UHosiya 2:21 - iBhayibhili Elingcwele 1978

²¹ Ngalolosuku, kutsho iNkosi, ngizanika iphezulu impendulo, lona lizaphendula ngokunisa izulu emhlabeni,

IBhayibhili Elingcwele LesiNdebele

²¹ Ngalolosuku ngizasabela,” kutsho uThixo, “Ngizasabela emikhathini, layo izasabela emhlabeni,

UHosiya 2:21 ပူးပေါင်းရင်းမြစ်များ

U-Isaya 55:10

Njengalokhu izulu longqoqwane kusehla kuvela phezulu, kungabuyeli khona kodwa kuthambisa umhlaba, kuwenze ukuba uthele okuhlumayo, unike umhlanyeli inhlanyelo, lodlayo ukudla,

U-Isaya 62:4

Kawusayikubizwa ngokuthi ngoTshiyiweyo, lelizwe lakini kalisayikuthiwa ngoLahliweyo; kodwa uzakubizwa ngokuthi yiNtokozo yami, lelizwe lakini ngokuthi ngoWendileyo; ngoba iNkosi iyathokoza ngawe, lelizwe lakini libe ngelayo.

U-Isaya 62:5

Ngoba njengejaha lithatha intombi, ngokunjaloke okwakhayo uzakukuthatha; lanjengomyeni ethokoziswa ngumlobokazi, uNkulunkulu wakho uzakuthokoza ngawe.

U-Isaya 65:24

Kuzakuthi bengakakhuleki kimi ngibaphendule, lalapho besakhuluma ngizwe.

UHezekhiyeli 36:29

Ngizalikhulula kukho konke okulingcolisayo. Ngizabiza amabele, ngiwenze abe manengi, ngingalehliseli indlala.

UHosiya 14:7

Bazabuya bahlale emthunzini wami, batshaye inala yamabele, bakhahlele njengevini, babe lodumo njengewayini laseLebanoni.

UJoweli 2:19

INkosi yabaphendula abantu bayo yathi: Sengizalinika amabele lewayini lamafutha, lisuthe; kangisayikuphinda ngilenze inhlamba phakathi kwezizwe.

UZakhariya 13:9

Ngizakuyifaka emlilweni lingxenye yesithathu, ngibancibilikise njengomuntu encibilikisa isiliva, ngibahlole njengokuhlolwa kwegolide. Bazabiza ibizo lami, ngibaphendule; ngithi: Bangabantu bami; labo bathi: INkosi inguNkulunkulu wethu.

UZakhariya 8:12

Ngoba kuzahlanyelwa ngokuthula, ivini lizathela izithelo zalo lomhlabathi wandise inala yawo, lephezulu lehlise amazolo alo; ngizabanika abaseleyo balababantu zonke lezizinto.

UZakhariya 8:8

ngibalethe ukuba bahlale phakathi kweJerusalema, babe ngabantu bami, lami ngibe nguNkulunkulu wabo ngeqiniso langokulunga.

UMalaki 3:10

Lethani konke okwetshumi endlini yenotho ukuba kube khona ukudla endlini yami. Lingihlole ngalokho, kutsho iNkosi yamabandla, libone ukuba kangiyikulivulela iminyango yaphezulu, ngilehlisele izibusiso ezinengi na?

UMalaki 3:11

Ngizalikhuzela izibungu, ukuze zingadli izithelo zomhlabathi wenu; lamavini enu emasimini kawayikuphutha ukuthela, kutsho iNkosi yamabandla.

UMatewu 6:33

Kodwa funani kuqala umbuso wakhe lokulunga kwakhe; ng’khona lezizinto zonke zizakwengezelelwa kini.

AbaseRoma 8:32

Yena ongayigodlanga eyakhe iNdodana, kodwa wayinikelela thina sonke, angehluleka kanjani ukusinika konke kanye layo na?