UHosiya 10:14 - iBhayibhili Elingcwele 1978

¹⁴ ngalokho kuzakuba khona ukuxokozela kwempi phakathi kwabantu bakini, kudilizwe lenqaba zenu zonke, njengalokhu uShalimani wachitha iBeti‐Aribeli ngosuku lwempi, kwachotshozwa onina labantwana babo.

IBhayibhili Elingcwele LesiNdebele

¹⁴ ukuhlokoma kwempi kuzakuba khona ebantwini bakini, ngakho zonke izinqaba zenu zizabhidlizwa njengalokhu uShalimani wabhidliza iBhethi-Abheli ngosuku lwempi, lapho onina basakazelwa phansi labantwababo.

UHosiya 10:14 ပူးပေါင်းရင်းမြစ်များ

UGenesisi 32:11

Ngophula esandleni somnewethu, esandleni sikaEsawu; ngoba ngiyamesaba funa afike asibulale onina labantwana.

2 AmaKhosi 17:16

Bayephula yonke imilayo yeNkosi uNkulunkulu wabo, bazenzela izithombe ezikhandiweyo ezamathole amabili, benza insika zikankulunkulukazi uAshera, bakhonza zonke inkanyezi zaphezulu, bakhonza loBali.

2 AmaKhosi 17:3

Wahlaselwa nguShalimaneseri inkosi yaseAsiriya, uHosheya wathela kuye.

2 AmaKhosi 18:33

Kambe onkulunkulu bezinye izizwe bawakhulula yini amazwe abo esandleni senkosi yaseAsiriya na?

U-Isaya 17:3

Inqaba izaphela koEfrayimi, lombuso eDamaseko; labaseleyo eSiriya bazakudelelwa njengabakoIsrayeli, kutsho iNkosi yamabandla.

U-Isaya 33:14

Izoni zaseZiyone ziyesaba, ukuthuthumela kubehlele abangamesabiyo uNkulunkulu, bathi: Ngubani phakathi kwethu ongahlala lomlilo oqothulayo? Ngubani phakathi kwethu ongahlala lokutshisa okungapheliyo?

UJeremiya 13:14

Ngizakubatshayanisa, oyise lamadodana ndawonye, kutsho iNkosi. Kangiyikubahawukela, kangiyikubaxolela, ngibe lesihawu sokuba ngingababulali.

UJeremiya 48:41

Imizi izathunjwa, lezinqaba zithathwe, kuthi inhliziyo zamaqhawe aseMowabi ngalolosuku zibe njengenhliziyo yowesifazana ohelelwayo.

UHosiya 10:15

Kuzakuba njalo kuwe, Israyeli, ngenxa yobubi bakho obukhulu; njengoba ilanga lingaphuthi ukuphuma, kunjaloke lenkosi kuIsrayeli izachithwa.

UHosiya 13:16

ISamariya lizathwala icala lalo, ngoba lihlamukile uNkulunkulu walo; bazakubulawa yimpi, labantwana babo bachotshozwe, labakhulelweyo babo baqhaqhwe.

uAmosi 3:14

Mhla ngitshaya uIsrayeli ngenxa yeziphambeko zakhe ngizatshaya ama‐altare aseBetheli, kwaphuke impondo zealtare ziwele phansi.

uAmosi 3:8

Isilwane sesibhongile, ngubani ongayikwesaba na? INkosi uNkulunkulu isikhulumile, ngubani ongayekela ukutshumayela na?

uAmosi 9:5

INkosi uNkulunkulu wamabandla yiyo ethinta umhlaba unyikinyeke, bakhale bonke abakhileyo kuwo, ukhukhumale wonke njengomfula iNile, ubuye ubohle njengeNile laseGibithe.

UMikha 5:11

ngichithe lemizi yelizwe lakini, ngidilizele phansi inqaba zakini.

UNahume 3:10

Kanti lathunjwa laya ekuthunjweni, lezingane zalo zachotshozwa engonsini zazo zonke indlela; kwenziwa inkatho ngezikhulu zalo, labo bonke abakhulu balo babotshwa ngamaketane.

UNahume 3:12

Inqaba zakho zonke zinjengezihlahla zemikhiwa ezilezithelo ezivuthiweyo, uba zinyikinywa, izithelo ziwela emlonyeni wodlayo.

UHabhakhukhi 1:10

Yisizwe esiklolodela amakhosi, lababusi sibahleka ulunya, sihlekisane ngazo zonke inqaba, ngoba sibuthelela umhlabathi, sizithathe.