UJakhobe 4:2 - iBhayibhili Elingcwele 1978

² Liyafisa, kodwa kalizuzi lutho; ngakho libulale. Lilomhawu, kalizuzi lutho; ngakho lixabane, lilwe. Kalilalutho ngoba kaliceli.

IBhayibhili Elingcwele LesiNdebele

² Lifuna ulutho oluthile, kodwa kalilutholi. Liyabulala njalo lihawukele kodwa kalingeke likuthole lokho elikufunayo. Liyaxabana lilwe. Kalilalutho ngoba kaliceli kuNkulunkulu.

UJakhobe 4:2 ပူးပေါင်းရင်းမြစ်များ

1 AmaKhosi 21:6

Yena wathi: Ngikhulume loNabothi waseJezereli ngathi kuye: Ngithengisela isivini sakho, loba uba uthanda ngizakukunika esinye; waphendula wathi: Kangiyikukunika isivini sami.

Izaga 1:19

Kunjalo ukuphela kwabo bonke abazuza inzuzo ngokuphanga, kuyachitha ukuphila kwabayizuzayo.

UmTshumayeli 4:8

ngabona umuntu ongelabani indodana kumbe umfowabo etshikatshika njalonjalo enganeliswa yinotho yakhe engazibuzi ukuthi: Ngitshikatshikela bani, ngidele ukuzithokozisa na? Lokho lakho kulize lomsebenzi omubi.

U-Isaya 7:12

Kodwa uAhazi wathi: Kangiyikucela, kangiyikulinga iNkosi.

UHabhakhukhi 2:5

Iwayini liyakhohlisa; umuntu ozikhukhumezayo kayikuma; ubuhwaba bakhe bubanzi njengendawo yabafileyo; kasuthi njengokufa; uzibuthela zonke izizwe, aziqoqele bonke abantu.

UJohane 16:24

Kuze kube khathesi kalicelanga lutho ngebizo lami. Celani, lizakwamukeliswa ukuba intokozo yenu igcwale.

UJohane 4:10

UJesu wathi kuye: Uba ubusazile isiphiwo sikaNkulunkulu lokuthi ungubani othi kuwe: Nginathisa; ubuzakucela kuye, yena ubezakukunika amanzi aphilisayo.

UJakhobe 1:5

Uba kukhona kini oswele ukuhlakanipha, kacele kuNkulunkulu ophanayo kibo bonke abantu angabasoli, uzakukunikwa.

UJakhobe 5:6

Limlahlile, lambulala olungileyo; yena kaphindiseli.

1 UJohane 3:15

Lowo ozonda umzalwane wakhe ungumbulali; liyazi ukuthi kakho umbulali olokuphila okungapheliyo okuhlezi kuye.