UJakhobe 4:4 - iBhayibhili Elingcwele 1978

⁴ Zifebendini, kalazi yini ukuthi ukuthandana lomhlaba kuyibutha kuNkulunkulu na? Ngakhoke lowo othanda ukuba ngumhlobo womhlaba, uzenza abe yisitha sikaNkulunkulu.

IBhayibhili Elingcwele LesiNdebele

⁴ Lina zifebe zabantu, kalikwazi yini ukuthi ubungane lomhlaba kuyikuzonda uNkulunkulu na? Umuntu okhetha ukuba ngumngane womhlaba uba yisitha sikaNkulunkulu.

UJakhobe 4:4 ပူးပေါင်းရင်းမြစ်များ

UGenesisi 3:15

Ngizavusa inzondano phakathi kwakho lowesifazana, laphakathi kwenzalo yakho lenzalo yakhe. Yona izachoboza ikhanda lakho, wena uzalimaza isithende sayo.

AmaHubo 21:8

Isandla sakho, nkosi, sizakuzifumana zonke izitha zakho, lesandla sakho sokunene sizakubafumana labo abakuzondayo.

AmaHubo 50:18

Lapho ubona isela uvumelana lalo, uhlangana kanye lezifebe.

AmaHubo 73:27

Ngoba labo abakhatshana lawe bazakubhubha; uzakubachitha bonke abangathembekanga kuwe.

U-Isaya 57:3

Sondelani, lina madodana omthakathi, lina nzalo yesifebe lewule;

UJeremiya 2:2

Hamba uyememezela eJerusalema uthi: INkosi ithi: Ngiyakhumbula ukuthembeka kwakho usemutsha, lothando lwakho usengumlobokazi, lokungilandela kwakho enkangala, elizweni elingahlanyelwanga.

UJeremiya 9:2

Kungathi ngabe ngilendawo yokuhlala enkangala, ukuba ngisuke ebantwini bami, ngibatshiye; ngoba bonke bayizifebe, balixuku labantu abakhohlisayo.

UHezekhiyeli 16:32

Waba ngumfazi oliwule, ongenisa izihambi endaweni yendoda yakhe.

UHosiya 3:1

INkosi yathi kimi: Hamba futhi, uthande owesifazana othandwa yisithandwa sakhe loyisifebe, njengoba iNkosi ithanda abakoIsrayeli, lanxa bephendukela kwabanye onkulunkulu, bethanda izinkwa zezithelo ezomisiweyo zevini ezinikelwa ezithombeni.

UMatewu 12:39

Wabaphendula wathi: Isizukulwana esibi lesifebayo sifuna isibonakaliso; kodwa kasiyikunikwa sibonakaliso, kuphela isibonakaliso sikaJona umprofethi.

UMatewu 16:4

Isizukulwana esibi lesifebayo sifuna isibonakaliso, kodwa kasiyikunikwa sibonakaliso kuphela isibonakaliso sikaJona. Wabatshiya wahamba.

UMatewu 6:24

Kakho ongakhonza amakhosi amabili. Ngoba uzakuzonda enye athande enye, ingabe uzakubambelela kwenye adelele enye. Lingekhonze uNkulunkulu lenotho.

ULukha 19:27

Kodwa lezozitha zami ebezingathandi ukuba ngizibuse, ziletheni lapha, lizibulale phambi kwami.

UJohane 15:19

Uba belingabomhlaba, umhlaba ubuzakuthanda abawo, kodwa ngoba lingesibo abomhlaba kodwa ngalikhetha mina emhlabeni, ngakho umhlaba uyalizonda.

UJohane 17:14

Ngibanikile ilizwi lakho; umhlaba ubazondile, ngoba bengesibo abomhlaba, njengokuba lami ngingesuye owomhlaba.

UJohane 7:7

Ungelizonde umhlaba lina, kodwa mina uyangizonda, ngoba ngifakaza ngawo ukuba imisebenzi yawo mibi.

AbaseRoma 5:10

Ngoba uba, lapho siseyizitha, sazuza ukubuyisana loNkulunkulu ngokufa kweNdodana yakhe, ikakhulu, lokhu sesizuze ukubuyisana, sizakusiliswa ngokuphila kwayo.

AbaseRoma 8:7

Ngoba ukunakana ngezinto zokwabantu kuyibutha kuNkulunkulu; kakuzehliseli ngaphansi komlayo kaNkulunkulu; impela kungekwenze;

1 AbaseKhorinte 1:20

Singaphi isihlakaniphi? Ungaphi umbhali? Ungaphi umphikisi na? Kayisibo balesisikhathi na? UNkulunkulu kakwenzanga kube yibuthutha ukuhlakanipha komhlaba na?

1 AbaseKhorinte 1:21

Ngoba kuthe ekuhlakanipheni kukaNkulunkulu umhlaba kawumazanga uNkulunkulu ngokuhlakanipha, kwaba kuhle kuNkulunkulu ukusilisa abakholwayo ngobuthutha bentshumayelo.

AbaseGalathiya 1:10

Kambe ngiyazincengela ebantwini loba kuNkulunkulu khathesi na? Ngizama ukuthokozisa abantu na? Uba ngisathokozisa abantu, ngingebe yiyo inceku kaKristu.

UJakhobe 1:27

Ukukholwa okuhlambulukileyo okungangcolanga phambi kukaNkulunkulu uBaba yilokhu, ukuhambela izintandane labafelwakazi ekuhluphekeni kwabo, lokuzilondoloza kokungcolisayo emhlabeni.