UHosiya 10:7 - iBhayibhili Elingcwele 1978

⁷ ISamariya lenkosi yalo kuzanyamalala njengebazelo elindendayo emanzini.

IBhayibhili Elingcwele LesiNdebele

⁷ ISamariya lenkosi yakhona kuzabhujiswa kuzakhukhulwa kuhambe njengogatshanyana phezu kwamanzi.

UHosiya 10:7 ပူးပေါင်းရင်းမြစ်များ

1 AmaKhosi 21:1

UNabothi waseJezereli wayelesivini eJezereli phansi kwesigodlo sikaAhabi inkosi yaseSamariya.

2 AmaKhosi 1:3

Isithunywa seNkosi uNkulunkulu sathi kuElija waseTishibi: Hamba uyehlangabeza izithunywa zenkosi yaseSamariya, uthi kizo: Kungenxa yokuba kakulankulunkulu yini koIsrayeli ukuba liyebuza kuBali‐Zebubi unkulunkulu waseEkroni na?

2 AmaKhosi 15:30

UHosheya indodana kaEla wamenzela icebo uPeka indodana kaRemaliya, wamtshaya wambulala, wabusa esikhundleni sakhe ngomnyaka wamatshumi amabili wokubusa kukaJothamu, indodana kaUziya.

2 AmaKhosi 17:4

Kodwa inkosi yaseAsiriya yafumanisa inkohliso kuHosheya, ngoba wayethumele izithunywa kuSo inkosi yaseGibithe, kazabe esathela enkosini yaseAsiriya njengokwenza kwakhe iminyaka ngeminyaka. Ngakho inkosi yaseAsiriya yambamba yamfaka entolongweni.

UHosiya 10:15

Kuzakuba njalo kuwe, Israyeli, ngenxa yobubi bakho obukhulu; njengoba ilanga lingaphuthi ukuphuma, kunjaloke lenkosi kuIsrayeli izachithwa.

UHosiya 10:3

Ngoba khathesi sebezakuthi: Kasilankosi thina, ngoba kasiyesabi iNkosi uNkulunkulu; inkosike ingasenzelani na?

UHosiya 10:8

Indawo eziphakemeyo zokukhonzela ezilize eziyisono sikaIsrayeli zizachithwa; ameva lokhula kuzamila emaaltareni abo. Bazakuthi ezintabeni: Sisibekeleni; bathi lasemaqaqeni: Welani phezu kwethu.

UHosiya 13:11

Ngikunikile amakhosi ekuthukutheleni kwami, ngawasusa ngolaka lwami.

UJuda 1:13

bangamavinqo olwandle aphosekayo, abhubhudla amahlazo awo; bazinkanyezi eziduhayo ezigcinelwe umnyama omkhulu ongapheliyo.