UHosiya 2:7 - iBhayibhili Elingcwele 1978

⁷ Uzathungatha izithandwa zakhe, kodwa angazifici; uzazidinga, kodwa angazifumani. Abesesithi: Sengizabuyela endodeni yami yokuqala, ngoba kwakungcono kimi ngalesosikhathi kulakhathesi.

IBhayibhili Elingcwele LesiNdebele

⁷ Uzaxotshana lezithandwa zakhe kodwa angazifici, uzazidinga kodwa angazitholi. Ngakho uzakuthi, ‘Ngizabuyela endodeni yami yakuqala, ngoba ngalesosikhathi ngangingcono kulakhathesi.’

UHosiya 2:7 ပူးပေါင်းရင်းမြစ်များ

2 ImiLando 28:23

ngoba yahlabela onkulunkulu baseDamaseko elalimnqobile, wathi: Ngoba onkulunkulu bamakhosi aseSiriya babasiza, ngizahlabela bona ukuze lami bangisize. Kodwa bambangela ukuchitheka yena labo bonke abakoIsrayeli.

AmaHubo 116:7

Buyela ekuphumuleni kwakho, mphefumulo wami, ngoba iNkosi ikuphathe ngomusa.

U-Isaya 30:16

Kodwa lina lithi: Atshi, sizabaleka ngamabhiza. Ngakhoke balekani. Lithi njalo: Sizakhwela amabhiza alejubane. Ngakhoke labalixotshayo bazakuba lejubane elikhulu.

UJeremiya 14:22

Kambe bakhona yini phakathi konkulunkulu bamanga bezizwe abanganisa izulu? Kumbe iphezulu lona lingehlisa izihlambo na? Atshi! angithi nguwe kuphela, Nkosi, Nkulunkulu wethu? Thina sithembela kuwe, ngoba nguwe ozenzayo zonke lezizinto.

UJeremiya 2:2

Hamba uyememezela eJerusalema uthi: INkosi ithi: Ngiyakhumbula ukuthembeka kwakho usemutsha, lothando lwakho usengumlobokazi, lokungilandela kwakho enkangala, elizweni elingahlanyelwanga.

UJeremiya 2:28

Kanti bangaphi onkulunkulu bakho ozenzele bona na? Kabavuke bona uba bengakukhulula ngesikhathi sokuhlupheka kwakho; ngoba onkulunkulu bakho banengi njengemizi yakho, wena Juda.

UJeremiya 2:36

Kulula kuwe kangaka ukuntshintsha indlela yakho. Uzakuyangiswa yiGibithe, njengoba wayangiswa yiAsiriya.

UJeremiya 3:1

INkosi ithi: Uba indoda isahlukana lomkayo, abesesiba ngowenye indoda, isazakumbuyisa na? Lelolizwe belingayikungcoliswa kakhulu na? Kanti wena usufebile lezithandwa ezinengi, usabuya kimi na? kutsho iNkosi.

UJeremiya 31:18

Ngimzwile uEfrayimi ekhala esithi: Ungitshayile, ngatshaywa njengethole elingathambanga; ngibuyisa ukuze ngibuye, ngoba wena uyiNkosi uNkulunkulu wami.

UJeremiya 31:32

esingenjengesivumelwano engasenza lokhokho babo mhla ngibabamba ngesandla sami ukubakhupha elizweni laseGibithe, ngitsho isivumelwano sami abasaphulayo, lanxa ngangiyiNkosi yabo, kutsho iNkosi.

UJeremiya 44:17

Kodwa sizakwenza konke esizimisele ukukwenza; sizatshisela iNkosikazi yaphezulu impepha, siyithululele iminikelo yokuthululwa, njengokuba besisenza thina, labobaba, lamakhosi ethu, lezikhulu zethu, emizini yakoJuda lasezindleleni zeJerusalema; ngoba sasilokudla okunengi, sihlezi kuhle singaboni okubi.

UHezekhiyeli 16:18

Wathatha izambatho zakho ezicecisiweyo, wazembesa ngazo, wanikela ngamafutha ami langempepha yami kuzo.

UHezekhiyeli 16:8

Lapho ngidlula kuwe futhi ngakukhangela, ngakubona ususesikhathini sothando; ngendlala ingubo yami phezu kwakho, ngambathisa ubunqunu bakho; ngathembisa ukukuthatha, ngenza isivumelwano lawe, waba ngowami, kutsho iNkosi uNkulunkulu.

UHezekhiyeli 20:32

Umcabango elilawo kawuyikwenzeka othi: Asifane lezizwe, labantu bamanye amazwe abakhonza isigodo lelitshe.

UHezekhiyeli 23:12

Wakhanuka amaAsiriya, ababusi lezinduna zempi, lamabutho agqoke izigqoko zensimbi, labagadi bamabhiza abagadileyo, bonke bengamajaha abukekayo.

UHezekhiyeli 23:22

Ngalokhoke, wena Oholiba, iNkosi uNkulunkulu ithi: Khangela, ngizakukuvusela izithandwa zakho owazitshiya usunengwa yizo, ngizilethe kuwe zivela inxa zonke,

UHezekhiyeli 23:4

Omdala wayethiwa nguOhola, lomnawakhe wayethiwa nguOholiba. Baba ngabami, bangizalela amadodana lamadodakazi. UOhola uliSamariya, loOholiba uliJerusalema.

UDanyeli 4:17

Lesisigwebo siyisimemezelo sezithunywa ezilindayo, isiqumo selizwi lazo, ukuze abaphilayo bazi ukuba oPhezukonke uyabusa umbuso wabantu, awunike lowo athanda ukumnika, amise phezu kwawo abantukazana.

UDanyeli 4:25

sokuthi uzaxotshwa ebantwini, uhlale lenyamazana zeganga. Uzakudla utshani njengenkomo, uthanjiswe ngamazolo aphezulu okweminyaka eyisikhombisa, uze wazi ukuthi oPhezukonke uyabusa umbuso wabantu, awunike lowo athanda ukumnika.

UDanyeli 4:32

uzaxotshwa ebantwini, uhlale lenyamazana zeganga, udle utshani njengenkomo okweminyaka eyisikhombisa ukuba wazi ukuthi oPhezukonke uyabusa umbuso wabantu, awunike lowo athanda ukumnika.

UDanyeli 5:21

Waxotshwa ebantwini, lengqondo yakhe yenziwa yafanana leyenyamazana, wahlala labobabhemi beganga, wadla utshani njengenkomo, lomzimba wakhe wathanjiswa ngamazolo aphezulu, waze wazi ukuthi uNkulunkulu oPhezukonke uyabusa umbuso wabantu, abeke kuwo lowo athanda ukumbeka.

UHosiya 1:2

Lapho iNkosi iqalisa ukukhuluma ngoHoseya yathi kuye: Hamba uyethatha umfazi oliwule, uzale abantwana bokuwulwa; ngoba ilizwe leli liyawula kakhulu ngokudela iNkosi.

UHosiya 13:6

Kodwa nxa usudlile kakhulu, wasutha, lenhliziyo yakho yazikhukhumeza; wasungikhohlwa.

UHosiya 14:1

Buyela eNkosini, uNkulunkulu wakho, Israyeli. Ngoba ukhutshwe yibubi bakho.

UHosiya 2:16

Kuzakuthi ngalolosuku, kutsho iNkosi, ungibize uthi: Mkami; ungabe usangibiza: Bali wami.

UHosiya 5:13

Kwathi lapho uEfrayimi ebona umkhuhlane wakhe, loJuda ebona isilonda sakhe, uEfrayimi wasesiya eAsiriya, wathumela ilizwi enkosini enkulu. Kodwa kayilamandla ukulelapha, lokupholisa izilonda zenu.

UHosiya 5:15

Ngizabuyela futhi endaweni yami, baze bavume icala labo, bangidinge; osizini lwabo bangidingisise.