UHezekhiyeli 7:24 - iBhayibhili Elingcwele 1978

²⁴ ngizaletha izizwe ezimbi kakhulu ukuthumba izindlu zabo, ngiqede ukuziqhenya kwabo lamandla abo, kungcoliswe indawo zabo ezingcwele.

IBhayibhili Elingcwele LesiNdebele

²⁴ Ngizaletha izizwe ezimbi kakhulu ukuthi zithathe izindlu zabo. Ngizaqeda ukuzigqaja kwabalamandla lezindawo zabo ezingcwele zizangcoliswa.

UHezekhiyeli 7:24 ပူးပေါင်းရင်းမြစ်များ

UGenesisi 47:26

UJosefa wenza umthetho mayelana lelizwe laseGibithe omiyo lalamhla wokuthi okwesihlanu kuzakuba ngokukaFaro; isiqinti sabapristi sodwa yiso esasingesiso sikaFaro.

AmaHubo 106:41

Yabanikela ezandleni zezizwe ukuze ababazondayo bababuse.

AmaHubo 74:7

Zayitshisa indlu yakho engcwele, zayidilizela phansi indlu yebizo lakho, zayidumaza.

AmaHubo 83:12

ababesithi: Kasizithathele amadlelo kaNkulunkulu.

U-Isaya 5:14

Ngakhoke indawo yabafileyo inabulule umphimbo wayo, yavula umlomo wayo waba banzi ukuginya izikhulu eziseJerusalema, labantu balo abaxokozelayo ngokuthaba.

UJeremiya 12:12

Abaphangi bafikile phezu kwawo wonke amadundulu angelalutho asenkangala, ngoba umkhonto weNkosi uyadla kusukela komunye umkhawulo welizwe kusiya komunye, kakho olokuthula.

UJeremiya 17:4

Uzaliyekela ngokwakho ilizwe lakho engakunika lona, ngikwenze ukuba usebenzele izitha zakho elizweni ongalaziyo, ngoba ekuthukutheleni kwami kuphembeke umlilo ozavutha kuze kube nininini.

UJeremiya 4:7

Isilwane siphumile ehlathini laso, umchithi wezizwe uyeza, uphumile endaweni yakhe ukuba achithe ilizwe lakho; lemizi yakho izakuba ngamanxiwa, kungabi khona umuntu kuyo,

UJeremiya 6:12

Izindlu zabo zizanikwa abanye, amasimu abo kanye labomkabo; ngoba ngizaphakamisela isandla sami kwabakhileyo elizweni, kutsho iNkosi.

Izililo 5:2

Ilizwe lethu selinikwe abezizwe, lemizi yethu yanikwa abemzini.

UHezekhiyeli 21:2

Ndoda, khangela ngaseJerusalema, utshumayele ngezindawo zakhona ezingcwele, utshumayele ngelizwe lakoIsrayeli,

UHezekhiyeli 21:31

ngehlisele ukuthukuthela kwami phezu kwakho, ngikuthungele ngomlilo wolaka lwami, ngikunikele ezandleni zabantu abalolunya, abakwaziyo ukubulala.

UHezekhiyeli 24:21

lathi: Tshono kuIsrayeli ukuthi iNkosi uNkulunkulu ithi: Ngizangcolisa indlu yami engcwele, eligugu lamandla enu, ethandekayo emehlweni enu, efiswa ngumoya wenu. Amadodana enu lamadodakazi enu eliwatshiyileyo azakubulawa yimpi.

UHezekhiyeli 28:7

ngizakukulethela abezizwe, ngilethe izizwe ezesabekayo kakhulu; zizahwatsha imikhonto yazo, zichithe ubuhle bokuhlakanipha kwakho, zone udumo lwakho.

UHezekhiyeli 33:28

Ngizalichitha ilizwe libe yinkangala, lamandla alo aziphakamisayo azaphela, lentaba zakoIsrayeli zibe yinkangala ukuba kungadluli muntu kuzo.

UZefaniya 1:13

Impahla yabo izakuphangwa, lezindlu zabo zidilizwe. Loba besakha izindlu, kabayikuhlala kuzo, loba belima izivini, kabayikunatha iwayini lazo.