UJakhobe 5:4 - iBhayibhili Elingcwele 1978

⁴ Khangelani, umvuzo wezisebenzi ezivune amasimu enu elizincitshe wona, uyakhala; lokukhala kwabavuni kufinyelele ezindlebeni zeNkosi yamabandla.

IBhayibhili Elingcwele LesiNdebele

⁴ Khangelani! Imiholo elingayibhadalanga izisebenzi ezavuna amasimu enu iyalikhalela. Ukukhala kwabavuni sekufikile ezindlebeni zeNkosi uSomandla.

UJakhobe 5:4 ပူးပေါင်းရင်းမြစ်များ

UGenesisi 4:10

Yathi: Wenzeni na? Ilizwi legazi lomfowenu liyakhala kimi livela emhlabathini.

UJobe 34:28

baze benza ukukhala komyanga kufinyelele kuye, wakuzwa ukukhala kwabahluphekayo.

UJobe 7:2

Njengesigqili esifisa umthunzi, lanjengesiqatshwa esilindele iholo laso,

AmaHubo 9:12

Ngoba yona ephindisela igazi iyabakhumbula, kayikhohlwa yikukhala kwabahluphekayo.

U-Eksodasi 22:27

ngoba iyiso sodwa isambatho sakhe sokwambathisa umzimba wakhe; uzakulala ngani na? Lapho ekhala kimi, ngizamuzwa, ngoba ngilomusa.

U-Eksodasi 3:9

Ukukhala kwabakoIsrayeli sekufinyelele kimi; njalo ngibonile ukucindezelwa kwabo ngamaGibithe.

U-Isaya 1:9

Uba iNkosi yamabandla ibingasitshiyelanga ingcosana yabantu, besizakuba njengeSodoma, sifane leGomora.

U-Isaya 5:7

UIsrayeli uyisivini seNkosi yamabandla, labantu bakoJuda bayisithombo sayo esihle. Yayilindele okufaneleyo, kodwa kwaba khona ukubulalana; yalindela ukulunga, kodwa kwaba khona ukukhala.

U-Isaya 5:9

INkosi yamabandla ngiyizwile ifunga isithi: Impela izindlu ezinengi zizakuba ngamanxiwa, izindlu ezinkulu lezinhle zisale zingaselamuntu.

UJeremiya 22:13

Maye kulowo owakha indlu yakhe ngokungalungi, lezitezi zakhe ngokungafanelanga, owenza umakhelwana wakhe amsebenzele ngeze, angamholisi,

ULevi 19:13

Lingacindezeli umakhelwane wenu, lingamphangi. Lingagcini iholo loqatshiweyo ubusuku bonke kuze kube sekuseni.

UHabhakhukhi 2:11

Ngoba ilitshe lizakukhala lisemdulini, lothungo luphendule lusephahleni.

UMalaki 3:5

Besengifika kini ukulithonisisa; ngizakuba ngufakazi okhutheleyo mayelana lezangoma, lezifebe, lokufungela amanga, lokucindezela abaqatshiweyo ngamaholo abo, lokucindezela abafelwakazi, lezintandane, lalabo abasunduzela eceleni abezizweni, bengangesabi mina.

UMatewu 9:37

Wasesithi kubafundi bakhe: Ukuvuna kukhulu, kodwa izisebenzi ziyingcosana.

ULukha 18:7

UNkulunkulu kayikubalwela abakhethiweyo bakhe yini abakhalayo kuye emini lasebusuku na? Uzakuphuza ukubasiza na?

AbaseRoma 9:29

Kunjengalokho akutshoyo uIsaya ngaphambili ukuthi: Uba iNkosi yamabandla ibingasitshiyelanga inzalo, besizakuba njengeSodoma, sifane leGomora.

UDutheronomi 15:9

Lingali ukumeboleka ulutho ngoba umnyaka wesikhombisa, umnyaka wokuyekela ususeduze; qaphelani ukuba kungabi khona umcabango onje enhliziyweni zenu. Uba lisala ukumeboleka uzakhala eNkosini ngani, libe lesono.

AbaseKholose 4:1

Makhosi, yenzelani izigqili zenu okulungileyo lokufaneleyo, lazi ukuthi lani lileNkosi ezulwini.