UJeremiya 1:12 - iBhayibhili Elingcwele 1978

¹² INkosi yasisithi kimi: Ubone kuhle, ngoba ngiyalilinda ilizwi lami ukuba ngilenze.

IBhayibhili Elingcwele LesiNdebele

¹² UThixo wasesithi kimi, “Ubone kuhle, ngoba ngilindele ukubona ukuthi ilizwi lami ligcwalisekile.”

UJeremiya 1:12 ပူးပေါင်းရင်းမြစ်များ

U-Isaya 55:11

lizakuba njaloke lelizwi eliphuma emlonyeni wami; kaliyikubuya kimi lize, kodwa lizakwenza lokho engikufunayo, liphumelelise lokho engilithumele khona.

UJeremiya 1:13

Ilizwi leNkosi lafika kimi ngokwesibili lisithi: Ubonani na? Ngathi: Ngibona imbiza ebilayo, ifulathele enyakatho.

UJeremiya 24:3

INkosi yathi kimi: Jeremiya, ubonani? Ngathi: Umkhiwa, omuhle muhle kakhulu, lomubi mubi kakhulu, kawudleki ngenxa yobubi bawo.

UJeremiya 31:28

Kuzakuthi njengalokho ngibalindile ukuba ngisiphune lokuba ngidilize lokuba ngichithe lokuba ngibhubhise, ngilethe okubi, ngokunjaloke sengizakubalinda ukuba ngakhe, ngihlanyele, kutsho iNkosi.

UHezekhiyeli 12:25

Kodwa mina Nkosi ngizakukhuluma engikuthandayo; engikutshoyo yikho okuzakwenzeka, kungaphuzi lokho engikukhulumayo; ngizakukwenza ensukwini zenu, lina bantu abahlamukayo, kutsho iNkosi uNkulunkulu.

UHezekhiyeli 12:28

Ngakho wothi kibo: INkosi uNkulunkulu ithi: Kakusayikuphuza lelilodwa emazwini ami, kodwa ilizwi engilikhulumayo lizakwenzeka, kutsho iNkosi uNkulunkulu.

uAmosi 8:2

Yathi kimi: Amosi, ubonani na? Ngathi: Ngibona isitsha sezithelo zasehlobo. INkosi yasisithi kimi: Ukuphela sekufikile ebantwini bami uIsrayeli; kangisayikubayekela futhi.

ULukha 10:28

Wathi kuso: Uphendule kuhle; yenza lokhu, uzakuphila.

ULukha 20:39

Abathile bababhali baphendula bathi: Mfundisi, ukhulume kuhle.

UDutheronomi 18:17

INkosi yathi kimi: Konke abakucelileyo kuhle.

UDutheronomi 32:35

Ngokwami ukuphindisela lokubuyisela, ngesikhathi sokutshelela kwenyawo zabo; ngoba usuku lwabo lwengozi selusondele, lokho abakulungiselweyo kuzafika masinyane.

UDutheronomi 5:28

INkosi isiwezwile amazwi enu eliwakhulume kimi, yathi: Ngizwile amazwi alababantu abawakhulume kuwe; lokho abakukhulumileyo kuhle.