UHosiya 13:16 - iBhayibhili Elingcwele 1978

¹⁶ ISamariya lizathwala icala lalo, ngoba lihlamukile uNkulunkulu walo; bazakubulawa yimpi, labantwana babo bachotshozwe, labakhulelweyo babo baqhaqhwe.

IBhayibhili Elingcwele LesiNdebele

¹⁶ Abantu baseSamariya kuzamela balithwale icala labo, ngoba bamhlamukele uNkulunkulu wabo. Bazabulawa ngenkemba; insane zabo zizasakazelwa phansi, abesifazane babo abazithweleyo baqhaqhwe.”

UHosiya 13:16 ပူးပေါင်းရင်းမြစ်များ

2 AmaKhosi 15:16

UMenahema wasesuka eTiriza, wachitha iTapuwa lakho konke okwakukilo. Wahlasela ilizwe lakhona, walichitha ngoba lalingamvulelanga amasango alo, waqhaqha bonke abesifazana abakhulelweyo.

2 AmaKhosi 17:18

Ngakho iNkosi yamthukuthelela kakhulu uIsrayeli, yabaxotsha; kakusalanga loyedwa ngaphandle kwesizwe sakoJuda kuphela.

2 AmaKhosi 17:5

Inkosi yaseAsiriya yasihlasela lonke ilizwe lakoIsrayeli yaze yafika eSamariya, yalivimbezela iminyaka emithathu.

2 AmaKhosi 17:6

Yalithatha iSamariya ngomnyaka wesificamunwemunye wokubusa kukaHosheya, yabathumba abakoIsrayeli, yabesa eAsiriya, yababeka eHala laseHabori, umfula waseGozani, lasemizini yamaMede.

2 AmaKhosi 8:12

UHazayeli wathi: Nkosi yami, ukhalelani? Yena waphendula wathi: Kungoba ngiyabazi ububi ozakubenza ebantwini bakoIsrayeli; uzatshisa inqaba zabo ngomlilo, ubulale lezinsizwa zabo, uchoboze ingane zabo, uqhaqhe abesifazana abakhulelweyo.

U-Isaya 13:16

Izingane zabo zizachotshozwa phambi kwabo, kuphangwe lezindlu zabo, omkabo babanjwe.

U-Isaya 17:3

Inqaba izaphela koEfrayimi, lombuso eDamaseko; labaseleyo eSiriya bazakudelelwa njengabakoIsrayeli, kutsho iNkosi yamabandla.

U-Isaya 8:4

Ngoba umntwana engakakwazi ukuthi Baba, lokuthi Mama, inotho yaseDamaseko lempahla yaseSamariya izathunjwa yinkosi yaseAsiriya.

UHosiya 10:2

Inhliziyo yabo ikhohlakele, khathesi sebezakuthwala icala labo. INkosi izabhidliza ama‐altare abo, idilize lensika zabo ezingcwele.

UHosiya 11:6

Impi izatheleka emizini yabo, yaphule lemigoqo yamasango ayo, ibadle ezinqabeni zabo.

UHosiya 7:14

Kabamemezi kimi ngenhliziyo zabo, kodwa bakhala besemibhedeni yabo; lapho bekhalela amabele lewayini, bayazisika, kodwa mina bayangihlamuka.

uAmosi 1:13

INkosi ithi: Ngenxa yeziphambeko ezinengi zamaAmoni kangiyikuwayekela, ngoba aqhaqha abesifazana abakhulelwayo eGileyadi, ukuba andise ilizwe labo.

uAmosi 3:9

Memezelani ezinqabeni zaseAsiriya lezinqabeni zaselizweni laseGibithe, lithi: Buthanani phezu kwezintaba zaseSamariya, libone iziphithiphithi ezinkulu eziphakathi kwalo lokucindezelwa okukilo.

uAmosi 9:1

Ngayibona iNkosi imi phansi kwealtare, yathi: Tshaya izihloko zezinsika ukuze iminyango inyikinyeke, uzaphulele amakhanda abo bonke abantu; abaseleyo ngizababulala ngempi; kakuyikuphunyuka loyedwa abaleke.

UMikha 1:4

Intaba zizancibilika ngaphansi kwayo lezihotsha ziqekezeke, zincibilike njengengcino phambi komlilo, zibe njengamanzi ageleza emaweni.

UMikha 6:16

Ngoba ligcinile izimiso zikaOmri, lenzile yonke imisebenzi yendlu kaAhabi, lahamba ngamacebo abo, ngakho ngizalichitha, labakhileyo benu babe yinhlekisa; lizakweyiswa ngabantu.

UNahume 3:10

Kanti lathunjwa laya ekuthunjweni, lezingane zalo zachotshozwa engonsini zazo zonke indlela; kwenziwa inkatho ngezikhulu zalo, labo bonke abakhulu balo babotshwa ngamaketane.