UHezekhiyeli 6:10 - iBhayibhili Elingcwele 1978

¹⁰ Bazakwazi ukuba mina ngiyiNkosi. Kangikhulumanga ize nxa ngisithi ngizakwenza lokho okubi kibo.

IBhayibhili Elingcwele LesiNdebele

¹⁰ Njalo bazakwazi ukuthi mina nginguThixo. Kangisongelanga ize lapho ngathi ngizabehlisela umonakalo lo.

UHezekhiyeli 6:10 ပူးပေါင်းရင်းမြစ်များ

UJeremiya 44:28

Labo abaphepha empini bazabuyela elizweni lakoJuda bevela eGibithe, beyingcosana nje; labo bonke abaseleyo koJuda abeze eGibithe ukuhlala khona, bazakwazi ukuba ilizwi elizakuma ngelikabani, elami kumbe elabo.

UHezekhiyeli 12:25

Kodwa mina Nkosi ngizakukhuluma engikuthandayo; engikutshoyo yikho okuzakwenzeka, kungaphuzi lokho engikukhulumayo; ngizakukwenza ensukwini zenu, lina bantu abahlamukayo, kutsho iNkosi uNkulunkulu.

UHezekhiyeli 22:14

Isibindi sakho sizakuma yini, lezandla zakho ziqine, ensukwini engizaphathana lawe kuzo na? Mina Nkosi ngikhulumile, ngizakukwenza.

UHezekhiyeli 5:13

Kuzaphelake ukuthukuthela kwami, nganelise ukufutheka kwami ngabo, bazakwazi ukuba mina, Nkosi, ngikhulumile ngomona wami lapho sengiphelelise ukufutheka kwami kibo.

UHezekhiyeli 6:11

INkosi uNkulunkulu ithi: Qakeza izandla zakho, ugide ngenyawo zakho uthi: Maye! ngenxa yawo wonke amanyala amabi akoIsrayeli; ngoba bazabulawa yimpi, layindlala, layisifo.

UHezekhiyeli 6:7

Nxa abantu bebulawa phakathi kwenu, lizakwazi ukuba ngiyiNkosi.

UHezekhiyeli 6:9

Abaseleyo bakini bazangikhumbula phakathi kwezizwe abathunjelwe kizo; bazakhumbula ukudabuka kwami ngenxa yenhliziyo zabo ezasuka kimi ngenxa yobubi langenxa yamehlo abo ayelandele izithombe. Ng’khona bazanengwa yibo bonke ububi ababenzileyo langamanyala abo wonke.

UDanyeli 9:12

Ugcwalisile amazwi akho owawakhuluma ngathi langababusi bethu abasibusayo ngokusehlisela umonakalo omkhulu; ngoba emhlabeni wonke kakuzanga kwenziwe okunjengalokho okwenziwe eJerusalema.

UZakhariya 1:6

Kodwa amazwi ami lezimiso zami, engalaya ngakho inceku zami abaprofethi, kakubaficanga okhokho benu na? Ngakho baphenduka bathi: Njengalokhu iNkosi yamabandla yazimisela ukusiphatha ngokufanele indlela zethu lezenzo zethu, yenze njalo.