UHezekhiyeli 5:15 - iBhayibhili Elingcwele 1978

¹⁵ Lizakuba lihlazo lenhlekisa lesixwayiso lento eyesabekayo ezizweni eziliphahlileyo nxa ngilijezisa ngokuthukuthela langokufutheka, ngilitshaya ngokubuhlungu; mina Nkosi ngikhulumile.

IBhayibhili Elingcwele LesiNdebele

¹⁵ Uzakuba lihlazo lenhlekisa, isixwayiso lento eyesabekayo ezizweni ezikuhanqileyo lapho sengibeka isijeziso phezu kwakho ngentukuthelo langolaka, ngikhuza kabuhlungu. Mina Thixo sengikhulumile.

UHezekhiyeli 5:15 ပူးပေါင်းရင်းမြစ်များ

1 AmaKhosi 9:7

ngizakumqeda uIsrayeli elizweni engimnike lona, lendlu engiyahlukanisele ibizo lami ngizayichitha phambi kwami, uIsrayeli abe yisiga lento yokuhaywa phakathi kwezizwe zonke.

2 ImiLando 29:8

Ngakho ulaka lweNkosi lwehlela phezu kukaJuda leJerusalema, isibenze into eyesabekayo lemangalisayo leyokuncifelwa, njengoba libona nje.

AmaHubo 39:11

Lapho ulaya umuntu umkhuza ngenxa yesono, okuligugu kuye uyakuqeda njengenondo; impela ilowo lalowomuntu ungumoya nje.

AmaHubo 79:4

Sesiphenduke inhlamba kwabakhelene lathi, siyahlekwa, siklolodelwe yilabo abasiphahlileyo.

U-Isaya 26:9

Umphefumulo wami uyakulangatha ebusuku, lomoya wami uyakudingisisa. Ngoba lapho izahlulelo zakho zikhona emhlabeni, abahlala emhlabeni bafunda ukulunga.

U-Isaya 43:28

izikhulu zakho zangcolisa indlu yami engcwele; ngakhoke nganikela uJakobe ekubhujisweni, loIsrayeli ekuthukweni.

UJeremiya 23:40

ngilehlisele ihlazo elingapheliyo lokuyangeka okungayikukhohlakala.

UJeremiya 29:18

Ngizaxotshana labo ngempi langendlala langomkhuhlane, ngibenze babe yinto eyesabekayo kuyo yonke imibuso yomhlaba, babe yisiqalekiso, lesimangaliso, lento yokuncifelwa, lehlazo, phakathi kwazo zonke izizwe lapho ngibaxotshele khona;

Izililo 2:15

Bonke abadlulayo bakutshayela izandla, bayakuncifela bakunikinele amakhanda abo, Jerusalema. Bathi: Yiwo lo umuzi owawubizwa ngokuthi yibuhle obupheleleyo lentokozo yomhlaba wonke na?

Izililo 2:16

Zonke izitha zakho ziyakuklolodela, ziyancifa, zigedle amazinyo azo zithi: Siwuchithile; lolu yilo usuku ebesilulindele; sesilufumene, silubonile.

UHezekhiyeli 11:9

Ngizalikhupha phakathi kwalumuzi, ngilinikele ezandleni zabezizwe, ngilithonisise.

UHezekhiyeli 14:8

Ngizamelana lalabobantu, ngibenze babe yizibonakaliso leziga, ngibakhuphe ebantwini bami; lizakwazi ukuba ngiyiNkosi.

UHezekhiyeli 16:41

Zizatshisa izindlu zakho, zikuthonisise phambi kwabesifazana abanengi. Ngizakukhawulisa ukuwula ungabe usanika izithandwa zakho inkokhelo.

UHezekhiyeli 16:57

kungabonakali ububi bakho na? Khathesike usuphenduke waba njengalo, usuyinto yokuthukwa ngamadodakazi aseEdoma labo bonke abakhelene lalo, lamadodakazi aseFilistiya, abakuhanqileyo labakuzondayo.

UHezekhiyeli 22:4

Wena ulecala ngegazi olichithileyo, usungcoliswe yizithombe ozenzileyo, ulusondezile eduze usuku lwakho, lesikhathi esimisiweyo seminyaka yakho sifikile. Ngalokho ngikwenzile waba lihlazo ezizweni lenhlekisa emazweni wonke.

UHezekhiyeli 23:32

INkosi uNkulunkulu ithi: Uzanatha inkezo kadadewenu ezikileyo lebanzi; uzahlekwa ube yinhlekisa, ngoba igcwele okunengi;

UHezekhiyeli 25:17

Ngizabaphindisela ngokwesabekayo, ngibatshaye ekuthukutheleni kwami; lapho sengiphindisela, bazakwazi ukuba ngiyiNkosi.

UHezekhiyeli 30:19

Ngokunjalo ngizalithonisisa iGibithe. Ng’khonake bazakwazi ukuba ngiyiNkosi.

UHezekhiyeli 5:16

Lapha ngilitshoka ngemitshoko ebulalayo yendlala, imitshoko yokubhubhisa, ngizakuyitshokela ukulibhubhisa ngayo, ngizalilethela indlala nginciphise ukudla kwenu kwensuku zonke.

UHezekhiyeli 5:8

ngalokho iNkosi uNkulunkulu ithi: Mina sengizakulwa lani, ngizakulitshaya ukuze izizwe zonke zibone.

ULevi 26:32

Ngizakuchitha ilizwe ukuba izitha zenu ezihlala kulo zimangaliswe yilo.

UNahume 1:2

INkosi inguNkulunkulu olomona ophindiselayo; iNkosi iyaphindisela, igcwele ulaka; iNkosi iphindisela ezitheni zayo, ihlala ithukuthelela izitha zayo.

1 AbaseKhorinte 10:11

Lezizinto zabehlela bona kube yisixwayiso kwabanye; zalotshelwa ukusilaya thina osekufike kithi ukucina kwesikhathi.

UDutheronomi 28:37

Lizakuba yinto eyesabekayo, lesiga, lehlazo phakathi kwabantu bonke lapho iNkosi izakulisa khona.

UDutheronomi 28:46

Zizakwehlela phezu kwenu laphezu kwenzalo yenu kokuphela zibe yisibonakaliso sokwahlulelwa kukaNkulunkulu.