UHezekhiyeli 8:10 - iBhayibhili Elingcwele 1978

¹⁰ Ngasengingena, ngabona lapho kudwetshiwe emidulini inxa zonke imifanekiso yazo zonke izinto ezihahabayo, lezilo ezenyanyekayo, lazo zonke izithombe zakoIsrayeli.

IBhayibhili Elingcwele LesiNdebele

¹⁰ Ngakho ngangena phakathi ngakhangela, ngabona indawo yonke emidulini kufanekiswe inhlobo zezinto zonke ezihuquzelayo lezinyamazana ezenyanyekayo kanye lezithombe zonke zasendlini ka-Israyeli.

UHezekhiyeli 8:10 ပူးပေါင်းရင်းမြစ်များ

U-Eksodasi 20:4

Ungazenzeli izithombe ezibaziweyo lomfanekiso walokho okusezulwini lalokho okusemhlabeni lalokho okusemanzini angaphansi komhlaba;

U-Isaya 44:13

Umbazi yena welula intambo, adwebe isigodo ngepenseli, asibaze ngezancele, asidwebe ngensimbi ecijileyo, enze ngaso umfanekiso womuntu, umuntu omuhle olesimo esihle, ukuba uhlale endlini.

UJeremiya 16:18

Ngizaphindisela ngokuphindiweyo ububi babo lezono zabo, ngoba balingcolisile ilizwe lami ngezidumbu zezithombe zabo ezinengekayo, bagcwalisa ilizwe lami ngamanyala abo.

UJeremiya 3:9

Ngoba ubufebe babuyinto elula kuye wangcolisa ilizwe ngokufeba kwakhe langokukhonza amatshe lezihlahla.

UJeremiya 44:21

Impepha elayitshisa emizini yakoJuda lasezindleleni zeJerusalema, lina laboyihlo, lamakhosi enu, lezikhulu zenu, labantu belizwe, iNkosi kayikukhumbulanga na? Kakungenanga engqondweni yayo na?

UJeremiya 44:4

Kanti ngathuma inceku zami zonke abaprofethi, ngazithuma njalonjalo, ngisithi: Lingayenzi linto enengisayo lengiyizondayo.

UHezekhiyeli 11:12

Lizakwazi ukuba ngiyiNkosi. Ngoba kalihambanga ngezimiso zami, lemithetho yami kaliyenzanga, kodwa lenze imithetho yezizwe ezilihanqileyo.

UHezekhiyeli 23:14

Kodwa yena wengezelela ekuwuleni kwakhe. Wabona abesilisa befanekisiwe emdulini, izithombe zamaKaladiya zifanekisiwe ngokubomvu,

UHezekhiyeli 8:11

Kwakumi phambi kwazo abadala bakoIsrayeli abangamatshumi ayisikhombisa bekanye loJazaniya indodana kaShafani. Bonke babephethe indengezi zempepha, zithunqa intuthu yempepha.

UHezekhiyeli 8:9

Wasesithi kimi: Ngena, ubone amanyala angcolileyo abawenzayo lapha.

AbaseRoma 1:23

lenkazimulo kaNkulunkulu ongabhubhiyo bayiphendula yafana lomfanekiso womuntu obhubhayo, lowezinyoni, lowezinyamazana, lowokuhuquzelayo.

UDutheronomi 14:3

Lingabokudla ulutho olunengekayo.

UDutheronomi 4:16

xwayani funa lone, lizenzele isithombe esibaziweyo sowesilisa loba sowesifazana,

UDutheronomi 4:18

loba sokuhuquzelayo emhlabeni, lenhlanzi esemanzini angaphansi komhlaba.

UDutheronomi 4:23

Qaphelisani funa likhohlwe isivumelwano seNkosi uNkulunkulu wenu eyasenza lani, lenze isithombe esibaziweyo salokho iNkosi uNkulunkulu wenu elinqabele khona.

UDutheronomi 4:25

Lapho lizuza abantwana labazukulu, lalapho selihlale elizweni isikhathi eside, uba lisona, lenze isithombe esibaziweyo solutho oluthile, lenze okubi emehlweni eNkosi uNkulunkulu wenu ukuze limthukuthelise,