethi wabiza omunye wexuku labaprofethi wathi kuye: Khwica izigqoko zakho, uthathe leligabha lamafutha uye eRamothi‐Gileyadi.

UJobe 38:3

Qina njengendoda, ngizakukubuza, lawe ungiphendule.

U-Eksodasi 3:12

Wathi: Impela ngizakuba lawe; lokhu kuzakuba yisibonakaliso kuwe sokuba ngikuthumile; lapho usubakhuphile abantu eGibithe, lizamkhonza uNkulunkulu kulintaba.

U-Eksodasi 7:2

Khuluma konke engikulaya khona; uAroni umfowenu uzakhuluma loFaro ukuba avumele abakoIsrayeli ukuba baphume elizweni lakhe.

UJeremiya 1:18

Ngoba ngikwenzile lamhla waba njengomuzi obiyelweyo, lensika yensimbi, lemiduli yethusi, ukumelana lalo lonke ilizwe, wonke amakhosi akoJuda, lezikhulu zalo, labapristi balo, labantu balo.

UJeremiya 17:18

Kabayangeke labo abangizingelayo, kodwa mina kangingayangeki, kabadideke, kodwa mina kangingadideki; behlisele usuku olubi, ubabhubhise ngokupheleleyo.

UJeremiya 23:28

Umprofethi olephupho kalixoxe iphupho lakhe, kodwa olelizwi lami kalikhulume ilizwi lami ngeqiniso. Amakhoba ayini kulamabele ne? kutsho iNkosi.

UJeremiya 26:12

Wasekhuluma uJeremiya kuzo zonke izikhulu lakubo bonke abantu esithi: INkosi yangithuma ukutshumayela ngalindlu langalumuzi wonke amazwi eliwezwileyo.

UJeremiya 26:2

INkosi ithi: Mana egumeni lethempeli, ukhulume kuyo yonke imizi yakoJuda efikayo ukuzakhonza ethempelini, utsho wonke amazwi engakulaya wona, ungatshiyi lelilodwa.

UJeremiya 36:8

UBaruki indodana kaNeriya wakwenza konke uJeremiya umprofethi ayemlaye khona, ukuba afunde amazwi eNkosi asemqulwini ethempelini.

Izililo 3:57

Wasondela kimi lapho ngikhuleka kuwe, wathi: Ungesabi.

UJona 3:2

Suka uye eNineve kulowana umuzi omkhulu, umemezele kulo ilizwi engikutshela lona.

ULukha 12:35

Inkalo zenu kazihlale zibotshiwe, lezibane zenu zihlale zivutha;

Imisebenzi 20:20

lokuthi kangigodlanga lutho olusizayo kini, ngalifundisa phambi kwabantu lakuzo izindlu ngezindlu,

Imisebenzi 20:27

Ngoba kangiyekelanga ukulitshela lonke icebo likaNkulunkulu.

1 AbaseKhorinte 9:16

Loba ngitshumayela ivangeli, kangilakuzincoma ngalokho, ngoba ngimele ukwenza njalo. Maye kimi uba ngingalitshumayeli ivangeli!

1 AbaseThesalonika 2:2

Kodwa lanxa sasihluphekile kuqala saphathwa kubi eFiliphi, njengoba lisazi lani, saba lesibindi kuNkulunkulu sokulitshumayeza ivangeli likaNkulunkulu phakathi kobunzima obukhulu.

1 UPhethro 1:13

Vusani ingqondo zenu, liqonde, lithembe ngokupheleleyo umusa elizakuwamukela ekwambulweni kukaJesu Kristu.