UHezekhiyeli 8:11 - iBhayibhili Elingcwele 1978

¹¹ Kwakumi phambi kwazo abadala bakoIsrayeli abangamatshumi ayisikhombisa bekanye loJazaniya indodana kaShafani. Bonke babephethe indengezi zempepha, zithunqa intuthu yempepha.

IBhayibhili Elingcwele LesiNdebele

¹¹ Phambi kwazo kwakumi abadala bendlu ka-Israyeli abangamatshumi ayisikhombisa, loJazaniya indodana kaShafani emi phakathi kwabo. Omunye lomunye wayephethe udengezi lokutshisela impepha ngesandla, luthunqa intuthu elephunga elimnandi elempepha.

UHezekhiyeli 8:11 ပူးပေါင်းရင်းမြစ်များ

2 AmaKhosi 22:12

Yasilaya uHilikiya umpristi loAhikamu indodana kaShafani loAkibori indodana kaMikaya loShafani umabhalane, loAsaya inceku yenkosi, yathi:

2 AmaKhosi 22:14

Ngakho uHilikiya umpristi loAhikamu loAkibori loShafani loAsaya baya kuHulida umprofethikazi umkaShaluma indodana kaTikiva kaHarihasi, umgcini wezigqoko. UHulida wayehlala eJerusalema esigabeni sesibili. Bakhuluma laye.

2 AmaKhosi 22:3

Ngomnyaka wetshumi lesificaminwembili wokubusa kwakhe uJosiya inkosi wathuma uShafani indodana kaAzaliya kaMeshulamu, umabhalane, ukuba aye ethempelini, wathi kuye:

2 AmaKhosi 22:8

UHilikiya umpristi omkhulu wathi kuShafani umabhalane: Sengifumene incwadi yomlayo ethempelini. UHilikiya wasemnika incwadi, yena wayibala.

2 AmaKhosi 25:22

UNebukadineza inkosi yaseBabiloni yabeka uGedaliya indodana kaAhikamu kaShafani ukuba ngumbusi wabantu abasala koJuda.

2 ImiLando 26:16

Kodwa lapho eseqinile wazikhukhumeza, kwamlethela ukuchitheka. Ngoba wona eNkosini uNkulunkulu wakhe ngokungena ethempelini leNkosi ukuba atshise impepha phezu kwealtare lempepha.

2 ImiLando 26:19

Wasethukuthela uUziya. Wayephethe udengezi ukuba atshise impepha; esebathukuthelele abapristi, waba lobulephero ebunzini lakhe phambi kwabapristi ethempelini eduze lealtare lempepha.

2 ImiLando 34:20

Yasilaya oHilikiya loAhikamu indodana kaShafani loAbidoni indodana kaMika loShafani umabhalane loAsaya inceku yenkosi, yathi:

U-Eksodasi 24:1

UNkulunkulu wathi kuMose: Khwela uze eNkosini wena kanye loAroni loNadabi loAbihu labalisa bakoIsrayeli abangamatshumi ayisikhombisa, lingikhonze likhatshana.

U-Eksodasi 24:9

Basebekhwelake uMose loAroni loNadabi loAbihu kanye labalisa bakoIsrayeli abangamatshumi ayisikhombisa,

U-Isaya 44:13

Umbazi yena welula intambo, adwebe isigodo ngepenseli, asibaze ngezancele, asidwebe ngensimbi ecijileyo, enze ngaso umfanekiso womuntu, umuntu omuhle olesimo esihle, ukuba uhlale endlini.

UJeremiya 19:1

INkosi yathi: Hamba uyethenga inqayi; uthathe abanye abadala babantu labanye abapristi abadala,

UJeremiya 19:4

Ngoba abantu bangitshiyile, bayingcolisa lindawo ngokutshisela kiyo impepha kwabanye onkulunkulu abangabaziyo bona labokhokho babo kanye lamakhosi akoJuda; futhi bayigcwalisa lindawo ngegazi labangelacala,

UJeremiya 26:22

Inkosi uJehoyakimi yasithuma eGibithe amadoda athile, uElinathani indodana kaAkibori, kanye labanye,

UJeremiya 26:24

Kodwa uAhikamu indodana kaShafani wamvikela uJeremiya ukuba anganikelwa ebantwini ukubulawa.

UJeremiya 29:3

Incwadi yasiwa nguElasa indodana kaShafani, loGemariya indodana kaHilikiya, ababethunywe nguZedekiya, inkosi yakoJuda, eBabiloni kuNebukadineza inkosi yaseBabiloni. Yathi:

UJeremiya 36:10

UBaruki wawafunda wonke amazwi kaJeremiya asemqulwini wencwadi phambi kwabo bonke abantu ethempelini, endlini kaGemariya indodana kaShafani, umbhali, eyayisegumeni elingaphezulu, ekungeneni kweSango elitsha lethempeli.

UJeremiya 44:21

Impepha elayitshisa emizini yakoJuda lasezindleleni zeJerusalema, lina laboyihlo, lamakhosi enu, lezikhulu zenu, labantu belizwe, iNkosi kayikukhumbulanga na? Kakungenanga engqondweni yayo na?

UJeremiya 5:5

Sengizakuya kwabakhulu, ngikhulume labo, ngoba bona bayayazi indlela yeNkosi lomlayo kaNkulunkulu wabo. Kodwa labo babelephulile ijogwe, baqamula izibopho.

UJeremiya 52:27

Inkosi yaseBabiloni yabatshaya, yababulalela eRibila elizweni laseHamathi. Wathunjwa ngokunjalo uJuda elizweni lakhe.

UJeremiya 7:9

Lizakweba, libulale, lifebe, lifunge amanga, litshisele uBali impepha, likhonze abanye onkulunkulu elingabaziyo,

UHezekhiyeli 20:1

Kwathi ngomnyaka wesikhombisa, ngosuku lwetshumi enyangeni yesihlanu, abadala abathile bakoIsrayeli beza ukubuza eNkosini, bahlala phambi kwami.

UHezekhiyeli 8:10

Ngasengingena, ngabona lapho kudwetshiwe emidulini inxa zonke imifanekiso yazo zonke izinto ezihahabayo, lezilo ezenyanyekayo, lazo zonke izithombe zakoIsrayeli.

UHezekhiyeli 9:6

libulale liqede amaxhegu, amajaha lezintombi, abantwana abancinyane labesifazana; kodwa lingathinti loyedwa olophawu, liqalise endlini yami engcwele. Baqala ngamadoda amadala ayephambi kwethempeli.

UDanyeli 9:8

Kukhona kithi ihlazo, Nkosi, emakhosini ethu, lasezikhulwini zethu, lakubokhokho bethu, ngoba sonile kuwe.

AmaNani 11:16

INkosi yathi kuMose: Buthanisa abangamatshumi ayisikhombisa babalisa bakoIsrayeli, owaziyo ukuthi bangabalisa babantu lezinduna zabo, ubalethe ethenteni lokuhlangana ukuba beme khona lawe.

AmaNani 11:25

INkosi yehla ngeyezi, yakhuluma kuye, yathatha ingxenye yomoya okuye, yayifaka kubalisa abangamatshumi ayisikhombisa. Kwathi lapho umoya usehlela phezu kwabo, batshumayela. Kodwa kabaphindanga ukutshumayela.

AmaNani 16:17

omunye lomunye wenu athathe umganu wakhe wokutshisela impepha, afake kuwo impepha, awulethe phambi kweNkosi, kube lemiganu engamakhulu amabili lamatshumi amahlanu; lawe njalo ulethe umganu wakho, loAroni alethe owakhe.

AmaNani 16:35

Kwavela eNkosini umlilo, waqothula labobantu abangamakhulu amabili lamatshumi amahlanu ababenikele ngempepha.

AmaNani 7:50

inkezo yegolide, ubunzima bayo bungamashekeli alitshumi, igcwele impepha;

ULukha 10:1

Emva kwalokho iNkosi yamisa abanye abangamatshumi ayisikhombisa, yabathuma ngababili ngaphambi kwayo emizini lasendaweni zonke ebizakuya kuzo yona.