UHezekhiyeli 5:13 - iBhayibhili Elingcwele 1978

¹³ Kuzaphelake ukuthukuthela kwami, nganelise ukufutheka kwami ngabo, bazakwazi ukuba mina, Nkosi, ngikhulumile ngomona wami lapho sengiphelelise ukufutheka kwami kibo.

IBhayibhili Elingcwele LesiNdebele

¹³ Lapho-ke ukuthukuthela kwami kuzaphela, lolaka lwami kubo luzadeda, njalo ngizabe sengiphindisele. Njalo lapho ulaka lwami sengiluqedele kubo, bazakwazi ukuthi mina Thixo ngikhulume ngokutshiseka kwami.

UHezekhiyeli 5:13 ပူးပေါင်းရင်းမြစ်များ

U-Isaya 1:21

Yeka umuzi othembekileyo usuphenduke waba liwule, wona owawugcwele okufaneleyo! Ukulunga kwakuhlezi phakathi kwawo, kodwa khathesi sekuhlala ababulali.

U-Isaya 1:24

Ngakho iNkosi yamabandla, uMninimandla wakoIsrayeli uthi: Ngizakwehlisela ulaka lwami phezu kwezitha zami, ngiziphindisele kwabamelana lami.

U-Isaya 59:17

Yambatha ukulunga njengesivikelo sesifuba, yathwala ingowane yokunqoba ekhanda layo; yagqoka ingubo zokuphindisela, yazigoqela ngentukuthelo njengengubo.

U-Isaya 9:7

Umbuso wayo uzakuba mkhulu, lokuthula kakuyikuphela kuwo, lapho isihlezi esihlalweni sobukhosi sikaDavida. Izakuwumisa, iwuqinise ngokufaneleyo langokulunga, kusukela kulesisikhathi kuze kube nininini. Ukutshisekela kweNkosi yamabandla kuzakukwenza lokhu.

UJeremiya 14:12

Loba bezila ukudla, kangiyikuzwa ukukhala kwabo; loba benikela umnikelo wokutshiswa lomnikelo wempuphu, kangiyikuthokoza ngabo; kodwa ngizabaqeda ngempi langendlala langomkhuhlane.

UJeremiya 15:9

Owazala abayisikhombisa usekhathele, waqaleka; watshonelwa lilanga kusesemini; waba lenhloni, wayangeka. Abaseleyo ngizabanikela ezitheni zabo ukuze babulawe, kutsho iNkosi.

UJeremiya 25:12

Ngemva kweminyaka engamatshumi ayisikhombisa ngizatshaya inkosi yaseBabiloni lesizwe sayo, ngenxa yobubi babo, kutsho iNkosi, ngilenze ilizwe lamaKaladiya libe yinkangala kokuphela,

Izililo 4:11

INkosi yaphelelisa ukuthukuthela kwayo, yehlisa ulaka lwayo olutshisayo, yaphemba umlilo eZiyone owaqothula izisekelo zalo.

Izililo 4:22

Ukutshaywa ngenxa yobubi bakho sekuphelele, wena Ziyone. Kayisayikuliyekele ekuthunjweni. Kodwa, wena Edoma, uzatshaywa ngenxa yobubi bakho, izakwambula izono zakho.

UHezekhiyeli 13:15

Ngokunjaloke ngizakwehlisela emdulini ulaka lwami laphezu kwalabo abawucomba ngekalaga, besengisithi kuwe: Umduli kawusekho, kanye lalabo abawucombileyo,

UHezekhiyeli 14:21

INkosi uNkulunkulu ithi: Phoke, kuzakuba njani eJerusalema nxa ngilehlisela lezizehlulelo zami ezine ezibuhlungu, impi, lendlala, lezilo ezimbi, lesifo, ukuba ngiqede kilo abantu lezinyamazana.

UHezekhiyeli 16:42

Ngalokho ngiqede ukuthukuthela kwami kuwe, lomona wami uphele kuwe. Ngizadeda, ngingabe ngisathukuthela.

UHezekhiyeli 16:63

Uzakhumbula, uyangeke, ungaphindi ukuvula umlomo wakho futhi ngenxa yehlazo lakho, nxa sengikuthethelela konke lokho okwenzileyo, kutsho iNkosi uNkulunkulu.

UHezekhiyeli 17:21

Wonke amaqhawe empi yakhe azabulawa empini, abaseleyo bachithachithelwe emimoyeni yonke. Lizakwazi ukuthi mina Nkosi ngikhulumile.

UHezekhiyeli 20:21

Kodwa labantwana bangihlamuka, kabaze bahamba ngezimiso zami, kabaqaphelisanga ukugcina imithetho yami, umuntu azaphila ngayo uba eyenza; bawangcolisa amaSabatha ami. Ngasengisithi ngizakwehlisela ukuthukuthela kwami phezu kwabo, ngibaqede ngolaka lwami enkangala.

UHezekhiyeli 20:8

Kodwa bangihlamuka, kabaze bangilalela. Bonke kabazilahlanga izinto ezenyanyekayo ababezibuka, kabazitshiyanga lezithombe zaseGibithe. Ngasengisithi ngizakwehlisa ukuthukuthela kwami phezu kwabo, ngibaqede ngolaka lwami phakathi kwelizwe laseGibithe.

UHezekhiyeli 21:17

Lami ngizaqakeza izandla zami, ngiphelelise ukufutheka kwami. Mina Nkosi, sengikhulumile.

UHezekhiyeli 21:22

Umtshoko wokuvumisa obhalwe ukuthi iJerusalema uwele ngakwesokunene sayo; kulapho okufanele imemeze khona, ihlabe umkhosi wempi, imise izigodo zokudiliza amasango, lamadundulu okuvimbezela, yakhe lezinqaba.

UHezekhiyeli 23:25

Ngizakwenzela umona ukuba bakuphathe ngolaka. Bazaquma impumulo yakho lendlebe zakho, labaseleyo emzini wakho babulawe. Bazathumba amadodana lamadodakazi akho, labaseleyo emzini wakho batshiswe ngomlilo.

UHezekhiyeli 24:13

Ukuthomba kwayo kungamanyala enu angcolileyo. Ngoba bengithanda ukulihlambulula, kodwa kalihlambulukanga ekungcoleni kwenu, kalisayikuhlanjululwa ngize ngikholise ukuthukuthela kwami phezu kwenu.

UHezekhiyeli 43:8

ngokumisa umbundu womnyango wabo phansi kowami, lensika zeminyango yabo phansi kwezami, sahlukaniswe ngumduli kuphela. Bangcolisile ibizo lami elingcwele ngamanyala abo abawenzileyo, ngakho ngibaqedile ngolaka lwami.

UHezekhiyeli 6:10

Bazakwazi ukuba mina ngiyiNkosi. Kangikhulumanga ize nxa ngisithi ngizakwenza lokho okubi kibo.

UHezekhiyeli 6:12

Okhatshana uzabulawa yisifo, oseduze abulawe yimpi, loseleyo abulawe yindlala. Kuzaphela ngokunjalo ukufutheka kwami phezu kwabo.

UHezekhiyeli 7:3

Ukuphela sekufikile kini, ngizakwehlisela ukuthukuthela kwami phezu kwenu, ngilithonisise ngezenzo zenu, ngehlisele phezu kwenu amanyala enu.

UHezekhiyeli 7:8

Ngizakwehlisela ulaka lwami phezu kwenu, ngiqedele ukuthukuthela kwami kini, ngilithonisise ngokufanele indlela zenu, ngilitshaye ngenxa yawo wonke amanyala enu.

UDanyeli 11:36

Inkosi izakwenza ekuthandayo; izaziphakamisa izikhulise ngaphezu kwabo bonke onkulunkulu, ikhulume okumangalisayo ngoNkulunkulu, iphumelele kuze kuphelele intukuthelo, ngoba okumisiweyo kuzakwenziwa.

UDanyeli 9:2

ngomnyaka wokuqala wokubusa kwakhe, mina Daniyeli ngabona ezincwadini ukuthi ubunengi beminyaka yokuchitheka kweJerusalema, elakhuluma ngayo ilizwi leNkosi kuJeremiya umprofethi, uzakuba yiminyaka engamatshumi ayisikhombisa.

UHosiya 10:10

Ngizakubasukela abantu abahlamukayo, ngibatshaye; izizwe zizakubabuthanela nxa betshayelwa izono zabo ezinengi.

UZakhariya 6:8

Sasesingimemeza sisithi: Khangela, lawo aya elizweni lasenyakatho aphumuzile umoya wami elizweni lasenyakatho.

UDutheronomi 28:63

Njengalokhu iNkosi ibithaba ngokulenzela okuhle langokulandisa, ngokunjalo izakujabula ngokulichitha langokulibhubhisa, lisuswe elizweni elingena kulo ukulithumba.

UDutheronomi 32:36

Ngoba iNkosi izakubahlulela abantu bayo, izihawukele inceku zayo, lapho ibona ukuthi amandla abo aphelile, lokuthi kakulamuntu oseleyo ovalelweyo lokhululekileyo.