UHosiya 11:11 - iBhayibhili Elingcwele 1978

¹¹ Azavela eGibithe ngokuphangisa njengenyoni, lanjengamajuba evela elizweni laseAsiriya; ngizababuyisela emizini yabo, kutsho iNkosi.

IBhayibhili Elingcwele LesiNdebele

¹¹ Bazakuza bevela eGibhithe beqhaqhazela njengezinyoni bevela e-Asiriya bephaphazela njengamajuba. Ngizabahlalisa emakhaya abo,” kutsho uThixo.

UHosiya 11:11 ပူးပေါင်းရင်းမြစ်များ

U-Isaya 11:11

Kuzakuthi ngalolosuku iNkosi yelule isandla sayo ngokwesibili ukubutha abaseleyo ebantwini bayo, ibabuthe eAsiriya laseGibithe lasePatrosi laseEtiyopiya laseElamu, laseShinari laseHamathi, lasemazweni angasolwandle.

U-Isaya 60:8

Ngobani laba abagijima njengeyezi, bephapha njengamajuba esiya ezidlekeni zawo na?

UJeremiya 31:12

Bazakuza bahlabele entabeni yaseZiyone, bazathokoza kakhulu ngokuhle kweNkosi, ngamabele lewayini, langamafutha, bathokoze ngamazinyane ezimvu, langamathole enkomo; ukuphila kwabo kube njengensimu ethelelwayo, bangabe besaba losizi futhi.

UHezekhiyeli 34:27

Izihlahla zeganga zizathela izithelo zazo, lomhlaba uveze inala, zilondolozeke elizweni lazo. Zizakwazi ukuba ngiyiNkosi nxa sengaphule ijogwe lazo, ngazikhulula kulabo abazithumbileyo.

UHezekhiyeli 34:28

Kazisayikuba yimpango yezizwe, kazisayikudliwa yizilo zelizwe; zizalondolozeka, zingesatshiswa muntu.

UHezekhiyeli 37:21

uthi kibo: INkosi uNkulunkulu ithi: Ngizathatha abantu bakoIsrayeli ezizweni abaya kizo, ngibabuyise bevela endaweni zonke, ngibalethe elizweni labo;

UHezekhiyeli 37:25

Bazahlala elizweni elalihlala okhokho benu engalinika inceku yami uJakobe; bona kanye labantwana babo labantwana babantwana babo bahlale khona kokuphela. UDavida inceku yami uzakuba yisikhulu sabo kokuphela.

UHosiya 3:5

Emva kwalokho abakoIsrayeli bazabuya bayidinge iNkosi uNkulunkulu wabo, loDavida inkosi yabo. Bazabuya eNkosini besesaba, beze lasekulungeni kwayo ensukwini ezizayo.

UHosiya 7:11

UEfrayimi unjengejuba eliyisiphukuphuku elingelangqondo; ucela usizo eGibithe, abuye alucele eAsiriya.

uObadiya 1:17

Kodwa entabeni yaseZiyone kuzakuba khona abaphunyukileyo, izakuba ngcwele; lendlu kaJakobe izakudla ilifa layo.

UZakhariya 10:10

Ngizababuyisa ekhaya bevela eGibithe, ngibaqoqe eAsiriya; ngizabaletha elizweni laseGileyadi laseLebanoni, kuze kungasali ndawo.

UZakhariya 8:7

Ngizakhulula abantu bami elizweni lasempumalanga laselizweni lasentshonalanga,

UZakhariya 8:8

ngibalethe ukuba bahlale phakathi kweJerusalema, babe ngabantu bami, lami ngibe nguNkulunkulu wabo ngeqiniso langokulunga.