UHezekhiyeli 5:17 - iBhayibhili Elingcwele 1978

¹⁷ Ngizalithumela indlala lezilo zeganga, zibulale abantwana benu; isifo legazi kudabule phakathi kwenu; ngililethele impi. Mina Nkosi ngikhulumile.

IBhayibhili Elingcwele LesiNdebele

¹⁷ Ngizakulethela indlala lezinyamazana zeganga ukuba kukuhlasele, kuzakutshiya ungaselamntwana. Isifo lokuchithwa kwegazi kuzadabula phakathi kwakho, njalo ngizaletha inkemba ukuba ikuhlasele. Mina Thixo sengikhulumile.”

UHezekhiyeli 5:17 ပူးပေါင်းရင်းမြစ်များ

2 AmaKhosi 17:25

Ekuqaleni kokuhlala kwabo khona kabayikhonzanga iNkosi uNkulunkulu; ngakho yasithumela izilwane phakathi kwabo ezabulala abanye babo.

U-Eksodasi 23:29

Kangiyikubaxotsha phambi kwakho ngomnyaka owodwa, funa ilizwe libe yinkangala, lenyamazana zeganga zande kakhulu.

UJeremiya 15:3

Ngizabamisela inhlobo ezine zababulali, kutsho iNkosi, ngitsho umkhonto wokubulala, izinja zokubabamba, inyoni zaphezulu, lenyamazana zeganga zokubadla lokubabhubhisa.

UHezekhiyeli 14:15

Loba ngidlulisa phakathi kwelizwe izilo zeganga, ziliphange, lize libe yinkangala, ukuze kungadluli muntu kilo ngenxa yezilo,

UHezekhiyeli 14:19

Uba ngithumela isifo kulelolizwe, ngehlisele ukuthukuthela kwami kulo ngokuchitha igazi, ukuba ngiqede kulo abantu lezinyamazana,

UHezekhiyeli 14:21

INkosi uNkulunkulu ithi: Phoke, kuzakuba njani eJerusalema nxa ngilehlisela lezizehlulelo zami ezine ezibuhlungu, impi, lendlala, lezilo ezimbi, lesifo, ukuba ngiqede kilo abantu lezinyamazana.

UHezekhiyeli 17:21

Wonke amaqhawe empi yakhe azabulawa empini, abaseleyo bachithachithelwe emimoyeni yonke. Lizakwazi ukuthi mina Nkosi ngikhulumile.

UHezekhiyeli 17:24

Zonke izihlahla zeganga zizakwazi ukuba mina Nkosi ngiyawisa isihlahla eside, ngikhulise isihlahla esifitshane, ngomise isihlahla esiluhlaza, ngihlumise esomileyo. Mina Nkosi ngikhulumile, ngizakukwenza.

UHezekhiyeli 21:3

uthi kilo: INkosi ithi: Ngimelene lawe, ngizahwatsha umkhonto wami esambeni sawo, ngibhubhise kuwe abalungileyo lababi.

UHezekhiyeli 21:32

Uzakuba zinkuni zomlilo, legazi lakho lichithekele phakathi kwezizwe, ungabe usakhunjulwa; ngoba mina Nkosi ngikhulumile.

UHezekhiyeli 22:14

Isibindi sakho sizakuma yini, lezandla zakho ziqine, ensukwini engizaphathana lawe kuzo na? Mina Nkosi ngikhulumile, ngizakukwenza.

UHezekhiyeli 23:47

Ixuku lizabakhanda ngamatshe, libaqedisele ngemikhonto yalo, lizabulala amadodana lamadodakazi abo, litshise lezindlu zabo.

UHezekhiyeli 26:14

Ngizakukwenza ube lidwala elingelalutho, indawo yokuchaya amambule, ungaphindi wakhiwe futhi; ngoba mina Nkosi ngikhulumile, kutsho iNkosi uNkulunkulu.

UHezekhiyeli 28:23

Ngoba ngizathumela isifo kilo, kuchitheke legazi endleleni zalo; abantu bazakufela phakathi kwalo, bebulawa yimpi elihanqileyo inxa zonke. Ng’khona bazakwazi ukuba ngiyiNkosi.

UHezekhiyeli 30:12

Ngizakwenza umfula iNile utshe, ngithengise ilizwe ebantwini ababi, ngilichithe ilizwe lakho konke okukilo ngezandla zabezizwe; mina Nkosi ngikhulumile.

UHezekhiyeli 33:27

Tshono lokhu kibo uthi: INkosi uNkulunkulu ithi: Ngiyazifunga mina, impela labo abasendaweni ezichithekileyo bazakubulawa; labo abasegangeni ngizabanikela ezilweni zibabulale, lalabo abasezinqabeni labasembalwini bazabulawa yisifo.

UHezekhiyeli 37:14

Ngizafaka umoya wami kini, liphile; ngizalibeka kwelenu ilizwe; ng’khona lizakwazi ukuba mina Nkosi ngikhulumile, lokuba ngikwenzile, kutsho iNkosi.

UHezekhiyeli 38:22

Ngizamjezisa ngesifo langokuchitheka kwegazi, ngehlisele phezu kwakhe lamaxuku akhe labo bonke abantu abalaye izulu lesiqhotho lomlilo lesolufa.

UHezekhiyeli 5:15

Lizakuba lihlazo lenhlekisa lesixwayiso lento eyesabekayo ezizweni eziliphahlileyo nxa ngilijezisa ngokuthukuthela langokufutheka, ngilitshaya ngokubuhlungu; mina Nkosi ngikhulumile.

UHezekhiyeli 5:16

Lapha ngilitshoka ngemitshoko ebulalayo yendlala, imitshoko yokubhubhisa, ngizakuyitshokela ukulibhubhisa ngayo, ngizalilethela indlala nginciphise ukudla kwenu kwensuku zonke.

UHezekhiyeli 6:1

Ilizwi leNkosi lafika kimi lathi:

UHezekhiyeli 6:12

Okhatshana uzabulawa yisifo, oseduze abulawe yimpi, loseleyo abulawe yindlala. Kuzaphela ngokunjalo ukufutheka kwami phezu kwabo.

ULevi 26:22

Ngizathuma phakathi kwenu izilo ezizakulamuka abantwana benu, zibulale inkomo zenu, zilenze libe balutshwana, lezindlela zenu zibe yinkangala.

UMatewu 24:35

Izulu lomhlaba kuzakudlula, kodwa amazwi ami kawayikudlula.

UDutheronomi 32:24

Bazakuqedwa yindlala, baqedwe yikutshisa lesifo esibuhlungu; ngizathuma kubo amazinyo ezilo, lobuhlungu bokuhuquzelayo othulini.

Isambulo 6:8

Ngakhangela, ngabona ibhiza eliliganu, oligadileyo ibizo lakhe kwakuthiwa ngukuFa, leHadesi lamlandela. Wanikwa amandla phezu kwengxenye yesine yokomhlaba ukuba abulale ngomkhonto, langendlala, langomkhuhlane, langezilo.